¿Quiquinba huahuacunaca pantallapi o papelpi liinatachu gushtan?

 Ashtaca huahuacuna y jovengunaca pantallapi liinatami gushtan. Jean Twenge shuti doctora de Psicologiaca ninmi: “Cunan tiempopi jovengunaca, enlace nishcapi clicta rurashpami shuj shuj paginacunaman ñapash rinlla. Chaimi librota liinaca paicunapaca aburrido can” ninmi. a

 Aparato electronicocunapi liinapash alimi can, ventajacuna tianmi. Por ejemplo, 20 añosta charij John shuti jovenca ninmi: “Ñuca estudiashca escuelapica, digital librocunatami utilizan carcanchi. Chaipica herramienta de búsqueda nishcata utilizashpami minishtijushca informaciondaca ñapash tarinlla carcani” nin.

 Aparato electronicopi liij gentecunaca, ratomi “paicunapa dedohuanga” imatapash ruranlla. Por ejemplo, dedohuan pantallapi tacarishpa o clicta rurashpami shuj palabrapa significadota, mascajushca temapa shuj videota o ashtahuan informacionda charij enlacetapashmi tarita ushan. Shinaca ¿pantallapi liinachu librota liinamandaca ashtahuan mejor can?

 Huaquingunaca, imatapash aligutapacha estudiangapaj munashpami, papelpi liinata gushtan. ¿Imamandata shina estudian? Huaquin razongunata ricupashun.

•   Ashtahuanmi concentrarita ushan. Nathan shuti jovenga ninmi: “Pantallapi liijujpica, anunciocuna, notificaciongunami ricurijunlla. Chaicuna ricurijpimi distrairinata yachani, imata liijushcapi concentraritapash na ushani” ninmi.

   20 añosta charij Karen shuti jovenpash ninmi: “Telefonopi o tabletpi liijushpaca, ñapashmi distrairinata yachani. Huaquinbica napash estudiashca temahuan ricunata charij aplicaciondami pascanilla o imapash pugllanacuna ricurijpimi pugllangapaj munani” ninmi.

   Bibliapica ninmi: “Tiempotapash aligutami aprovechana capanguichi” (Colosenses 4:5).

   Caipi yuyapai: Quiquinba churi shuj aparato electronicopi liijushpa o estudiajushpaca ¿concentrarita ushanllu o ñapashchu distrairinata yachan? Na concentrarita ushajujpica ¿imashinata ayudai ushapangui?

   Caita rurapai: Quiquinba churimanga, aparato electronicohuan distrairishpaca, deberta na uchalla tucuchi ushashpa, pai gushtashca cosascunata rurangapaj ashalla tiempota charinatami intindichina capangui.

•   Aliguta intindichunmi ayudan. Naomi Shaefer Riley shuti escritoraca shuj libropica ninmi: “Huaquin estudiocunapica ricushca shinaca, pantallapi liinata yachajcunahuan, papelpi liinata yachajcunahuan comparajpica, papelpi liinata yachajcunami ashtahuan ali intindin” ninmi Be the Parent, Please (Sea el padre, por favor).

   Pero ¿imashpata shina pasan? Pantallapi liishpaca, imata liijushcapi na pensarishpa jahua jahualla liishpami shuj shujman yalinata yachan. Nicholas Carr shuti escritorca, internetpica “ñucanchi ñavicunaca ñapashmi caishuj chaishuj informacionda ricunajun y ñucanchi dedopash ñapashmi shuj shuj informacionman yalichijun” ninmi. b

   Ñapash liinaca huaquinbica alimi can. Pero Nicholas Carr nishca shinaca, gentecunaca “ñapash liishpa shuj shuj informacionman yalina costumbretami japinajunchi” ninmi. Shinaca, quiquinba churiguca napash ali intindishpata jahua jahualla liina costumbretami japinga.

   Bibliapica ninmi: ‘Tucui ima charinacunamanda yalica, ali yuyaita [o entendimientotami] japina cangui’ (Proverbios 4:7).

   Caipi yuyapai: Pantallapi o papel liijujpipash quiquinba churi imapash temata aliguta investiganata yachajuchunga ¿imatata rurai ushapangui?

   Caita rurapai: Ni solo papelpilla, ni solo pantallapilla liinatapash na yachachinachu capangui. Porque tanto pantallapash como papelpashmi ventajacunata y desventajacunata charin. Aparato electronicocunapica, huaquin funciongunami tian. Chai funciongunaca, imata liijushcata ashtahuan aliguta intindichunmi ayudaita ushan. Shinaca papelpi o pantallapi liinamanda quiquinba huahuacunahuan parlajushpaca, ishcandillata ventajacunata y desventajacunata charijta parlapangui. Shinallata cada churi diferente cashcatami yarina capangui.

•   Imata liishcata yarichunmi ayudan. Scientific American revistapica shuj temami llujshirca. Chai temapica, papelpi liinata y shuj aparato electronicopi liinata comparashpami Ferris Jabr shuti escritorca nirca, aparato electronicocunapi liishpaca “ñucanchi menteca ashtahuanmi shaijun y yaritapash na facillla yarita ushanllu” ninmi.

   Por ejemplo, papelpi liinaca memoriapaca alimi can. Papelpi liishpami, huaquin ideacuna maijan paginapi tiajushcacunaca ñucanchi umaman shamun. Papelpi liinaca jipaman chaimanllata tigrangapaj, libropi shuj marcata saquijuj cuendami can.

   Investigadorcunaca, papelpi liinata yachaj personacunaca ashtahuan alimi informaciondaca yarinata yachan ninmi. Papelpi ricushpa yachajushpami, ñucanchi umaca ashtahuan facilta yachajuita ushan.

   Bibliapica ninmi: “Ali yuyaita cushcatapashmi alichina cangui” (Proverbios 3:21).

   Caipi yuyapai: ¿Quiquinba huahuaca imata liishcata o imata estudiashcata yarita ushajunllu? Ashtahuan aliguta estudiachunga ¿imashinata quiquinba huahuataca ayudaita ushapangui? Papelpi estudianaca ¿ayudangami yuyapanguichu?

   Caita rurapai: Quiquinba churi imata ashtahuan alicachijta pensarinapa randica, ashtahuan aliguta estudiachun paita ima ayudai ushashcatami pensarina capangui. ¿Imamandata shina rurana capangui? Gentecunaca pantallapica alimi liini nishpa exageranllami.