“Jehová a Dios carasha nishca alpagupi unaicaman causaita ushangapaca canba taitata, canba mamata alicachingui” (Éxodo 20:12, Traducción del Nuevo Mundo, TNM).

 “Jehová Dios canman carashca alpapi unai punllacaman causanata ashtahuan mirachichunga canbaj taitata, canbaj mamata alicachingui” (Éxodo 20:12, Reina-Valera, 1960).

 Taita Diosmi israelitacunataca paipa taitata, paipa mamata alicachichun mandarca. Taitata, mamata alicachinata cazuchunmi Jehová Diosca shamuj punllapi ali causaiguta carasha nishca. Taita Dios isrelitacunaman cushca Leyta na cazushpapash, taitata mamata alicachina leyca na cambiashcachu. Taitata mamata alicachina leyca cunangamanmi tian. Chaimandami Jesusta ali catijcunapaca chai leyca importante can (Colosenses 3:20).

 Churicuna imashna huatacunata charishpapash paipa taitata, paipa mamata alicachishcata ricuchingapaca respetana, cazuna can (Levítico 19:3; Proverbios 1:8). Huahuacuna paicunapa propio familiata charishpapash paicunapa taitamanda, mamamanda preocuparishpa, ayudashpami catin. Por ejemplo paicunapa taitamama mayorlla cajpicarin paicuna ali cachunmi ricurianajun. Shinallata culquihuan ayudana cajpica, culquihuanmi ayudan (Mateo 15:4-6; 1 Timoteo 5:4, 8).

 Israelitacunaca paicunapa taitata, shinallata paicunapa mamatapashmi alicachina carca. Chashnami paicunapa familia ucupi mamacunapash mandana derechota charishcata ricuchinajurca (Proverbios 6:20; 19:26). Cunan punllapi huahuacunapash taitata, mamatami alicachina can.

 Na siemprechu taitamamacunataca tucuipi cazuita ushanchi. Israelitacunapa churicunaca paicunapa taitacuna, mamacuna o shuj gentecuna shuj dioscunata sirvishunchi nijpipash, paicunaca paicunapa taitamamacunataca na cazunachu carca. Cunanbipash Jesusta ali catijcunaca ‘Taita Diostami, runacunatapash yali ashtahuan cazuna canchi’ (Hechos 5:29).

 Israelitacunaman cushca Leypica huahuacuna paicunapa taitamamata alicachijpica, pai carasha nishca alpapi causachunmi paicunapa causana punllatapash ashtahuan mirachisha nirca (Deuteronomio 5:16). Churicuna Taita Diospa leyta na cazushpa paicunapa taitamamata llaquichijpica paicunaca llaquichi tucunami carca (Deuteronomio 21:18-21). Tiempo yalijpipash, taitamamata cazuna leyca na cambiashcachu (Efesios 6:1-3). Jovenguna cashpa, mayorcuna cashpapash tucuicunallatami Taita Diosta cazuna responsabilidadtaca charinchi. Taitamamata alicachijpica pai carasha nishca promesatami pactachinga. Huahuacuna Taita Diosta cazujpi, paicunapa taitamamata cazujpica ashtaca tiempotami causanga. Shinallata shamuj punllapi para siempre causana esperanzatapashmi charin (1 Timoteo 4:8; 6:18, 19).

 Éxodo 20:12​pi nishca leyca israelitacunaman cushca Diez Mandamientopuracunapimi can (Éxodo 20:1-17). Éxodo 20:12​pa ñaupa mandamientocunapica israelitacuna Taita Diosta adorana responsabilidadta charijtami parlan. Éxodo 20:12​pa jipa mandamientocunapica shuj gentecunahuan shuj shuj obligaciongunata charishcatami parlan. Como por ejemplo cazarashca jahua shujhuan na causana cashcata, shinallata na shuhuana cashcatapashmi parlan. Shinaca taitata mamata alicachina nishca leyta cazushpaca Taita Dioshuan ñucanchi obligaciongunata pactachijushcata, shinallata shuj gentecunatapash respetana obligacionda pactachijushcatami ricuchinchi.