“Shinaca, cayandi punllamandaca nunca na pinarijunachu capanguichi. Porque cayandi punllapashmi imapash pinarinacunaca tianga. Quiquingunaca cunan punlla tiashca problemacunapillami pensarina capanguichi” (Mateo 6:34, Traducción del Nuevo Mundo).

 “No se preocupen por el mañana, porque el día de mañana traerá sus propias preocupaciones. Los problemas del día de hoy son suficientes por hoy” (Mateo 6:34, Nueva Traducción Viviente).

 Jesús cai shimicunata nishpaca cayandi punllamanda na yapata preocuparina cashcatami ningapaj munan. Cayandi punllacunamanda preocuparijunapa randica cada punlla charishca problemacunapi pensaripai.

 Jesús cai shimicunata nishpaca cayandi punlla imata ruranata o shamuj punllacunapi imata rurana cashcataca nunca na pensarinachu canguichi nishpaca na nircachu (Proverbios 21:5). Jesús cai shimicunata nishpaca ama yapata preocuparichun o ama yapata llaquirichun ayudangapaj munaimandami cashna nirca. Preocupaciongunaca ñucanchi cushilla cachunga na ayudanllu. Shinallata imata ruragrijushcatapash jaicatami cunganchi. Cayandi punllapa problemacunamanda preocuparishpapash chai problemataca na anchuchita ushanchichu. Shinallata huaquinbica pasanga yashca cosascunaca na pasanllu. Imapash pasashpapash na ñucanchi pensarishcashnaca pasaita ushanllu.

 Sermón del Montepimi Jesusca cai shimicunataca nirca. Cai shimicunataca Mateo capítulo 5​manda 7​camanmi tarita ushapangui. Jesús Sermón del Montepi yachachijushpaca yapata preocuparishpaca ashtahuan cushilla cachunbash, ashtahuan causashpa catichunbash na ayudanllu nishpami yachachirca (Mateo 6:27). Ñucanchi causaipi Taita Diosta pundapi churajpica cayandi punlla ima pasanataca na pinarinachu canguichi nishpami Jesusca nirca. Taita Dios animalgucunata, plantacunata cuidashpaca ¿nachu paita sirvijcunatacarin ashtahuan cuidanga? (Mateo 6:25, 26, 28-33).