Tauca matrimoniocunaca parlaringapaca na tiempota charinllu. Masqui igual cashpapash na parlarinllu ¿imamandata shina can?

•  ¿Imashpata igual cashpapash separado can?

•  Caitami rurai ushangui

•  Shuj cusahuarmicunaca ninmi

•  Cusahuarmicunaca caicunapimi pensarita ushan

•   “Ninan shaijushcacunami can”

   Anna huarmiguca ninmi: “Igual cangapaj o parlangapaj por fin tiempota charishpaca, ishcandicunallatami ninan shaijushcacuna canchi. Shaijushca cashpaca, ñapashmi imamandapash culiranilla. Chaimi más teletara ricunchi” ninmi.

•   “Tecnología cosascunami ñucanchi tiempotaca apan”

   Katherine shuti huarmiguca ninmi: “Internet y redes socialescunaca ñucanchitaca ninandami tiempotaca quichun. Ñuca cusamanga ni shuj shimitallapash na nishpami, internetpica mashna horascunatapash tiajunatalla yachani. Huaquinbicarin, cada unomi shuj cuartoman rinata yachanchi” ninmi.

•   “Cada unomi shuj shujta pensarinchi”

   Jane shuti huarmiguca ninmi: “Ñuca cusagu huasiman chayamushpaca, samaringapami pai gustashca cosascunata ruranata yachan. Alimi can. Porque paica trabajanmi. Pero ojalá ñucahuan ashtahuan igual yalishpachari ali canman yani” ninmi.

•   “Yapatami trabajanchi”

   Mark shuti runaguca ninmi: “Yapa tecnologiacunamandami yapata trabajanchi y familiapapash na tiempota charinchi. Ñuca huarmiguhuan tiempota yalinapa randica, trabajopi correocunatara o mensajecunatarami contestajunata yachani” ninmi.

•   Cusahuarmi igual yalinatami pundapi churana capanguichi.

   Bibliapica ninmi: ‘Ima ashtahuan importante cashcatami cuenta japina canguichi’ (Filipenses 1:10).

   Caipi yuyapai: Quiquinba ruraicunahuanga, ¿quiquinba matrimonio trabajomanda ashtahuan importante cashcatachu ricuchijupangui? ¿O asha tiempoguhuanllachu quiquinba huarmi o cusaca conformarina tucun?

   Caita rurapai: Ashtahuan seguido igual yalingapami planesta rurana capangui.

   Anna shuti huarmiguca ninmi: “Ishcandilla yalingapaj ñuca cusagu planesta rurajpica, ninandami cushijuni. Ninandami juyahuan, ñucahuan yalinatami munan yashpami, paitaca ashtahuan juyani” ninmi.

•   Aparato electronicocunata ladoman saquinatami yachajuna capanchi.

   Bibliapica ninmi: ‘Tucui imapajpash chai punllami chayamun’ (Eclesiastés 3:1).

   Caipi yuyapai: ¿Mashna viajeta mensajecunamanda o recordatoriocunamanda quiquinba cusata o huarmitaca ladoman saquiparcangui?

   Caita rurapai: Telefonocunata shuj ladopi saquishpami, punllapi shuj viajellapash igual micungapaj esforzarina capanguichi. Micujushpaca cada punlla ima pasashcata parlangapami aprovechana capanguichi.

•   Comprascunata y huasipi ruraicunata igual rurangapami ninanda esforzarina capanguichi.

   Bibliapica ninmi: ‘Shujlla causanapa randica, ishcaipura causanami ashtahuan ali. Shina causashpami imata rurashcamandapash ashtahuan japinata charin’ (Eclesiastés 4:9).

   Caipi yuyapai: ¿Mashna viajeta comprascunata o imapash tramitecunata rurangapaca por separado ripashcanguichi?

   Caita rurapai: Imagutapash siempre igual rurashpa ayudaripaichi. Shujlla rurana cosascunatapash ishcandi rurapaichi.

   Nina shuti huarmiguca ninmi: “Comprascunapi, plato maillanacunapi, ropa doblanacunapi, patio fichanacunapi, jardinda arreglanacunapica igual rurapaichi. Chai cosascunata ruranaca yanga ruraicunallami can nishpa pensanapa randica, chai cosascunaca ñuca cusahuan o huarmihuan igual yalingapami ayudahuanga nishpami pensana capanchi” ninmi.

•    Na quiquingunapa nishcahuanga yalinachu capanguichi, ni exigentepash canachu capanguichi.

   Bibliapica ninmi: “Na quiquingunapa nishcahuan yalingapaj munajcuna cashcataca, tucuicunami ricuna can” (Filipenses 4:5).

   Caipi yuyapai: Na yapata exigente cashcataca ¿imashinata yachai ushapangui?

   Caita rurapai: Cada uno imata minishtijushcata yachangapaca, parlarinami capanguichi. Jipamanga de acuerdo quidashpami, ishcandillata cushijushca cangapaj tiempotaca aliguta organizana capanguichi.

   Daniela shuti huarmiguca ninmi: “Ñuca cusaguca ali saludtami charin. Chaimi paitaca pai gustashca ejerciciota ruragrichun rilla nini. Cutin ñucaca ashata ungushcallami cani. Chaimi huasipi samashpa quidani. Shinami ishcandillata cushijushca quidanchi” ninmi.

 Primeroca cai cati tapuicunatami cada uno por separado contestana capanguichi. Jipamanga imata contestashcatami parlarina capanguichi.

•   ¿Ashtaca tiempotachu igual yalinguichi?

•   ¿Quiquinhuan yalinamandalla imaguta rurashcatata quiquinba cusata o huarmita agradicipangui?

•   ¿Quiquinba cusa o huarmi imapi cambiachunda munapangui?

•   ¿Mashna viajeta telefonota o tabletta ricujuimandaca quiquinba cusata o huarmitaca na uyaparcangui?

•   Na yapa exigente cashcata ricuchingapaca ¿imatata rurai ushapangui?

•   Cusahuarmi ashtahuan igual yalingapaca ¿ima cambiocunatata cai semanallata rurai ushapanguichi?