“Jehová Diospimi ninanda cushijuna cangui. Chaimi paica canba shungupi munashcacunataca cunga” (Salmo 37:4, La Biblia. Traducción del Nuevo Mundo, TNM-S).

 “Mandaj Dioshuanlla cushijui. Paimi, cambaj shungupi imatalla mañashcacunataca caranga” (Salmo 37:4, Diospaj Shimi. Biblia en Quichua de Imbabura [DS]).

 Salmistaca, Taita Diosta adorajcunataca Taita Diospa ali amigocuna cashcamandaca cushijuichi nishpami animan. Taita Dios Jehovapa a ali amigocunaca paicunapa ali munaicunata pactachinataca seguromi can.

 “Jehová Diospimi ninanda cushijuna cangui”. Cai shimicunataca cashna nishpapash traducinallami can: “Jehová Diosmandami ninanda cushijuna cangui”, “MANDAJ DIOSHUANLLA cushijui” o “MANDAJ DIOS imata prometishcahuanga cushijui” nishpa. Shinaca, Taita Diosta adorashpami ashtahuanbachaca cushijuna capanchi (Salmo 37:4). ¿Imashpata cushijuna capanchi?

 Jehová Diosta adorajcunaca, Biblia imata nishcata catishpa, Jehová Dios imata pensajta catishpami causan. Shinallata Jehová Diostaca alimi rijsin, paita cazushpa, sabiduriata charishcata ricuchishpami causan. Shina causashpami paicunaca shuj limpio concienciata charin y problemacunapipash na satirin (Proverbios 3:5, 6). Por ejemplo, shuj gentecunaca na honradocunachu can, ansiosocunami can. Shinapash ali causanajunshnallami can. Chashna ali causanajujta ricushpapash, na paicunataca envidiashpa ricunajunllu, ni culiraitapash na culiranllu (Salmo 37:1, 7-9). Jehová Diosta sirvijcunaca, cai mundopi tucuilla injusticiacunata tucuchishpa, aliguta portarishpa paipa sirvij gentecunata Jehová Dios bendicianata yachashpami ninanda cushijun (Salmo 37:34). Jahua cielopi Taita Dios paicunata alicachishpa ricujujta yachashpapashmi ninanda cushijun (Salmo 5:12; Proverbios 27:11).

 ‘Paica canba shungupi munashcacunataca cungami’. Chai shimicunataca, “paimi can ima mañashcacunata cunga” o “paimi canba shungu ucupi canba munashcacunataca pactachinga” nishpapashmi traducinalla can. Shina traducinalla cajpipash, Jehová Diosca na yangata tucui ñucanchicuna ima munashcatachu cun. Paica shuj ali taita cuendami can. Ali taitacunaca paicunapa huahuacunapa ima ali cana cashcata ricushpami imagutapash cun. Jehová Diospash shuj ali taita cuendami can. Ashtahuangarin, Jehová Dios ñucanchi mañashcacunata cuchunga, pai munashcashna, pai mandashcashnami causana canchi (Proverbios 28:9; Santiago 4:3; 1 Juan 5:14). Shina causanajushpaca, paica uyahuagapachami nishpami paitaca mañana capanchi. Jehová Diosca ‘mañajcunata uyaj’ Taita Diosmi can (Salmo 65:2; Mateo 21:22).

 Salmo 37​taca punda Israel llactapa rey Davidmi escribirca. Chai salmotaca orden alfabeticopimi escribirca. b

 Davidca ashtaca injusticiacunata rurajpimi ninanda sufrirca. Rey Saulpash y shuj gentecunapashmi Davidtaca huañuchingapaj catirian carca (2 Samuel 22:1). Shinapash Davidca siempremi tucui shunguhuan Jehová Diospi confiarca. Paica Jehová Dios agllashca tiempopi nali gentecunata Jehová Dios castiganataca seguromi carca (Salmo 37:10, 11). Nali gentecunaca “verde jihuashna” ñapash viñashpapash tiempohuanga tucuchi tucunmi (Salmo 37:2, 20, 35, 36).

 Salmo 37​pica, Jehová Diosta cuzujcuna y na cazujcuna ima pasajtami claritota intindichin (Salmo 37:16, 17, 21, 22, 27, 28). Cai salmomi ñucanchitaca sabiduriata charichun, shinallata Taita Diospa ñaupapi ali ricurichunbash ayudan.

 Salmos librota ashtahuan aliguta intindingapaca cai videota ricupai.