55 TAKI
“Ama manchakuychischu”
-
1. Llaqtalláy, ñaupaqman puriy,
noqamanta willamuy.
Ama manchakuspalla
ovejayta maskhamuy.
Ñan wawayqa reyña kashan,
watanqañan Saqrata.
Payta wiñaypaq saruspan
lliuman qonqa kausayta.
(CORO)
Llaqtalláy, Diosniykin kani,
¿pin imanasunkiman?
Noqan qanta cuidasayki
ñawi ruruyta jina.
-
2. Askhan cheqnikusunkichis,
askhan k’amisunkichis.
Llullakuspan wakinqa
rimapayasunkichis.
Aman manchakunkichischu
runaq millay siminta.
Manchay ñak’ariy tiempopin
upallachisaq lliuta.
(CORO)
Llaqtalláy, Diosniykin kani,
¿pin imanasunkiman?
Noqan qanta cuidasayki
ñawi ruruyta jina.
-
3. Manan qonqasaykichischu,
kallpachasaykichismi.
Wañuwaqchisña chaypas,
kausarimpunkichismi.
Aman manchakunkichischu
cuerpo wañuchiqtaqa.
Juj premiotan qosaykichis
aguantankichis chayqa.
(CORO)
Llaqtalláy, Diosniykin kani,
¿pin imanasunkiman?
Noqan qanta cuidasayki
ñawi ruruyta jina.
(Kay textokunatawan leey: Deut. 32:10; Neh. 4:14; Sal. 59:1; 83:2, 3.)