Canadá nacionpin Calgary llaqtachapi nacerqani. Juch’uyllaraq kashaqtiymi tayta-mamaykuna divorciakapurqanku, jinan mamitaywan abueloypa wasinman tiyaq ripurayku. Paykunaqa anchatan munakuwarqanku, chaymi kusisqa tiyarqani; thajmi karqaykupas. Chaytaqa kusisqan yuyarillanipuni.

 Qanchis wataypi kashaqtiymi vidayqa cambiapurqan. Mamayqa jujmanta papaywan casarakapurqan chaymi Estados Unidos, San Luis llaqtaman ripurqayku. Papayqa aswan millay runamanraqmi tukupurqan. Juj kutinmi escuelaypi compañeroykuna nishuta maqaywarqanku, noqataq jinalla maqachikurqani chaytan papayqa yacharusqa. Jinaspan phiña alqo jinaraq compañeroykunamantapas astawanraq maqaywarqan. Chaymatapachan millay runaman, maqakuqman tukupurqani.

 Papay millay runa kasqanmi mamitaypa paciencianta tukurqan, chayraykun sapa kutilla qaparinaykuspa maqanakuqku. Chaymi noqapas 11 watachaypi machaqman, drogakuqman ima tukupurqani. Chaymi callekunapipas juj machaqkunawan maqanakuq kani. Colegioyta tukuspayqa aswan millayraqmi kapurqani.

 Estados Unidospi 18 wataypi kashaspan guerraman rinaypaq soldado kapurqani. Noqaqa millay runañan karqani, chaypin ichaqa runa wañuchiyta yacharqani. Pisqa watamantan saqepurqani soldado kayta, psicología estudianaypaq chhaynapi FBI nisqapi llank’anaypaq. Estados Unidospin estudiayta qallarirqani, chaymantataq Canadá nacionman ripurqani estudiaq.

 Universidadpin repararqani imaynas runakunaqa paykunallapaq imatapas ruway munasqankuta. Chaypin cuentata qokurqani imachus ruwasqanchisqa mana valeqpaq kasqanta. Chaywanmi runapiqa manaña confiarqanichu.

 Manañataq viday imapaqpas valerqanchu chayqa, drogakuypi, machaypi, warmikunawan puñuypi, fiestakunapi imallañan piensaq kani. Chaymantapas soldado kaspan piensaq kani mana pipas atipawananpaq. Chaymi maqanakullaypiña puriq kani. Sichus pipas juj runata maqashaqta rikuspayqa, phawaspan maqakuq runata maqaruq kani. Chhaynapi justiciata ruwanaypaq, chhaynapin sinchi millay runaman tukupurani.

 Juj p’unchaymi wasiypi juj amigoywan nishutapuni drogakapurqayku, chaymantapas vendenaykupaqmi marihuanata alistasharqayku jinan amigoyqa tapuwarqan: “¿Creenkichu Diospi?”, nispa. Noqataq kutichirqani: “Diostaq juchayoq ñak’ariykuna kasqanmanta chayqa ¡manan noqaqa imatapas yachayta munanichu paymantaqa!”, nispa. Qhepantin p’unchaytaq mosoq llank’anaypiña kashaqtiy juj compañeroy testigo kasqa, paytaq tapuwarqan: “¿Dioschu kay pachapi ñak’ariykuna kasqanmanta juchayoq kanman?”, nispa. ¡Chayqa admirakunapaqmi karqan! Juj p’unchay ñaupaqllatan amigoyqa chaymanta tapuwasharqan. Yachaytapunin munarqani, chaymi testigo compañeroywan soqta killa jinata chaykunamanta rimaq kayku. Chaymantapas llapa tapukuyniymanmi payqa Bibliawanpuni kutichiwaq.

 Chay tiempopiqa juj chicawanmi tiyasharqani, ichaqa payqa manan willasqayta uyariyta munarqanchu. Juj domingo p’unchaytan juj testigota nirqani wasiykuta jamuspa Bibliamanta yachachiwanankupaq. Qhepantin p’unchaytaq llank’anaymanta kutipuqtiy enamoradayqa cosasninkunata aparikuspa pasapusqa. Chaymi calleman lloqsispa waqayrani. Chay ratopin Diosmanta mañakurqani yanapawananpaq. Chay kutipin primera vez, Jehová sutita oqarispa mañakurani (Salmos 83:18).

 Iskay p’unchay qhepamanmi Bibliata estudiayta qallarirqani juj warmi-qhari testigokunawan. Saqewasqanku qhepallamanmi Usted puede vivir para siempre en el paraíso en la Tierra nisqa librota leeyta qallarirqani. Juj tutallapin tukururqani. a Jehová Diosmanta, Jesusmanta ima yachasqaymi sonqoyman chayawarqan. Chaypi yacharqani Jehová Diosqa khuyapayakuq kasqanta, ñak’ariqtinchispas sonqon nanasqanta (Isaías 63:9). Chaymantapas sonqoymanmi chayawarqan Jehová Dios munakuwasqanta yachasqay, Jesuspas noqarayku wañusqanta yachasqay ima (1 Juan 4:10). Repararqanin Jehová Diosqa noqawan mayta pacienciakusqanta. “Payqa manan munanchu pipas wañunantaqa, aswanmi munan lliupas juchankumanta pesapakuspa payman kutirikunankuta” (2 Pedro 3:9; Juan 6:44).

 Chaykunata yachaspan chay semanapi pacha juñunakuykunaman riyta qallarirqani. Ichaqa jatuchachaq chujchayoq, aretekunayoq mancharikunapaq jina rirqani. Testigokunaqa manan mancharikurqankuchu, unaymantapas familiankuwan tupashankuman jinataraqmi chaskiwarqanku. Chaywanmi noqaqa kusisqa kasharqani, imayna abueloykunaq wasinpi tiyarqani jinata.

 Chaymantataq Bibliaq nisqanman jina kausayta qallarirqani. Chujchaytan rutuchikapurqani, qhelli kausaypi purisqaytapas saqepurqanin, machaytapas, drogakuytapas saqepurqanin (1 Corintios 6:9, 10; 11:14). Noqaqa munarqanin Jehová Dios kusichiyta. Chaymi ima mana allintapas ruwasqaymanta corregiwaqtinkuqa, jujllapi kasukuq kani. Chaymantapas sonqoymi nanaq, chaymi niq kani: “Manañan jujpiqa kayta ruwasaqñachu”, nispa. Chaymantapas piensasqayta, comportamientoyta iman cambianay karqan. Cambiapusqaymantan Jehová Diosqa mayta bendeciwarqan. Soqta killallan Bibliata estudiarqani, chaymantataq Jehová Diospa testigon kanaypaq 1989 watapin, 29 Julio p’unchaypi bautizakapurqani.

 Biblia estudiasqaymi yanapawarqan mosoq runa kapunaypaq. Ñaupaqpiqa pipas phiñachiwaqtinqa maqaruytan munaq kani. Kunanqa kallpachakunin llapanwan “thajpi kanaypaq” (Romanos 12:18). Jehová Diospa yanapaynillanwanmi chaykuna ruwaytaqa atini, Jehová Diosqa palabranwan, santo espiritunwan iman yanapawanchis cambiananchispaq (Gálatas 5:22, 23; Hebreos 4:12).

 Millay runalla qhelli juchapi puriqlla kashanaymantaqa, kunanqa kallpachakunin imatapas Jehová Diospa munasqanman jina ruwanaypaq. Chayraykun jujkunatapas yanapani, bautizakusqay qhepamanqa juj nacionmanmi ripurqani runakunaman Bibliamanta yachachiq. Watakuna qhepamanmi rikurqani Bibliamanta yachachisqay runakunaq vidanku imayna cambiasqanta. Chaymantapas maytan kusikuni mamitaypas Jehová Diospa testigon kapusqanmanta, paytaqa yanaparqanmi vidaypi imaynata cambiapusqay.

 El Salvador llaqtapin 1999 watapi Diospa Gobiernonmanta willaqkunapaq escuelaman rirqani. Chaypin yachachiwarqanku Diosmanta allin willaq kanaypaq, iñiq t’aqapipas allin yachachiq kanaypaq, cuidanaypaq ima. Chay watallapitaqmi casarakurqani munakusqay esposay Eugeniawan. Kunanqa kuskan tukuy tiempoykuwan Jehová Diosta servishayku Guatemala nacionpi.

 Kunanqa manan llakisqañachu kani, aswanpas kusisqan kashani. Diosmanta yachasqayraykun kunanqa mana millay runañachu kapuni, nitaqmi qhelli ruwaypipas puriniñachu. Aswanmi kunaqa thajpi kausani munakuq runataq kapunipas.