Shuj amigo o shuj familiar chairalla huañushca cajpica, cai temami chai llaqui sentimientocunamanda recuperarichun ayudanga.

Cai yuyaicunatami ricupashun.

•  ¿Yapata llaquilla canaca normalchu can?

•  Llaqui llaqui sentimientocuna ama yapata afectachunga ¿imatata ruraita ushani?

•  Huaquin jovengunaca ¿imatata nin?

 Huaquin gentecunaca pipash huañujpica ninandami llaquiyan. Y chai sentimientocunaca na jaicata yalinllu.

 “Ñuca abuelitotaca cada punllami yuyarini. Pai huañushcamanda ña ishcai huata yalishca cajpipash, paimandaca huacai huacaimi parlani” (Olivia).

 “Ñuca abuelitaca siempremi ñuca metacunata pactachichun animahuan carca. Pero chai metacunata imasha pactachijtaca ñana ricuita usharcachu. Chaimi cada vez que shuj metata pactachinica paita yuyarishpa ninanda llaquiyani, porque paica ñana ñucahuan canllu” (Alison).

 Pipash huañujpica gentecunaca shuj shuj sentimientocunatami charin. Por ejemplo:

 “Ñuca tío huañushcataca na crita usharcanichu. Maitashi shina pasashcangayari nishpami huaquin punllacunata shina pensarijurcani. Primera vezmi ñucapa shuj familiar huañushcarca. Chaimi huañushcata yachaj chayashpaca manllarishca quedarcani” (Nadine).

 “Ñuca abuelito huañujpica ninandami culirarcani. Porque paica paipa saludta cuidachun nishpa rogajpipash, na uyashpami na cuidarishcarca” (Carlos).

 “Ñuca abuelito huañushca horasca ñucanchi familiamandaca ñuca ñaña y ñucallami na chaipi caita usharcanchi. Chaimi paimanda na despedirita usharcanichu yashpa culpable sintirijurcani” (Adriana).

 “Shuj cusahuarmimi accidente de transitopi huañurca. Y paicunaca ñucanchi familiapaca alipacha amigocunami carca. Paicuna huañushca jipaca, ñuca familiamanda pipash huasimanda llujshijpica paicunapash huañungami yashpami manllai yalin carcani” (Jared).

 “Ñuca abuelitaca hace tres añosmi huañurca. Paihuanga ashtahuan tiempotami yalingapaj munaiman carcani. Pero na chaita rurashcamandami ninanda llaquiyani” (Julianna).

 Pipash huañujpi culirana, culpable sintirina, manllana, llaquilla sintirina y na crinapash normal sentimientocunami can. Shina sintirishca cashpaca chai sentimientocuna asha asha yalinataca ama cungapanguichu. Shinapash chai sentimientocunahuanga ¿imatashi ruraita ushangui?

 Shuj amigohuan parlai. Bibliapi nishcashnaca shuj verdadero amigoca llaqui tiempocunapica huauqui propiotapash yalimi ayudan (Proverbios 17:17). Imashina sintirishcata shuj amigohuan parlanaca ashtahuan tranquilo sintirichunmi ayudanga.

 “Pipash huañujpi llaquilla sintirinaca normalmi can. Shina situacionbica sololla cangapami talvez munapangui. Pero sololla cashpaca ninanda llaquiyashpami shuj yana yana ucupishna sintiringui y cai situacionga nunca na mejorangachu yashpami pensangui. Ama shina sintirijungapami mejor shuj amigohuan parlana cangui” (Yvette).

 Huañushca familiarta o amigotaca ama cunganguichu. Bibliapica ninmi “el hombre que es bueno” o ali shungu gentecunaca “en su corazón tiene un tesoro de bondad” nishpa (Lucas 6:45, Nueva Biblia al Día). Chai personahuan imatalla rurashcata yarishpami shuj cuadernogupi anotaita ushapangui y hasta fotocunatapashmi pegaita ushangui.

 “Ñuca amigo causajushpa imatalla yachachishcatami shuj cuadernopi escribircani. Shinami paimanda imata yachajushcataca nunca na cungasha. Chaicunata escribinaca ama yapa llaquilla cachunmi ayudahuarca” (Jeffrey).

 Canba saludta cuidangui. Bibliapi nishcashnaca ejerciciota ruranaca alimi can (1 Timoteo 4:8). Sano micunacunata micunata, ejerciciota ruranata y suficienteta samanataca ama cungapanguichu.

 “Shuj familiar o amigo huañujpica imata ruranatapash na atinarinllu. Chaimi huaquinbica na cuenta japishpallatami micuitapash na micurin y puñuitapash na suficienteta puñurin. Shinami asha asha ñucanchi saludta descuidanchi” (María).

 Shujcunata ayudangui. Bibliapica ninmi: “Imagutapash carashpami, carajpi japishcatapash ashtahuan yalita cushijurin” (Hechos 20:35).

 “Shina situacionda yalinajuj huauquipanicunata ayudanaca, shujcunapash shinallata sufrinajushcata cuenta japichunmi ayudanga” (Carlos).

 Imasha sintirishcata Jehová Diosman parlangui. Bibliapi nishcashnaca Jehová Diosca ñucanchi mañashcacunataca uyanmi (Salmo 65:2). Shinallata Jehova Diosca “shungu faquirishcacunataca, paimi alichin. Chugricunatapash huatachishpami alichin” (Salmo 147:3).

 “Jehová Diostaca animota charichun ayudahuai nishpa mañangui. Porque llaqui punllacunapash y cushilla punllacunapashmi tianga, pero Jehová Diosca siempremi ayudangapaj listo canga” (Jeanette).

 Canhuanllata pacienciata chariringui. Pipash huañujpica cada personami diferenteta reaccionan. Por ejemplo, Bibliapi nishcashnaca Jacobca paipa churi huañushcami yashpa llaquilla cashpapash, paita cushichichunga na saquircachu (Génesis 37:35). Shinaca pipash huañushcamanda llaquilla cashpa na jaicata recuperarita ushashpaca ama desesperarichu.

 “Ñuca abuelita ña 15 añosta huañushca cajpipash imapash cosascunata ricushpaca paita yuyarinirami” (Taylor).

 Por ejemplo, shuj tulluta quibirijpica ninandami nanan y chai tulluca unaipimi ali tucun. Chaimi doctorca ali tucungacamanga cuidarinami cangui, na imatapash rurajunachu cangui nishpami mandanga.

 Shuj familiar o amigo huañujpica tulluta “quibirishca” cuentami can. Chaimi chai llaqui llaqui sentimientocuna yalichunga tiempo minishtirin. Chaimandami pacienciata charirina cangui. Cai temapi tiashca yuyaicunamanda maijan canda ashtahuan ayudaita ushashcata ricupangui.