Estados Unidospica, año 1990​manda año 2015​camanga, mayorlla cusahuarmicunami ashtahuan ashtahuan divorciarinajushca. Punda huatacunahuan comparajpica, más de 50 añosta charij personacunami dobleta divorciari callarirca. Cutin más de 65 añosta charij personacunacarin ashtahuanmi divorciari callarirca. Pero ¿imashpata mayorlla cusahuarmicunaca ashtahuan ashtahuan divorciarinajun? Chashna pensamientocuna ama afectachunga ¿imatata unaita cazarashca matrimoniocunaca ruraita ushan?

Cai temapica caicunatami yachajupashun:

•  ¿Imamandata mayorlla gentecunaca divorciarinajun?

•  ¿Imatata rurai ushanguichi?

•  Cusahuarmicunaca caipimi pensarita ushan

•    Mayorlla matrimoniocunaca, cusamanda o huarmimanda asha asha caruyashpami divorciarishca. Tiempohuanga ñana chai gustocunatallata charishpami, cada uno diferente gustocunata chari callarishca. Cutin huaquingunaca, tauca huatacunatami huahuacunata viñachinajushca. Ali taitamamacunami cashca. Pero imashina ali cusa o ali huarmi canataca cungashcami. Chaitaca huahuacuna huasimanda rijpirami cuenta japi ushashca.

•    Cai huatacunapica, matrimoniocunapi especialistacunami canchi nishca gentecunaca, cusahuarmicunaca cada unomi paicunapillata pensarina can nishpami yachachishca. Cusahuarmicunataca “¿ñuca matrimoniopica alichu causajuni? ¿Ali persona cachun ayudahuanllu? ¿Ñuca cusa o huarmica ñuca ali sintirichun ayudahuanllu?” nishpami pensarina can ninmi. Chai tapuicunata na nishpa contestashca cusahuarmicunaca, ñucapimi pensarina cani nishpami divorciarishpa shuj mushuj causaita callarin.

•   Cunanbi gentecunaca divorciarinataca ñana pinganayachinllu. Eric Klinenberg shuti sociologoca ninmi: “Huaquin huatacuna huashamanga, cusahuan o huarmihuan na cushilla caimanda divorciaringapaj munajushpaca, shuj alipacha razondami charina carca. Pero cunanga na shinachu can. Cusahuan o huarmihuan na cushilla causajushpaca divorciarinallami can, na divorciarishpaca alipacha razondami ricuchina can” ninmi. a

 Divorciarishpaca, shuj problemamanda librarishpa shuj problemapimi satirin. Por ejemplo, shuj investigacionbi nishca shinaca, “mayorllacuna divorciarishpaca, culqui problemacunatami chari callarin. Ashtahuanbachaca huarmicunami culqui problemataca charin” nin.

 Pero shuj problemacunapashmi ricurin. Shuj libropica ninmi: “Desde cero callaritapash usharingami. Pero lo mismollatami cashpa catinchi. Como cusahuan o huarmihuan na aliguta intindiri ushashcanguica ¿cambiangapaj imatapash rurapashcanguichu? Problemacunata imashina solucionanata mejorangapaca ¿imatata rurapashcangui?” ninmi (Don’t Divorce [No te divorcies]). b

•   Cambiocuna tianataca yaipimi cana capangui. Tiempo yalijpica, matrimoniocunaca cambianmi. Huaquinbica, huahuacunaca ñana huasipi causanllu. Cutin huaquinbica, diferente gustocunatami chari callarishcanchi. Chaimi cusahuan o huarmihuanga ñana lo mismota llevarinchi. Pundacuna imashina cashcata yarijunapa randica, cunanmanda ñaupamanga imapita mejorana canchi nishpami pensarina capanguichi.

   Bibliapica ninmi: “Ima horasllapash ama: ‘¿Imashpashi punda huatacunaca, cunan huatacunata yali ali carca?’ ninguichu. Shina nishpaca, ima horallapash na ali yachaihuan tapunguichu” (Eclesiastés 7:10).

•   Ali amigocunami cashpa catina capanguichi. Cunanbica ¿imatata cada uno ruranata gushtanguichi? Shinaca si cusa o huarmi pai gushtashca cosasta imagutapash rurajujpica, quiquinbashmi chai cosaspi interesarina capangui. O na cashpaca, quiquinmi cusata o huarmitaca quiquin gushtashca cosasta paipash rurachunga shamui, ricui caica cashnami can nishpa animaita ushapangui. O sinoca, ishcandillata gushtashca cosascunata igual rurangapami esforzarina capanguichi. Tiempota igual yalinami ashtahuan importante can. Imapash gushtashca cosasgucunata igual rurashpami, cusahuarmicunashna causaita ushanguichi. Chai huasipillata igual causana cashcamandalla causanaca na alichu can.

   Bibliapica ninmi: “Cada unomi shujcunapa beneficiota mascana capanchi y na ñucanchipa beneficiotallachu mascana capanchi” (1 Corintios 10:24).

•   Respetohuanmi tratarina capanguichi. Ña tauca huatacunata cazarashca cashpapash, respetohuanmi tratarishpa catina capanguichi. Imashinami noviocuna cashpaca, respetohuan parlashpa, aliguman, cushilla tratarin carcanguichi shinallatami tratarishpa catina capanguichi. Siempremi “por favor”, “ama shinagu cashpa”, “pagui” nishpa parlana capanguichi. Juyashcataca ninami capanguichi. Shinallata quiquinmanda imagutapash rurajpica, agradicinami capanguichi, na upallachu quidana capanguichi.

   Bibliapica ninmi: “Caishujhuan chaishujhuanmi ali shungu cana capanguichi” (Efesios 4:32).

•   Ishcandi ali yalishca tiempocunatami yarina capanguichi. Cazarashca fotocunata o maipipash purinajushpa llujchishca fotocunatami ricuna capanguichi. Chaicunata ricushpa, yarishpami juyarishpa, respetarishpa catita ushanguichi o ashtahuan juyaritapash ushanguichi.

   Bibliapica ninmi: “Cada unomi quiquinguna juyarinshnallata quiquingunapa huarmitaca juyana capanguichi. Shinallata huarmicunapash, quiquingunapa cusataca tucui shunguhuanmi respetana capanguichi” (Efesios 5:33).