Estados Unidos nacionpiqa 100 adolescentekunamantan 80 adolescentekuna Diosmanta mañakunku, ichaqa manan llapankuchu sapa p’unchay Diosmanta mañakunku. Ichapaschá wakin wayna-sipaskunaqa khaynata tapukunku: “¿Allinta sientekunallaypaqchu Diosmanta mañakunay?”, nispa.

•  ¿Imataq Diosmanta mañakuyri?

•  ¿Uyarinmanchu Dios mañakusqayta?

•  ¿Imakunamantan mañakuyman?

•  Juj wayna-sipaskunaq nisqanku

 Mañakuspaqa tukuy imaymanata kamaq Jehová Dioswanmi parlashanchis. Kaypi piensay, Jehová Diosqa ancha jatunmi noqanchis runakunamantaqa chaywanpas payqa “manan sapankanchismantapas nishu karupichu kashan” (Hechos 17:27). Biblian kay invitacionta ruwawanchis: “Diosman asuykuychis jinan paypas qankunaman asuykamusunkichis”, nispa (Santiago 4:8).

 ¿Imatan ruwanayki Diosman asuykunaykipaq?

•   Paymanta mañakuy. Chayta ruwaspan paywan rimanki.

•   Bibliata estudiay. Bibliantan Diosqa rimapayamusunki.

 Chhaynaqa—mañakuspa, Bibliata estudiaspa iman—Dioswanqa rimanki chayta ruwaspataq paywan aswan amigontin kapunki.

 Jeremy nin: “Manan runapaqqa imapas kanchu aswan allinqa jatun Jehová Dioswan rimaymantaqa”, nispa.

 Miranda nin: “Imamantapas kusisqa kashasqayta, llakisqa kashasqaytapas Jehová Diosman willakuspan astawan payman asuykuni”, nispa.

 Diospiña creenki paymantaña mañakunki chaypas mayninpiqa yaqapaschá piensanki mana uyarinasuykipaq. Ichaqa Bibliapin Jehová Diosmanta kayta nin: “Qanqa mañakusqata uyarinki”, nispa (Salmos 65:2). Chaymantapas kallpachasunkin tukuy llakikuyniykikunata payman willakunaykipaq. Diosqa qanmantan llakikun (1 Pedro 5:7).

 Kaypi piensay: Amigoykikunawanqa sapa kutinmi rimashanki ¿riki? Chhaynallatataqmi Jehová Dioswanpas ruwawaq. Sapa kutin paywan rimay, Jehová nispataq mañakuy (Salmos 86:5-7; 88:9). Biblian invitasunki tukuy tiempo Diosmanta mañakushanallaykipaq.

 Moisesmi nin: “Noqapaqqa mañakuyqa janaq pacha Taytaywan rimaymi, paymanmi sonqoyta kicharini”, nispa.

 Karenmi nin: “Jehová Diosmanqa lliutan willakuni imayna mamaymanpas amigoykunamanpas willakuni jinata”, nispa.

 Biblian kayta nin: “Mañakuspa, rogakuspa, graciasta qospa ima Diosman willakuychis imachus necesitasqaykichista”, nispa (Filipenses 4:6).

 Chhaynaqa, ¿willakuwaqchu Diosman problemaykikunata? ¡Arí willakuwaqmi! Biblian niwanchis: “Diosman llakipakuyniykikunata saqey, paymi qaqata sayachisunki”, nispa (Salmos 55:22).

 Ichaqa, manan sasachakuyniykikunallatachu willakunayki. Chantelle sutiyoq sipasmi nin: “Sichus Diosmanta mañakuyman yanapawanallanpaq chayqa manan Diospa allin amiganchu kayman”, nispa. Chaymantapas nillantaq: “Diosmanta mañakushaspaqa ñaupaqtan gracias ninanchis, may askhapunin kashan Diosmanta agradecekunanchispaqqa”, nispa.

 Kaypi piensay: ¿Imakunamantan Diosta gracias niyta munanki? Piensay kinsa ruwaykunapi.

 Anitan nin: “Juj munay t’ikachata rikuspapas agradecekusunmanmi Jehová Diosman”, nispa.

 Brian nin: “Piensay Bibliapi juj texto anchatapuni gustasqasuykipi otaq Diospa kamasqankunamanta mayqenchus anchata admirachisunki chaypipas, chaymantataq chaykunamanta Jehová Diosta gracias niy”, nispa.