“Taita Diospa poderca ñucanchihuanmi can. Paipa poderhuanmi Taita Diosca ñucanchi mañashcacunatapash yali, ñucanchi pensaitallapash na pensashca cosascunatapash yali ruraita ushan. Taita Diosmi alabai tucuna can” (Efesios 3:20, 21, Taita Diospa Shimi Biblia. Traducción del Nuevo Mundo).

 “Diosca, ñucanchi paita imata mañajujtapash, imaguta japingapaj yarijujtapash ashtahuan yalita rurangapajmi, ushaita charin. Chaitaca, ñucanchi shungupi causajuj paipaj ushaihuanllatami ruranlla. […] Diostaca punchapambagumi cangui ninajuna canchi” (Efesios 3:20, 21, Diospaj Shimi. Biblia en Quichua de Imbabura).

 Apóstol Pabloca Jehová Dios paipa sirvijcunapa mañashcacunata contestajta y paipa sirvijcunapa mañashcacunata na yashca cosascunata rurashpa contestajtaca seguromi carca. Jehová Diosca ñucanchi pensaitallapash na pensashca cosascunatapash yali rurashpami ñucanchitaca ayudaita ushan.

 ‘Taita Diospa poderca ñucanchihuanmi can. [...] Ñucanchi pensaitallapash na pensashca cosascunatapash yalimi ruraita ushan’. Chai jipaca versículo 21​pimi Pabloca: “Taita Diosmi alabai tucuna can. Ari, Taita Diosmi congregacionbi imata rurashcamanda y Cristo Jesushuan imata rurashcamandaca para siempre alabai tucuna can” nishpa escribirca. Cai shimicunahuanga apóstol Pabloca ñucanchita ayudajca Jehová a Dios cashcatami ricuchin. Chaimandami Jehová Diosca paipa voluntadta rurachunga ñucanchiman fuerzasta carashpa ayudaita ushan (Filipenses 4:13).

 Versículo 20​pica apóstol Pabloca Jehová Dios paipa sirvijcunata siempre ayudai ushashcatami ricuchin. Shuj libropica “ruraita ushan” nishca shimicunamandaca caitami intindichin: “Caipi ‘ruraita ushan’ nishpaca Taita Dios tucuita o imatapash ruraita ushashcata ricuchingapami shina nin”. Por ejemplo, shuj amigoca ñucanchita ayudangapaj munashpapash na tucuipi ayudaita ushangachu. Shinapash Jehová Diosca paipa sirvijcunata cuidangapaj y paicunapa oraciongunata contestangapaca tucuitami rurai ushan. Jehová Diosllami tucui poderta, tucui autoridadta charij Dios can (Isaías 40:26).

 “Paipa poderhuanmi [...] ñucanchi mañashcacunatapash yali, ñucanchi pensaitallapash na pensashca cosascunatapash yali ruraita ushan”. Jehová Diosca paipa sirvijcunapa mañashcacunamandaca ashtahuan yalitami caraita ushan. Huaquin gentecunaca maqui pascashca, na mitsashpa caraj gentecunami can. Shinapash Jehová Diosca paicunatapash yalimi imatapash caraita ushan.

 Cai textopi apóstol Pablo ‘ñucanchi mañashcacunatapash yali, ñucanchi pensaitallapash na pensashca cosascunatapash yalimi ruraita ushan’ nishpaca ñucanchi ayudachun munashcamandapash yalita Jehová Dios paipa sirvijcunata ayudai ushashcatami ricuchin. Sociedades Bíblicas Unidaspa Diospaj Shimi Bibliapica versículo 20​pa callari partetaca cashnami traducin: “Diosca, ñucanchi paita imata mañajujtapash, imaguta japingapaj yarijujtapash ashtahuan yalita rurangapajmi, ushaita charin”. Huaquinbica cristianocunapa ricuipica llaquicuna, problemacunaca imapash solución illanshnami ricurita ushan. Huaquinbicarin oracionda rurajushpaca Jehová Diosta imatapacha mañanatapash na atinanllu. Pero Jehová Diosca tucuitami intindi ushan. Chaimandami paipa sirvijcunataca siempre ayudaita ushanga. Jehová Diosca minishtirishca horaspipachami paipa sirvijcunapa problemacunataca solucionaita ushan. Shinallata paicuna pensaitallapash na pensashca cosascunata rurashpami ayudaita ushan (Job 42:2; Jeremías 32:17). Jehová Diosca problemacunata solucionangacamanga paipa sirvijcuna cushijushpa aguantashpa catichunmi fuerzasta cushpa ayudan (Santiago 1:2, 3).

 Apóstol Pabloca Efesios cartataca Éfeso llactapi cristianocunamanmi escribirca. Chai llactaca Asia Menor pushtupimi carca. Cunan punllacunapica Turquía nishpami rijsin. Chai cartapica apóstol Pabloca Jehová Diosta paicunamanda imata mañashcatami escribirca (Efesios 3:14-21). Pabloca chai cristianocuna imatapash pensashpa, imatapash rurashpa Jesushna juyaita ricuchichunmi mañarca. Shinami paicunaca Cristopa juyaita rijsi ushana carca. Cai oracionbi mañashcacunaca tucui cristianocunapallatami can. Pabloca paipa mañaitaca Efesios 3:20, 21​pi Jehová Diosta alabashpami tucuchin.

 Efesios libro imacunamanda parlajta yachangapaca, cai uchilla videota ricupai.