Jehová Diospa testigonkunaqa imaymana Bibliakunatan utilizarayku estudianaykupaq. Chaywanpas “Mosoq pachaq Biblian, Diospa Palabran” nisqa Bibliapin mastaqa confiayku, chay Bibliaqa askha simi rimaykunapin kashan, chaymantapas chaypiqa rijurinmi Diospa sutinqa, sut’intan imatapas nin, fácil entiendeytaqmi kanpas.

•   Diospa sutin. Manan Bibliata llapa orqomuqkunachu Diosta jatunchanku. Chaymi pasaran juj Bibliawan, Bibliata ruwaq Diospa sutinta churamunankumantaqa qanchis chunka más runakunaq sutinmi aswanpas chaypiqa rijurimusqa, yaqapaschá paykunaqa chay Biblia lloqsimunanpaq imallapipas yanapakuranku, ichaqa Diospa sutinqa manan ni jujpas rijurimusqachu. Paypa sutinmi Jehová.

   Chay sutiqa askha partekunapin rijurin ima rimaypichus qelqakuran chay qelqakunapiqa, chaymi “Mosoq pachaq Biblian, Diospa Palabran” nisqa Bibliapiqa maychus kananpi kaqlla kashan Diospa sutinqa. Manataqmi rijurimunchu maypipas chay Bibliata traduciq runakunaq sutinqa.

•   Sut’itan riman. Wakin Bibliakunapiqa panta-pantatan imatapas churanku. Juj Bibliapin Mateo 7:13 textopi nin: “K’illku punkunta haykuychis. Hatun punkunta haykuspa hatun ñanninta riqkunaqa infiernomanmi askhallaña rishanku”, nispa. Kay partepiqa ñaupa rimay qelqakunapiqa manan “infiernoman” ninchu, aswanmi nin “wañuyman” nispa. Yaqapaschá “infierno” nispa churaranku millay runakunaqa wiñaypaq ñak’arichisqa kanankupi piensaspa. Ichaqa manan Bibliapiqa maypipas chaytaqa rimanchu, chaymi “Mosoq pachaq Biblian, Diospa Palabran” nisqa Bibliapiqa “wañuyman” nispa nin ñaupa rimay qelqakunaman jina.

•   Fácil entiendey. Juj Bibliaqa manan sut’ita rimaqllachu kanan, aswanpas fácil entiendena iman kanan. Wakin Bibliakunapin Mateo 5:3 textopi nin: “Kusisamiyoqmi huch’uyyaykukuspa Diosta maskhaqkunaqa”, nispa, chaytaqa manan faciltachu wakinqa entiendenku. “Mosoq pachaq Biblian, Diospa Palabran” nisqa Bibliapin ichaqa chay textopi nishan: “Kusisqa kachunku Diosta necesitasqankuta reparakuqkunaqa”, nispa.

 Rikusqanchis jina, “Mosoq pachaq Biblian, Diospa Palabran” nisqa Bibliapiqa kaqmi kashan Diospa sutinqa, sut’in rimaqmi, fácil entiendeyllataqmi kashanpas. Ichaqa manan chayllachu, chay Bibliataqa gratisllan rakikun, chhaynapi lliu munaq runakuna qolqeyoqña kanku manaña chaypas llapanku leenankupaq.