2013 watapin qanchis p’unchay octubre killapi Jehová Diospa testigonkuna orqomuranku JW Library nisqa aplicacionta inglés simipi. Chay aplicacionqa telefonokunapaq, tabletkunapaq chhayna juj aparatokunapaq iman, kusataqmi chaypi Bibliata leenapaq estudianapaqpas. Chaypin kashan soqta clase Bibliakuna, wakinmi kashan inglespi “Versión del Rey Jacobo” nisqa Biblia. 2013 watapi lloqsimuq Traducción del Nuevo Mundo de las Santas Escrituras nisqa Bibliapas a

Kunan tiempoqa askha runakunan apakachanku allin telefonokunata, tabletkunata chhayna juj aparatokunata ima, chaywanmi wakinqa llank’anku wajanakunku ima. Aunque chay runakunata yanapanapaq karanña jw.org nisqa página chaypas, faltasharanmi juj aplicación ¿imanaqtin?

Runakunaqa manan tukuy tiempochu internetman conectasqa puriqku, manataqmi aparatonkupi llapa informacionta jujllapi waqaychanankupaq jinaqa imapas kaqchu. Chayraykun JW Library nisqa aplicacionqa orqokamuran, chay aplicacionpi imatapas leenapaqqa manan internetmanraqchu jaykuna, aswanmi ima qelqatapas descarganki chayqa chayllapiña kashan.

JW Library nisqa aplicacionman jaykunki chayqa, Bibliapi librokunan ñaupaqtaqa rijurimunqa. Mayqentapas ñit’iykunki chayqa, capitulon rijurimunqa chaymantataq versículo. Chhaynapin chayqa kusa Bibliata estudianapaq. Chaymantapas imaymana yanapaykunan chaypiqa kashan, kashanmi:

• Uranpi imaymanamanta willakuykuna.

• Mayqen textokunapis kaqllamantataq riman chaypaq willakuykuna.

• Ima letratapas o palabratapas maskhanapaq.

• Imatas sapanka libropi willashan chaymanta willakuykuna.

• Pis qelqaran, maypis ima tiempopis qelqaran chaymanta willakuykuna.

• Mapakuna, tablakuna, color-colorpi dibujokuna ima.

Imaynan Jehová Diospa testigonkunaqa gratislla ima qelqatapas qonku, chhaynan chay JW Library nisqa aplicacionpas gratislla. Chaykunan ruwakun runakunaq tukuy sonqo contribución churasqankuwan (2 Corintios 9:7). Juj millón mastañan descargarunkupas. Manaraq qanpa kanchu chayqa descargay, chhaynapin imaymanakunata yachanki chaypi.