Elaine shuti shuj jovenga cashnami nin: “Ñucapa compañerocuna redes socialespi ashtaca seguidorcunata charijta ricushpaca: ‘Guau nishpami pensan carcani’. Chaita ricushpami envidiai callarircani”.

 ¿Canbash chashnallatachu sintirishcangui? Shina pensajujpica cai temapi yachachishcacunami redes socialespi rijsishca tucuna munaipi ama urmachun ayudapanga.

•  ¿Ima llaquicunamanda apai ushan?

•  “Rijsishcami can yashpa pensachunmi munan”

•  Redes socialespi seguidorcunata charina, imapash fotocunata publicajpi “me gusta” nishcacunata charinaca ¿mashna importanciatata charin?

•  Yangata humildeshnalla ricurinamanda cuidaringui

 Proverbios 22:1​pica “Alicachi tucunaca, ninan charij canatapash ashtahuan yali alimari” ninmi. Bibliapi nishcashnaca shujcunapa ñaupapi ali ricuringapaj munanaca alimi can.

 Pero shinapash shujcunapa ñaupapi rijsijca o famoso cana munaita yapata charinaca peligrosomi caita ushan. 16 añosta charij Onya shuti jovenga cashnami nin:

 “Huaquingunaca rijsishca tucungapaj munaimandallami escuelapa segundo pisocunamanda saltashca”.

 Famoso o rijsishca tucungapaj munaimandami peligroso cosascunata rurashpa grabashpa videocunataca redes socialcunapi churan. Por ejemplo shuj jovengunaca capsulapi rurashca detergentecunatami tragashpa videocunapi publicashca carca. Cai detergentecunaca gentecunapaca nalipachami can. Chaimandami pipash chaitaca na rurana can.

 Bibliapica ninmi: “Jariyanamandallaca na imatapash ruranachu capanguichi” (Filipenses 2:3).

 Caipi pensaripai:

•   ¿Redes socialespi rijsishca o famoso canaca quiquinbaca ninan importantechu can?

•   ¿Shujcunapa ñaupapi rijsishca tucungapaj munaimandallachu quiquinba causaita peligropi churapanguiman?

 Ciertomi can rijsishca tucungapaca na tucuicunachu peligroso cosascunataca ruran. 22 añosta charij Erika jovenga shujcuna imata rurajtami parlan:

 “Huaquinguna paicunapa causaipi imatalla rurashcacunataca tucuitami publicashpa yalin. Paicunaca ashtaca amigocunatami charinchi y paicunahuan siempremi yalinchi yashpa pensachun munan. Rijsishcami can yashpa pensachunmi munan”.

 15 añosta charij Cara shuti jovenga, gentecunaca shujcunata engañangapallami cierto cashcatashna crichun montajecunata rurashpa publican ninmi:

 “Huaquingunaca huasipi cashpatami shuj fiestapi cashcashna fotocunata llujchishpa churan”.

 22 añosta charij Matthew shuti jovenga paipashmi cashna parecidotalla rurashcata parlan:

 “Monte Everestman nunca na rishca cashpatami chaipi cashcatashna fotota llujchishpa redes socialpi churarcani”.

 Bibliapica ninmi: “Tucuipi honrado cangapapashmi munapanchi” (Hebreos 13:18).

 Caipi pensaripai:

•   ¿Quiquinga imaurapash rijsishca tucungapaj munaimandallachu imapash na cierto cajpita imatapash redes socialpi churapashcangui?

•    ¿Redes socialcunapi publicashca, comentashca cosascunaca quiquin shuj ali persona cashcatachu ricuchin?

 Ashtacacunami redes socialespi famoso o rijsishca cangapaca ashtaca seguidorcunata charina y ashtaca “me gusta” nishcacunata charinami minishtirin yashpa pensan. Matthewpashmi chashnallata pensan carca:

 “Shujcunataca ¿mashna seguidorcunatata charingui? nishpami tapun carcani. O ‘me gusta’ nishcacunataca ¿mashnacamanda charishcangui? nishpami tapun carcani. Ashtahuan seguidorcunata charingapaj munaimandami na rijsij gentecunapa seguidor tucun carcani. Redes socialespi shuj gentecunata ricujushpallatami ashtahuan ashtahuan rijsishca o famoso tucungapaj ninanda munai callarircani” ninmi.

 25 añosta charij Mariaca, mashna seguidocunata charishcata ricushpa,“mashna ‘me gusta’ nishcacunata charishcata ricushpami ñuca imashinapacha cashcataca yachai ushani” ninmi:

 “Shuj joven huarmigu paillata fotota tomarishpa publicajpi ‘me gusta’ nishcacunata na yapa churajpica paica na juyaillaguchu cani yashpami pensan. Shinapash chaica na shinachu can ashtacacuna shinallata pensai ushana cajpipash, paimandallatami shujcuna paita nalicachishpa rimachun saquijun”.

 Bibliapica ninmi: “Na alabarijunachu capanguichi. Porque alabarinajushpaca, caishujman chaishujmanmi mishana yuyaicunata yachachishun y ñucanchipurapashmi envidiarinajushun” (Gálatas 5:26).

 Caipi pensaripai:

•   Redes socialcunata utilizashpaca ¿shujcunahuan compararinatachu yachapangui?

•    ¿Ali amigocunatalla redes socialpi charinapa randica mashna seguidorcunata charinamandachu ashtahuan preocuparingui?