Yolandaca ninmi: “Huaquin compañerocunaca librocunapash illa, yangatami clasescunamanga rin. Profesorta uyanapa randica, musicata uyashpami tianajunata yachan. Jipamanga, imashpashi nali notacunata charini ninajunmi. Cutin shujcunaca ashtacata esforzarishpami estudianchi. Pero shinapash, examengunapica na ali notacunata llujchi ushanichu. Chaimi imashina estudianataca na intindini. Semana enterota tutacaman estudiashpapash nali notacunata llujchishpaca, culirami sintirini” ninmi.

 ¿Nachu canbash Yolandashna sintirishcangui? Tucuicunallatami nali notacunata llujchishpaca llaquilla sintirin.

 Chaimi huaquin jovengunaca, mejorangapaca ñana esforzarin. Shujcunacarin, estudianataca saquitapachami saquin. Esforzarinata o estudianata saquinapa randica, mejor cai 6 consejocunatarapash catipai. Shinami alillata sintiripangui.

•  Caitami rurai ushangui

•  Shuj jovengunaca ¿imatata nin?

•   Clasesmanga na faltanachu cangui. Clasescunaman faltashpaca ali notacunata charitaca nimamanda na ushanguichu.

   Matthew shuti jovenga ninmi: ‘Ñuca escuelapica, notacunapi na preocuparijcunami clasescunamanga faltan carca. Chaimi jipacunamanga problemacunata charin carca’ ninmi.

   Bibliapica ninmi: “Imata tarpushpapash chaitallatami cozechashun” (Gálatas 6:7).

•   Tucuilla clasescunatami aliguta aprovechana cangui. Clasescunaman rinaca alimi can. Shinapash na tiajungapallachu rina cangui. Clasescunataca alimi aprovechana cangui, ali apuntecunatami japina cangui. Profesor imata nishcata intindingapapashmi esforzarina cangui. Na intindishpaca tapunallami cangui.

   Oliviaca ninmi: “Clasespi cashpaca ñucaca ashtacatami tapunata yachani. Profesorcunaca, pipash na intindinichu nijpica, ashtahuan clarollaguta explicangapami esforzarinata yachan” ninmi.

   Bibliapica ninmi: “Imata nijujtaca aliguta uyaichi” (Lucas 8:18).

•   Copiangapaj munajushpapash na copianachu cangui. Jovengunaca shuj shuj trampacunatami ruran. Huaquingunaca copianatami yachan. Pero copianaca na alichu can. Copianaca llullana cuendami can. Copiashpaca canllatami na imatapash yachajushpa quidangui.

   Jonathan shuti jovenga ninmi: “Na yachashpaca, canba compañerocunapa respuestacunataca na copianachu cangui. Chaita ruranaca na imapipash ayudanllu. Quiquinba problemacunata quiquinllata solucionanata yachajunapa randica, shujcuna ayudachunlla shuyanatami yachajujungui” ninmi.

   Bibliapica ninmi: ‘Cada unomi paillata imata rurashcapi pensarina can. Shinami pai imata rurashcacunamandaca cushijuita ushanga’ (Gálatas 6:4).

•   Debercunataca uchami rurana cangui. Ashaguta divirtirigrijushpaca, uchallami debercunataca rurana cangui. a Shinami debercunata ña tucuchishpaca, ashtahuan cushilla divirtiringui.

   Calvin shuti jovenga ninmi: “Debercunata ruranaca ñucapaca importantemi carca. Debercunata ruraimandami ali notacunata llujchin carcani. Huasiman chayashpaca, shuj ratoguta samangapaj, musicata uyangapami munan carcani. Pero primeroca debercunata rurangapami esforzarin carcani. Chai jipami imacunatapash ruran carcani” ninmi.

   Bibliapica ninmi: ‘Quiquingunaca ima ashtahuan importante cashcatami cuenta japina’ canguichi (Filipenses 1:10).

•   Ayudata mascanami cangui. Ayudahuai ninataca na pinganayachinachu cangui. Ashtahuan ali notacunata llujchingapaca, canba taitamamacunahuan o profesorcunahuanmi parlaita ushangui. Shinallata, clase particularcunatapashmi japita ushangui.

   Davidca ninmi: “Canba profesorhuan parlashpami, cai materiataca na ali intindinichu, pero mejorangapami munani nina cangui. Shina nijpica, chai materia canba importante cashcata talvez intindishpami ayudangapaj munanga” ninmi.

   Bibliapica ninmi: “Ali yuyaita cujcuna taucacuna tiajpica, ima llaquipash na japinllu” (Proverbios 11:14).

•   Tucui oportunidadcunatami aprovechana cangui. Huaquin llactacunapica, examengunapa huaquin tapuicunaca notacunata subichunmi ayudan. Chai tapuicunata contestashpa aprovechanaca alipachami can. Shinallata, profesorcunataca, nachu shuj trabajocunata ruranalla cani o nachu cutin examenda cui ushanalla cani nishpami tapunalla cangui.

   Mackenzie shuti jovenga ninmi: “Ñuca notacunata subingapaca ñucallatami esforzarina cani. Na maqui cruzashcachu quidana cani. Ñuca profesorcunataca imapash shuj trabajocunata rurai ushanichu o imapash nali rurashcacunata cutin rurai ushanichu nishpami tapuni” ninmi.

   Bibliapica ninmi: “Tucui imata rurashcamandapash, japina tianmi” (Proverbios 14:23).