Diosqa imachus piensasqantan runakunaman yachachin. Santo espiritunta utilizaspan imachus piensasqanta Bibliata qelqaq runakunaq yuyayninman churaran (2 Pedro 1:20, 21). Chayraykun Bibliata leespa Diosmantaqa yachasunman (leey Juan 17:17; 2 Timoteo 3:16).

Bibliapin Diosqa willawanchis imayna kasqanta. Willawanchismi imarayku runakunata kamasqanta, imakunata runakunapaq ruwananta, imaynata kausananchistapas (Hechos 17:24-27). Jehová Diosqa munanmi paymanta cheqaqta yachananchista (leey 1 Timoteo 2:3, 4).

Jehová Diosqa cheqaq kaqta willaq Diosmi, charaykun Churinta kachamuran cheqaq yachachikuyta yachachiwananchispaq. Cheqaq yachachikuyta maskhaqkunaqa Jesuspa yachachisqantan kasukunku (Juan 18:37). Jehová Diosqa chhayna runakunaq adorasqan kaytan munan (leey Juan 4:23, 24).

Satanasqa Diosmanta llulla yachachikuykunatan ch’eqechin, chaykunawanmi runakunata jark’an Diosmanta cheqaqta yachanankuta (2 Corintios 4:3, 4). Cheqaq yachachikuyta mana maskhaqkunaqa pantasqa yachachikuykunawanmi contentakunku (Romanos 1:25). Ichaqa askha runakunan Bibliata estudiaspa Diosmanta cheqaqta yachashanku (leey Hechos 17:11).