Tamia punllapi imatapash na rurashpa maimanbash na llujshi ushashpaca huaquin gentecunapaca yapa aburridomi can. Robert shuti jovenga ninmi: “Tamia punllacunapica imatapash na ruraita ushashpaca aburridomi sintirini”.

 Quiquinbash cashna sintirishpaca cai temapa yuyaicunami ayudaita ushan.

•  Caitami yachana capangui

•  Caitami ruraita ushapangui

•  Huaquin jovenguna chashnami yuyan

•   Ama yapa aburrido cangapaca internetpilla celularpilla yalinaca na ayudanllu.

   Internetpi imatapash ratoguta ricunaca alimi can, pero internetpilla yapata yalishpaca ashtahuanmi aburriri ushapangui. 21 huatacunata charin joven Jeremyca ninmi: “Na yuyashcapimi jaicata celularpilla yalita usharin”.

   Joven Elenapash shinallatami yuyan chaimi paica cashna nin: “Internetpica ashtaca cosascunatami rurai ushangui, pero internetpilla, celularpilla yalishpaca canllapi shujta gentecuna imata rurajtaca na yachanguichu. Chaimi internetpi, celularpi na cashpaca ashtahuan aburrido sintiringui”.

•   Imata rurashpapash cushillami rurana canchi.

   Ashtaca cosascunata ruranata charishpaca na aburriringuichu. ¿Pero na aburrido sintirinaca na fácil canllu? Quiquin gushtashca cosascunata rurashpallami na aburriringui. Karen shuti jovenga cashnami nin: “Escuelapi tucui punlla ocupado yalishpapash siempremi aburrido carcani. Gushtashca cosascunata rurashpami na aburriringui”.

 ¿Caita yachaparcanguichu? “Imaguta ruranata na charishpaca” na preocuparinachu capangui. Por ejemplo, na tarpushca alpata charishpaca chaipi tarpungapami aprovechapanchiman chashnallatami imaguta ruranata na charishpaca, chai tiempogutaca imagutapash rurangapami aprovechana capangui.

 Na rurashca cosascunata rurapai. Mushuj amigocunata rurapai. Na rurashca cosascunata rurapai, imatapash yachangapaj munashca yuyaimanda investigapai. Shuj shuj cosascunata ruranata gushtaj gentecunaca na ñapash aburririnllu paicunahuanga cajcunapash na aburririnllu.

 Bibliapica ninmi: “Tucui imata rurana cambaj maquiman shamujpipash, chaitaca cambaj ushai tianshnallata rurailla” (Eclesiastés 9:10).

 Melindaca ninmi: “Chino mandarín shimitami yachajui callarircani. Chino mandarin shimita cada punlla yachajujushcamandami imagutapash yachajunata gushtashcata cuenta japishcani. Imagutapash rurashpa trabajanatami gushtani shinami tiempota aliguta aprovechashpa ocupado yalini”.

 Imamanda rurangapaj munashcapi pensarina. Imata rurajushpapash imamanda rurangapaj munashcata pensarishpaca ñapashmi tucuchipangui. Ali notacunata charingapaj munashpaca escuelapa debercunata ruranapash na aburrido cangachu.

 Bibliapica ninmi: “Runapaca, imapash ashtahuan alica na tianllu [...] pai trabajashcamandami, paipaj shungupipash cushijun” (Eclesiastés 2:24).

 Hannahca ninmi: “Graduaringapaj ashalla tiempo faltajpimi cada punlla ocho horascunata estudian carcani. Shinapash graduarinapi pensarishpami ashtaca horascunata estudiashpapash na aburririnllu carcani”.

 Tucui munashcataca na rurai usharinllu. Gushtashca cosascunata ruranapash huaquinbica aburridomi can. Huaquinbica amigocunahuan imagutapash ruragrijushpa, ñana rurai ushashpaca llaquirinapa randica imata rurai ushashcapimi pensarina capangui.

 Bibliapica ninmi: “Cushilla causajuj runapaj shungupica, punllandi jatun micuita ruranshnami causanajun” (Proverbios 15:15).

 Ivyca ninmi: “Shuj amigaca sololla cana tiempotaca ali aprovechana cangui nihuarcami. Shinallata sololla cashpa shujcunahuan cashpapash cushilla yalinataca tucuicunami yachajuna canchi nihuarcami”.