Taita Diosca cunanbi desastres naturalesmandaca nimata na ricunata charinllu. Chaipa randica, gentecuna cai llaquicunata charishcamandami Taita Diosca ninandami preocuparin. Cai desastres naturalescunaca tucuicunatami ninanda llaquichin, shinapash Diospa Reinollami cai llaquicunataca tucuchigrin. Chai bendicionguna chayamungacamanga, Taita Diosca ñucanchitaca cuidashpa, ayudashpami catijun (2 Corintios 1:3).

•  Desastres naturalescuna Taita Diospa castigo na cashcataca ¿imashpata seguro cai ushanchi?

•  ¿Desastres naturalescunaca tucurimui punllacunapi causajushcatachu ricuchin?

•  Taita Diosca desastres naturalescunapi llaqui apashcacunataca ¿imashinata ayudan?

•  ¿Bibliaca desastres naturalescuna nara tiajpillata alichirishca cachun ayudai ushanllu?

•  Desastres naturales llaqui apashcacunata ayudangapaj Bibliapa textocuna

 Bibliapica Taita Diosca paipa rurashcacunata utilizashpa shujcunata llaquichishcata ninmi, shinapash desastres naturalescunahuan ricujpica diferentemi can. ¿Imashpa?

•   Desastres naturalescunaca tucui gentecunatami llaquichin. Bibliapica ninmi: Jehová Diosca paipa rurashcacunata utilizashpami nali gentecunata tucuchirca, shinapash ali gentecunataca na llaquichircachu. Ricupashun, Taita Diosca Sodoma y Gomorra llactacunata ninahuan, azufrehuan tucuchirca, shinapash Lot, paipa ishcai ushicunataca salvarcami. ¿Imashpa? Paicunaca ali gentecunami carca (Génesis 18:23-32; 1 Samuel 16:7).

•   Desastres naturalescunaca na yashcapimi jaicata llaquichin. Shina cajpipash, Taita Diosca nali gentecunata nara tucuchishpallatami con tiempo villan imata ruragrijushcataca. Taita Diosta cazuj gentecunaca salvarircami (Génesis 7:1-5; Mateo 24:38, 39).

•   Huaquin desastres naturalescunaca gentecunapa culpamandami tiashca. ¿Imashna? Cai alpata na cuidashpa mapayachishcamanda, yacu manñacunapi, urmanalla pushtucunapi huasichimandami cai llaquicunaca tiashca (Apocalipsis 11:18). Gentecuna shina rurashcamanda Taita Diosca na culpable canllu (Proverbios 19:3).

 Ari. Bibliapa profeciacunaca “tucurimui punllacunapi” causajushcatami ricuchin. Desastres naturalescuna tianatami nishca carca (Mateo 24:3; 2 Timoteo 3:1). Por ejemplo, ñucanchi tiempota parlashpaca Jesusca cashnami nirca: “Ninan yarjaipashmi tianga. Terremotocunapash shuj shuj pushtucunapimi tianga” nircami (Mateo 24:7). Taita Diosca ñallami tucui llaquicunata, sufrimientocunata tucuchinga, shinallata desastres naturalescunatapash (Apocalipsis 21:3, 4).

•   Taita Diosca Bibliahuanmi cai llaqui apashcacunataca ayudan. Bibliapica ninmi: Paita sirvijcunamandaca Taita Diosca ninandami preocuparin, shinallata ñucanchicuna sufrijujpica paipashmi sufrin (Isaías 63:9; 1 Pedro 5:6, 7). Shinallata Taita Diosca ninmi: Tucui desastres naturalescunata para siempremi tucuchigrin (“ Desastres naturales llaqui apashcacunata ayudangapaj Bibliapa textocuna” recuadrota ricupai).

•   Taita Diosca paita sirvijcunahuanmi shujcunata ayudan. Bibliapa profeciacunapica Jesusca ‘shungu faquirinshna llaquirijcunata, shinallata ninanda sufrinajujcunata consolanga ña nishca carca’ (Isaías 61:1, 2). Cunanbipashmi Jehová Diosta sirvijcunaca Jesuspa ejemplota catishpa shujcunata consolan (Juan 13:15).

   Taita Diosca desastres naturalescuna llaquichishcacunata ayudangapami paita sirvijcunata utilizan (Hechos 11:28-30; Gálatas 6:10).

 Ari.Bibliaca desastres naturalescuna chayamunata o na chayamunata ricuj libroca na canllu, shinapash Bibliaca ayudai ushanmi preparado cachun. Ricupashun:

•   Desastres naturales nara llaquichijpillata preparado cashun. Bibliaca ninmi. Ali yuyaita charij runaca, ima llaqui japinata ricushpaca pacajunmi (Proverbios 22:3). Imapash nara pasajllapita preparadomi cana canchi. Imapash minishtirishcaguta apangapaj quiquinba familiahuan listomi charina canguichi, shinallata shuj desastre tiajpi huasipi cashpaca maita llujshinata, maipi tuparinata yachanami canguichi. Chaipa jipaca cai arreglocunata ensayai ushanguichi.

•   Imata charishpapash causaimi ashtahuan importante cashcataca intindinami canguichi. Bibliaca ninmi: “Porque [...] nimata na apamurcanchichu y huañushpapash nimata na apashpa rishunllu” (1 Timoteo 6:7, 8). Causaita salvangapaca huasitapash o imata charishcacunatapash saquishpami rina canchi. Imata charishcacunatapash causai ashtahuan importante cashcataca intindinami capanchi (Mateo 6:25).