Quiquinba huarmi o cusaca ¿quiquin ufiajushcamanda preocuparijunllu? Pinarijunimi nijpica ¿imacunapita pensarina capangui?

Cai temapica caicunatami yachajupashun:

•  Tragota yapata ufiajcunaca paicunapa matrimoniotami afectan

•  ¿Tragota ufianataca ninandachu faltachinata yachapangui?

•  ¿Tragota na minishtijushcataca segurochu capangui?

•  Caitami rurai ushapangui

 Tragota ufiashpaca, shuj shuj unguicunatami chari ushapanchi. Por ejemplo, cirrosis hepática unguita, cancerta y corazón nanaicunatapashmi chari ushapanchi. Pero tragoca, na solo ñucanchi saludtallachu afectan. Sino ñucanchi matrimoniotapashmi afectai ushan. ¿Imashinata afectai ushan? Tragota yapata ufiaimandami huasipica macanajuicuna tian, culqui faltajllacuna causan, cadano huarmihuan o cadano jarihuanmi falta urman o hasta divorciarinbash.

 Bibliapica, tragota yapata ufiajcunaca, “culebrashnami caninga” ninmi (Proverbios 23:32). ¿Imashinata quiquinga tragota ufiana dependencia charishcata yachaita ushapanguiman?

 Trago ufiana dependenciata charishcata yachangapaca, cai cati tapuicunapi pensaripai:

•   Ufiajushpaca ¿controlarinata ushanichu?

•   Ima hora cutin tragota ufianataca ¿seguidochu pensarijunata yachapangui?

•   ¿Quiquinba causaipi, quiquinba matrimoniopi problemacunata charishpapashchu tragota ufiashpa catijupangui?

•   Huaquin punllacunata ñana ufiashpaca ¿imapash ninanda faltajujpishnachu llaquilla o culira sintiripashcangui?

•   ¿Ama yapata ufiaichu nishcamandachu huaquinbica quiquinba huarmihuan o cusahuanga pliturinata yachanguichi?

•   ¿Cunanbica ashaguta yapalla ufiashpapashchu ñana mareado sintiripangui?

•   Huasipi o trabajopica ¿tragota pacalla ufianata yachanguichu?

 Shuj, ishcai o quimsa tapuicunata ari nishpa contestashca cashpaca, talvezpashmi tragoman dependenciata charipangui o alcoholicopash tucujupangui.

 ¿Quiquinba huarmi o quiquinba cusaca, yapatami ufiajungui nishcachu? Shina nijpica ¿imapash pretextocunata churapashcanguichu o yapatami exagerajungui nipashcanguichu? O huaquinbicarin shujcunatara culpashpa o quiquinba cusata o huarmita culpashpachari cashna nipanguiman:

•   “Ñucata can ali tratajpica na ufiaimanllu”.

•   “Ñucashna trabajopi nali jefeta charishpaca canbashmi ufianguiman”.

•   “Shuj gentecunacarin ñucata yalimi ufianata yachan” nishpa.

 Quiquinbash chashna nishca cashpaca na quiquinba matrimoniotaca en primer lugar churajupanguimanllu. Sino tragotarami en primer lugar churajupanguiman. Shinaca ¿imatata quiquinba ashtahuan importante can, quiquinba matrimonio o tragochu ashtahuan importante cana can?

 Bibliapica ninmi: ‘Cazarashca jaricunaca, paipa huarmipa ñaupapi imashina ali ricurinatami mascan’ (1 Corintios 7:33).

•   Quiquinba huarmi o quiquinba cusa imata nijujtaca uyanami capangui. Yapatami exagerajun yashpapash, huaquin cosasgucunapi cambiashpaca alimi capanguiman. Nijujpipash na uyashpa na cambiai ushajushpaca pensaripai, tragota ufiana dependenciatachu chari callarijuni nishpa.

   Bibliapica ninmi: “Cada unomi shujcunapa beneficiota mascana capanchi y na ñucanchipa beneficiotallachu mascana capanchi” (1 Corintios 10:24).

•   Informacionda mascanami capangui. Quiquinga guerrapi ganangapaj munajuj soldadoshnami capangui. Imashinami shuj soldadoca contra soldadocuna imata ruragrijujta yachashpaca ganaita ushan, shinallatami alcoholismo ima cajta, gentecunata imashina afectajta yachanaca minishtirishcapacha can. Ashtahuangarin, alcoholismomanda escaparingapaj y ama cutin alcoholismopi urmangapaj imata ruranataca ali alimi yachana capangui.

   Bibliapica ninmi: “Quiquingunapa nali munaicunamandaca jarcarishpami catina canguichi nishpa. Chai munaicunahuanmi quiquingunaca shuj macanajuipishna causanajunguichi” (1 Pedro 2:11).

•   Ayudata mascanami capangui. Alcoholismo problemata charij gentecunata ayudangapaca ashtaca hospitalcuna, tratamientocuna, rehabilitaciongunami tian. Shinallata, aliguta pensarishpa ayudaj amigotami, imamanda tragota ufianata minishtijujta cuenta japichun ayudahuai nita ushapangui. Tragota cutin ufiana tentacionda charishpaca, chai amigohuanmi parlaita ushapangui.

   Bibliapica ninmi: “Ali cumbaguca paipaj cumbataca, tucui causaipimi juyajun. Llaqui punllacuna japijpipash, quiquin huauquitashnami llaquin” (Proverbios 17:17).

 Tragota yapa ufianaca shuj jatun problemami can. Ama alcohólico cangapaj temacunata liina o ufianata ashaguta bajagrinimi ninallapash na suficientechu can. Shinallata, imata decidishpapash tragota ufiaimanda quiquinba saludta afectanata y quiquinba matrimoniota afectanatapash yaipimi charina capangui.

 Ashtahuan yachangapaj: Ama yapa tragota ufiangapaj shuj gentecuna imata rurashcata yachangapaca cai temacunata ricupangui:

 “Ñana millai runa canichu”

 “Ñana ñucamandallata pingai tucunichu”

 “Callecunapimi causai callarircani”

 Shinallata “Ñucapa causaita millanayachircanimi” videotapash ricupangui.