Manan jayk’aqpas chaytaqa ruwaykumanchu. Aswanmi noqaykuqa imapipas creesqayku mana Bibliaq nisqanman jinapunichu kashan chayqa apuraylla cambiayku.

 Llapa imapipas creesqaykuqa Diospa siminman jinan kashan. Chaymantapas noqaykuqa 1950 watapiñan “Mosoq pachaq Biblian, Diospa Palabran” nisqa Bibliata orqomurayku, manaraq chay Biblia lloqsimushaqtinqa ñan noqaykuqa allintaña Diospa simintaqa estudiasharayku. Chaypaqmi ichaqa ima Bibliakunachus chay tiempopi kaq chaykunata estudiaq kayku. Kunan yachasun imakunapis ña creeqña kayku manaraq “Mosoq pachaq Biblian, Diospa Palabran” nisqa Biblia lloqsimushaqtin chayta, chaypin qan kikiyki cuentata qokunki chay creesqayku Bibliaq nisqanman jinachus kashan icha manachus chayta.

1.   Rimasun “Santísima Trinidad” nisqamanta. Noqaykuqa manan chaypiqa creeykuchu, 1882 watapiraqmi julio killapi lloqsimuq “Qhawaq” (inglespi “Zion’s Watch Tower”) nisqa revistapi niran: “Noqanchis creenchisña Jehová Diospi, Jesuspi, santo espiritupi chaypas, manan kinsantinkuqa juj diosllaqa kankumanchu, wakinña “chhaynan” ninku chaypas manan chayqa cheqaqchu, manapunin chhaynatachu Bibliapiqa yachachin, revistanchiskunata leeqkunapas allintañan chaytaqa yachashanku”, nispa.

     Bibliapin nin: “Apu Señor Diosninchisqa ch’ullallan”, nispa (Deuteronomio 6:4, Diospa Simin Qelqa 1988). Nillantaqmi: “Ñoqanchispaqqa sapan Dios Yayallan kan. Paymi lliw imaymanata kamarqan, chaymi ñoqanchispas paypaq kanchis. Kallantaqmi sapallan Señorpas, paymi Jesucristo”, nispa (1 Corintios 8:6, Diospa Simin Qelqa). Jesuspunin niran: “Yayaqa ñoqamanta kurajmi”, nispa (Juan 14:28, Mosoq Rimanakuy).

2.   Infiernomanta rimasun. Noqaykuq creesqaykuman jinaqa manan pipas infiernopichu ni nina rauraypichu ñak’arinqa. 1882 watapiraqmi junio killapi lloqsimuq “Qhawaq” nisqa revistaq titulonpi niran: “Juchaq pagayninqa wañuymi” nispa, chayqa Romanos 6:23 textomantan orqosqa kasharan. Explicarantaq: “¿Manachu chay sut’i kashan? ¿Imaynapitaq wakin runakunari Bibliata Diospa siminta jina rikushaspapas chay textoq nisqanpa contranpi rimanku? ¿Imaynapitaq paykunari Bibliapas yachachinman jinaraq nishanku: “Juchaq pagayninqa wiñaypaq nina rauraypi kausaymi”, nispa? Yuyayninkupichu kashanku imaynachu kanpas”, nispa.

     Bibliapin nin: “Huchallikuq runaqa wañunqapunin”, nispa (Ezequiel 18:4, 20, Diospa Simin Qelqa 1988). Chhaynaqa juchallikuq runataqa manan maypichu Diosqa wiñaypaq castiganqa, aswanmi paykunaqa wiñaypaq wañunqaku (2 Tesalonicenses 1:9).

3.   Diospa gobiernonmanta rimasun. Diospa gobiernonqa manan runaq sonqonpichu kashan. Chaytapas 1881 watapi diciembre killapi lloqsimuq “Qhawaq” nisqa revistapiraqmi niran: “Chay gobierno churasqa kaqtinmi llapa kay mundo gobiernokunaqa tukuchisqa kapunqa”, nispa.

     Bibliapin nin: “Chay reykuna kamachishajtinku, janaj pachapi kaj Dios uj reinota sayarichenqa, chaytaj mana jayk’ajpis chinkachisqachu kanqa, manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa”, nispa (Daniel 2:44, Diosmanta Qelqasqa).

 Manan. Jehová Diospa testigonkunaqa imaymana Bibliakunawanmi imapi creesqaykumantapas yachachiyku. Ichaqa pipas noqaykuwan Bibliata estudian chayqa “Mosoq pachaq Biblian, Diospa Palabran” nisqa Bibliatan payman regalayku. Paychus munan juj Bibliawan estudiayta chayqa, manan jark’aykuchu chaytaqa.