•  ¿Imashinata cangui?

•  ¿Imamandata ali pensarinaca minishtirishca can?

•  Caita rurangui

•  ¿Ashtahuan yachangapa munanguimanlla?

•  Jovengunaca ¿imatata nin?

•   Ali llujshinata pensarishpa

   “Siempremi cushilla, ali cangapa esforzarini. Tucui punllacuna cushilla yalinaca alimi can” (Valerie).

•   Llaquicunapilla pensarishpa

   “Imapash ali llujshijpica chaica na ciertochu canga yashparami pensarini” (Rebeca).

•   Na tucuipica ali llujshingachu pensarishpa

   “Ali llujshinata pensarishpaca huaquinbi na pactarijpica llaquiringuimi. Cutin llaquicunapilla pensarishpaca ashtahuanmi llaquilla causangui. Chaimi na tucuica ali llujshingachu yashpa pensarinami ayudahuan” (Ana).

 Bibliapica cushilla causaj runapaj shungupica, “punllandi jatun micuita ruranshnami causanajun” ninmi (Proverbios 15:15). Shinaca ali llujshinata pensarijcunami ashtahuan cushilla sintirin, ashtahuan amigocunatapashmi charin. Llaquicunapilla pensarij gentecunahuanga pipash tandanajungapaca na munanchichu.

 Ashtahuanbash ali llujshinata pensarijcunapashmi causaipica jatun llaquicunata chimbapurana tucun. Por ejemplo:

•   Noticiacunapica guerracunamanda, macanajuicunamanda, shuhuacunamandallami parlan.

•   Tucui familiacunallatami llaquicunataca charin.

•   Tucuicunallatami nali ruraicunahuan nali munaicunahuan chimbapurana tucunchi.

•   Huaquinbica ñucanchi amigocunapashmi nali sintichin.

 Problemacuna na tianllu yashpa o problemacunapi yapata pensarinaca ninandami llaquichinga, chaimi aliguta pensarishpa causana cangui. Na tucui ali llujshingachu yashpa pensarishpaca imapash ñucanchi munashca shina na llujshijpica na yapata llaquirishunllu.

•   Imapi pandarishpapash ama yapata llaquirichu.

   Bibliapica ninmi: “Cai pachapica alitalla ruraj runa, ima horapash juchata na ruraj runaca, shujllapash na tianllu” (Eclesiastés 7:20). Imapi pandarishpapash, chaica na nisha ninllu imapapash na sirvij cashcataca.

   Aliguta pensarichunga ¿imata ayudanga? Imapi pandarishpapash alita rurangapa esforzaringui. Caleb shuti jovenga: “Pandarishcacunapilla ama yapata pensaringapami esforzarini. Ashtahuangarin chaicunamanda yachajushpa mejorangapami munani” ninmi.

•   Ama paicunashna cangapa munaichu.

    Bibliapica na yangata jariyashpa rimanachu canchi shinallata “imaguta charishpapash, na caishujmanda chaishujmanda ñucapa cashcanman yanachu canchi” nishpa consejan (Gálatas 5:26). Picunalla fiestacunaman rishpa, internetpi churashca fotocunata ricushpalla yalishpaca ñucataca na invitahuashcachu yashpami ashtahuan llaquiringui. Shina yuyashpaca canba ali amigocunapash camba contracuna cashcatami yuyangui.

   Aliguta pensarichunga ¿imata ayudanga? Na tucui fiestacunaman invitana cashcataca intindinami cangui. Ashtahuangarin internetpi imatapash churashcacunaca tucui causaipi imalla pasashcataca na villanllu. Alexis shuti jovenga ninmi: “Redes sociales nishcacunapica paicunapa causaipi ali pasashcacunatallami churan. Ashtahuanbash cada punlla imalla rurashcacunataca na churanllu”.

•   Ashtahuanbachaca canba familiahuanmi tranquilo, aliguta causana cangui.

   Bibliapica: “Canguna rurai ushanalla cajpica, tucuicunahuan casilla aligutami causana canguichi ninmi” (Romanos 12:18). Shujcuna imata ruranajujpipash na jarcai ushanguichu, shinapash canga jarcarita ushanguimi. Tranquilo, aliguta causanaca canbimi tian.

   Aliguta pensarichunga ¿imata ayudanga? Familiahuan tranquilo, aliguta causangapa esforzari. Imashinami shuj gentecunahuan ali llevaringui, ali tratangui, shinallatami familiatapash ali tratana cangui. Melinda shuti jovenga ninmi: “Juchayucuna caimandaca tucuicunallatami shujcunatapash huaquinbica llaquichinchi. Shinapash pipash llaquichijpica fiñarinata o na fiñarinataca ñucanchimi decidina canchi” nin.

•   Agradisinata yachajuna cangui.

   Bibliapica: “Pashi ninajuna canguichi” ninmi (Colosenses 3:15). Agradicido cashpaca imapash problemacuna ricurijpipash ali cosascunapimi pensarishpa catingui.

   Aliguta pensarichunga ¿imata ayudanga? Problemacunata charishpapash causaipi ali cosascuna tiashcataca na cunganachu cangui. Rebeca shuti jovenga cashnami nin: “Cada punllami imapash ali pasashcataca anotashpa catini. Shinallata ali cosascuna tiashcapi pensarinatami gushtani” nin.

•   Amigocunata ali ricushpa agllapangui.

   Bibliapica nali cumbacunaca “alita rurashpa causanajujtapash huaglichinmi” nin (1 Corintios 15:33). Huashalla rimajcunahuan, yangata rimashpa llaquichijcunahuan, imamandapash quijarishpalla purijcunahuan tandanajushpaca chaicunatami rurashpa catingui.

   Aliguta pensarichunga ¿imata ayudanga? Camba amigocuna imapash problemacunata charishpaca talvés quijari callaringami, shina pasajpica ayudanami cangui pero na saquinachu cangui paicunapa problemacuna canda yapata llaquichichun. Michelle shuti jovenga cashnami nin: “Quijarishpalla purij jovengunahuan tandanajunaca na alichu can. Shina jovengunahuan tandanajushpaca canbashmi shinallata o ashtahuan yalipash tucungui” nin.

 Bibliapi nishca shinaca jatun llaqui punllacunapimi causanajunchi (2 Timoteo 3:1). Cai mundopi ashtaca llaquicuna tiashcamanda, ali causanaca ¿shinllichu ricurin? Caimanda ashtahuan yachangapa munashpaca “¿Imamandata ashtaca llaquicuna tian? nishca temata liipangui”.