•   Quiquinga imatapash na planeashpami ruranata gushtangui. Cutin quiquinba cusa o huarmica imatapash aliguta planeashpa ruranatami gushtan.

•   Quiquinga tranquilo, upallaguta tiajunatami gushtangui. Cutin quiquinba cusa o huarmica chistecunata shinashpa, bulla bulla canatami gushtan.

 ¿Quiquinba cusapa o huarmipa ima costumbretata na gushtangui? Chaicunapilla yapata pensarijushpaca quiquinba matrimoniopi ali causanaca dificilmi canga. Bibliapica ninmi, chai cosascunamandallata cutin cutin ‘pimambash parlashpa purijcunaca, paipa cumbatapash caruyachinmi’ (Proverbios 17:9).

 Chai costumbrecunata charishcamanda culirashpa ashtahuan ashtahuan pliturijunapa randica, chai costumbrecunapimi shuj ali cualidadta mascana capangui.

Cai temapica caicunatami yachajushun:

•  Chai costumbreta na gushtashpapash chai costumbrepi ima cualidadta ricuchijushcatami pensarina capangui

•  Shuj matrimoniocunaca ¿imatata nishca?

•  Cusahuarmicunaca caipimi pensarita ushan

 Quiquinba cusa o huarmi charishca costumbrecunata na gushtashpapash huaquinbica chai costumbrecunaca quiquindapashmi ayudaita ushan. Quimsa ejemplocunata ricupashun:

 Chelsea shuti huarmiguca ninmi: “Ñuca cusaca imata rurashpa o maiman ringapaj cambiarijushpapash yapatami demoranata yachan. Pero shina caimandallatami ñucahuanbash ashtaca pacienciata charin. Na ucha cuyurijpica culiranayanmi. Pero chaimandallatami paitaca ashtacata juyani” nin.

 Christopherca ninmi: “Ñuca huarmiguca tucuitami ali ali planeajunata yachan. Shinami paica ali sintirin. Pero ñucaca culirashcami canata yachani. Tucuita ali ali planeajuimandami tucuita yaipi charin” nin.

 Danielle shuti huarmiguca ninmi: “Huaquinbica ñuca cusapaca nina na importanshnallami ricurin. Chaimandami culirani. Pero imagutapash tranquilamente rurajta ricushpami, primera vez ricushcamandallata paitaca alicachircani. Ima pasajpipash tranquilo cajta ricushpami paitaca alicachini” nin.

 Imashinami ricupanchi Christopher, Chelsea y Danielle huarmigupa casocunapica, callaripi culiranajushpapash aliguta pensarijpica cusapa o huarmipa costumbrecunaca alipami cashca. Imashinami shuj monedaca ishcai ladocunata charin, shinallatami cusapa o huarmipa costumbrecunaca huaquinbica culirachin. Cutin huaquinbica cushijuchin.

 Pero huaquin costumbrecunaca nimamanda nalichu can. Por ejemplo, Biblia nishcashnaca ‘ninanda fiñarinaca’ nalichu can (Proverbios 29:22). Shina cashpaca, ‘ima resintirinacunatapash, culiranatapash, caparishpa rimajunatapash, groserota rimanatapash’ saquingapami tucui shunguhuan esforzarina can a (Efesios 4:31).

 Imagumandapash culirajujpica Bibliapica ninmi: ‘Aunque shujcunamanda quejarina rasonda charishpapash, caishuj chaishujmi tucui shunguhuan perdonarishpa catina capanguichi’ (Colosenses 3:13).

 Shinallata aunque culiranajushpapash siempremi chai costumbrehuan ima cualidadta ricuchijushcapi pensarina capangui. Shina pensarijushpami quiquinba cusa o huarmi soltero cajpi imata alicachishcata talvez yaringui. Josephca cazadomi can. Paica ninmi, cusa o huarmi charishca costumbrecunapi nalipilla concentrarishpaca, shuj juyailla diamante rumigupa filocunapilla concentrarijuj cuendami canman nin.

 Primeroca quiquinlla cai tapuicunapi pensaripai. Jipamanga ishcandi parlaripaichi.

•   ¿Quiquinba cusa o huarmi charishca costumbrecunamandachu matrimoniopica problemacuna tian? Shina cajpica ¿maijan costumbrecunata can?

•   ¿Nalipacha costumbrechu can, o quiquin na gushtaimandallachu culirajungui?

•   ¿Chai costumbreca imagupipash alichu can? Shina cajpica ¿imapita chai costumbreca ali can? Y ¿imashpata chai costumbreca quiquinbaca ali can?