“Watch Tower Bible and Tract Society of Pennsylvania” nisqaqa juj organizacionmi. Chay organizaciontaqa 1884 watapin ruwakuran Estados Unidospi kaq Pensilvania llaqtapi leykunaq kasqanman jina, chay organizaciontaqa manan pipas qhapaqyananpaqchu ni ima negociotapas ruwakunanpaqchu rijurichikuran. Aswanmi chayqa kashan Jehová Diospa testigonkuna kay pachapi allin willakuykuna willayta aparinankupaq; chay organizacionpa kasqanraykun orqokamun Bibliakunata, librokunata, revistakunatapas; manachus chay kanman chayqa manan atikunmanchu chaykuna ruwayta.

 Chay organizacionpi acuerdokuna churakusqanman jinaqa, “Bibliamanta yachachinapaq jujkunata educanapaq, yanapanapaq” iman chayqa ruwasqa kashan. Astawanqa “Diospa gobiernonmanta” pachantinpi yachachikunanpaqmi ruwasqa kashan. Pipas chay organizacionman o “corporación” nisqaman jaykunanpaqqa manan jayk’a qolqe churasqanmantachu kanqa, aswanpas invitasqan paykunaqa chayman jaykunku. Paykunaqa tukuy imatapas ruwanku umalliq t’aqata yanapanankupaqmi.

 “Watch Tower Bible and Tract Society of Pennsylvania” nisqa organizacionmantapas kanmi juj chhayna organizacionkunapas. Chay organizacionkunaqa askha nacionkunapin kashan. Wakinpa sutinpiqa rijurinmi “Watch Tower” o “Watchtower” nisqa sutikuna, wakin sutikunataq chay sutikunamanta t’ijrasqa kashan.

 Chay organizacionkunaq kasqanwanmi imaymanakuna ruwakushan. Wakin imakunachus ruwakusqanmanta yachasun.

•   Imaymana qelqakunan ruwakushan. 220 millón jina Bibliakunatañan orqokamushan, yaqa 40 mil millones jina Bibliamanta rimaq qelqakunatañataqmi orqokamushanpas. Chaykunan 900 más simi rimaykunapi ruwakun. Chaymantapas internetpi “jw.org” nisqa paginaq kasqanwanmi askha runakunaña gratislla internetpi 160 simi rimaykunapi Bibliata leeshanku, chhaynapin wakinqa imaymanakunata yachashanku, yachashankun imachus Diospa gobiernon chaytapas.

•   Lliutan educakushan. Lliu munaqmanmi Bibliamanta yachachishayku. Chaymantapas 1943 watamantapachan aparikushan “Galaad” nisqa escuela, chay escuelamantan lloqsimushanku 9.000 Testigokuna jinaña. Paykunan misionerokuna jina lliu parteman kachasqa kashanku chhaynapi Diosmanta willay allinta aparikunanpaq. Chaymantapas askha runakunan Testigokunapas mana Testigokunapas juñunakuykunapi sapa semanan educasqa kashanku. Askha runakunatan alfabetizakushanpas chhaynapi leeyta qelqaytawan yachanankupaq, chaypaqmi juj revista lloqsimuran 120 simi rimaykunapi.

•   Jujkunata yanapayku. Mayninpiqa imaymana desgraciakunan kan, mayninpin pasan terremotokuna o guerrakuna ima, chaykuna kaqtinmi noqaykuqa runakunata yanapayku. 1994 watapin Ruanda nacionpi nishu wañuchinakuy karan; chaymantapas 2010 watapin Haití nacionpi juj jatun terremoto pasaran chaykunapin noqaykuqa runakunata yanaparayku.

 Imaymanakunatan ruwakuran chay organizacionkunaq kasqanwan, ichaqa manaña chay organizacionkuna kanmanchu chaypas llapa cristianon jujkunaman willanan yachachinan ima Diospa palabranmantaqa (Mateo 24:14; 28:19, 20). Diospa yanapayninwanmi tukuy imatapas ruwashayku, manachus pay yanapawankuman chayqa manachá ima ruwaytapas atiykumanchu, chaymantapas yachaykun payqa tukuy tiempo yanapawanankuta (1 Corintios 3:6, 7).