Arí, imamantapas onqospaqa riykun doctorman, tomaykun medicinakunatapas. Cuidakuykun mana onqonaykupaq, chaywanpas mayninqa ‘necesitaykun’ doctorta (Lucas 5:31). Wakin Testigokunaqa doctormi kanku ñaupa tiempopi Lucas jina, payqa Jesuspa discipulonmi karan (Colosenses 4:14).

 Ichaqa manan chaskiykuchu Bibliaq contranpi kaq tratamientokunata. Jujninmi yawarwan churachikuy. Biblian nin: ‘Yawartaqa ama mijuychischu’, nispa. Chaymi yawartaqa mana churachikuykuchu (Hechos 15:20). Biblian willallantaq “layqa ruwaykuna” mana allin kasqanta. Chaymi layqakunawanqa mana jampichikuykuchu (Gálatas 5:19-21).

 Wakin tratamientokunaqa manan Bibliaq contranpichu kashan. Chaymi sapanka Testigo ajllakunan mayqen kaqwan jampichikuytapas. Yaqapaschá juj iñiqmasiyku juj tratamientota ajllakunqa jujtaq juj tratamientota (Gálatas 6:5).