Bibliataca Sagradas Escrituras nishpapashmi rijsin. Pero Bibliaca sabiduriata charij ashtaca librocunallaca na canllu. Sino ‘Taita Dios escribichishca shimi’ can (2 Timoteo 3:16). Taita Diosllata escribichishca libro cashcataca Bibliapillatami nijun. Taita Dios escribichishca libro cashcata seguro cangapaca, ashtaca pruebacunatami charipanchi. Huaquin pruebacunata ricupashun:

•   Punda tiempopi pasashca cosascunamanda parlashpaca, Bibliaca cabaltami nin. Chaimi, Bibliaca na cabalta nijushcachu nishpaca nipi na imatapash nita ushan.

•   Bibliata escribishca gentecunaca, nimata na pacashpami escribirca. Hasta paicunapa falta rurashcacunatapash na pacarcachu. Bibliata escribijcuna nimata na pacashpa escribishcamandami, Biblia cabalta nijushcataca confiaita ushapanchi.

•   Bibliapica callari libromanda último librocamanmi, gentecunata Taita Dioslla mandana derechota charishcata y cai alpa Taita Dios munashcashna paipa Gobierno mandajpi shuj paraíso alpagu tucunata nijun.

•   Bibliata escribi callarishca punllamanda cunangamanga ñami mashnachari mil huatacuna yalishca. Aunque Bibliata escribishca tiempopi gentecuna, científico cosascunamanda pandacunata crijpipash, Bibliaca nunca na pandarircachu.

•   Bibliapi ashtaca profeciacuna pactarishcataca, historia librocunapi, documentocunapimi comprobaita ushapanchi.