Taita Diosca punda tiempo Israel llactamanmi ashtaca leycunata curca. Chai leycunamanda huaquin leycunatami Diez Mandamientos nin. Diez Mandamientostaca Diez Palabras nishpapashmi rijsinata yachan. ¿Imamandata shina ninata yachan? Hebreo idiomapi ʽaseʹreth had·deva·rimʹ palabracunatami Diez Palabras nin. Diez Palabras shimicunaca, Pentateuco o Torá nishcapica quimsa viajemi ricurin. Bibliapa primero 5 librocunatami Pentateuco nin (Éxodo 34:28; Deuteronomio 4:​13; 10:4). Cutin griego idiomapica deʹka (diez) loʹgous (palabras) shimicunami tian. Chai shimicunamandami Decálogo palabraca tian.

 Taita Diosca ishcai tabla rumicunapimi, Diez Mandamientoscunata escribirca. Chai jipami chai ishcai tabla rumicunataca, paipa profeta Moisesman Sinaí urcupi curca (Éxodo 24:12-​18). Tabla rumipi escribishca shimicunaca Éxodo 20:​1-​17​pi y Deuteronomio 5:​6-​21​pimi tiajun.

•  Diez Mandamientospa lista

•  ¿Imamandata Diez Mandamientospa listaca shuj shuj tian?

•  ¿Imapata Diez Mandamientospi leycunaca sirvirca?

•  ¿Cristianocunaca Diez Mandamientospi leycunata cumplinachu can?

•  ¿Cunangamanllu Diez Mandamientospi leycunaca sirvijun?

•  Diez Mandamientoscunamanda llujshishca Nuevo Testamentopi tiajuj ali yuyaicuna

1.   Solo Jehová Diostallami adorana cangui (Éxodo 20:3).

2.   Santocunataca na adorajunachu cangui (Éxodo 20:​4-6).

3.   Taita Diospa shutitaca na sin respeto utilizanachu cangui (Éxodo 20:7).

4.   Sábado punlla sagrado cashcataca yarinami cangui (Éxodo 20:​8-​11).

5.   Canba taitata, mamataca respetanami cangui (Éxodo 20:12).

6.   Na huañuchinachu cangui (Éxodo 20:13).

7.   Cazarashca jahua na shujhuan canachu cangui (Éxodo 20:14).

8.   Na shuanachu cangui (Éxodo 20:15).

9.   Pipa contrapash llullacunataca na nijunachu cangui (Éxodo 20:16).

10.   Na munashpa ricujunachu cangui (Éxodo 20:17).

 Bibliapica, cada mandamiento ima numeropi tiajunataca na nijunllu. Chaimandami huaquingunaca, shuj shuj ordenbi mandamientocunataca churanata yachan. Cada mandamiento ima numeropi tiajuna cashca cajpipash, ñaupaman tiajuj listami ashtahuan rijsishca can. Ashtahuanbachaca, Diez Mandamientospa primero, segundo y último mandamientotami shuj shuj ordenbi churanata yachan. a

 Moisesman Cushca Leypica, más de 600 mandamientocunami tiarca. Chai mandamientocunamanda huaquin mandamientocunatami Diez Mandamientos nin carca. Chai más de 600 mandamientocunapimi Taita Dioshuan, Israel llactahuan de acuerdo quidashca tratocuna o pactocuna tiashcata ricuchijurca (Éxodo 34:27). Taita Diosca, Moisesman Cushca Leyta cazushpaca, alimi causanguichi nishpami israelitacunamanga prometirca (Deuteronomio 28:​1-​14). Pero, na solo israelitacuna ali causachunllachu Leytaca curca. Sino shamuna nishca Mesiasta o Cristota chasquingapaj listo cachunmi, Taita Diosca israelitacunaman Leyta curca (Gálatas 3:​24).

 Na. Taita Diosca Moisesman Cushca Leytapash y chai Leypi tiajushca Diez Mandamientostapashmi punda tiempo israelitacunaman curca (Deuteronomio 5:​2, 3; Salmo 147:19, 20). Cristianocunaca Moisesman Cushca Leyta pactachina obligaciondaca na charinchichu. Ni judío cristianocunapash, Moisesman Cushca Leyta pactachina obligaciondaca na charinllu. Porque Bibliapica “ñami Leymandaca libre quidashcanchi” nijunmi (Romanos 7:6). b Moisesman Cushca Leytaca “Cristopa leymi” reemplazarca. Pero, Cristopa leyca ¿imata can? Jesuspa tucuilla yachachishcacunata y paipa discipulocunaman Jesús imata mandashpa saquishcatami Cristopa ley nin (Gálatas 6:2; Mateo 28:19, 20).

 Ari. Diez Mandamientospash Jehová Dios imata pensashcatami ricuchijun. Chaimandami Diez Mandamientos nishcata estudianaca alipacha can (2 Timoteo 3:​16, 17). Diez Mandamientocunaca, ali yuyaicunatami shuj ali sapigutashna charin. Chai ali yuyaicunaca nunca na cambiangachu, siempremi ali canga (Salmo 111:​7, 8). Ashtahuangarin, chai ali yuyaicunami Nuevo Testamentopaca shuj ali sapishna can (“ Diez Mandamientoscunamanda llujshishca Nuevo Testamentopi tiajuj ali yuyaicuna” nishca listata ricupangui).

 Jesusca yachachircami, ishcai importante mandamientocunami Moisesman Cushca tucuilla Leypapash y hasta Diez Mandamientospapash shuj sapishna can nishpa. Jesusca nircami: “‘Canba Taita Dios Jehovataca canba tucui shunguhuan, canba tucui causaihuan canba tucui yuyaihuanmi juyana cangui’ nirca. Chai mandamientomi ashtahuan importante, primer mandamiento can. Cati mandamientopash cashnami nijun: ‘Canba projimotaca can juyarinshnallatami juyana cangui’” nishpa (Mateo 22:34-​40). Chaimi cristianocunaca, aunque Moisesman Cushca Leyta pactachina obligacionda na charishpapash, Taita Diosta y shuj gentecunataca maimanda juyana capanchi (Juan 13:34; 1 Juan 4:​20, 21).