Bibliapica, yahuarta micunaca prohibidomi can ninmi. Chaimi cristianocunaca yahuartaca na micuna capanchi. Shinalla, transfusión de sangreta rurashpa yahuarta churachunbash na aceptanachu capanchi. Ni yahuarmanda llujchishpa glóbulos rojos, glóbulos blancos, plaquetas y plasma nishcatapash na aceptanachu capanchi. Cati textocuna imata nijta ricupashun:

•   Génesis 9:4. Ninan Manllanai Tamia tiashca jipami, Taita Diosca Noeta y paipa familiata yahuarta micuchun permitishpapash shuj prohibicionda churarca. Taita Diosca “solo yahuarhuan aichatallami na micuna canguichi” nishpami paicunataca mandarca. Tucui gentecunami Noemanda, Noepa huahuacunaman shamunchi. Chaimandami tucui gentecunallata, Noeman Taita Dios imata mandashcataca cazuna capanchi.

•   Levítico 17:14. Chai textopica “maijan aichamanda yahuartapash, na micuna canguichi. Yahuarta maijambash micushpaca, Israel puramanda anchuchi tucungami” nijunmi. Taita Diospa ricuipica, causaica yahuarpimi can. Causaica Taita Diospami can. Aunque chai leyta israelitacunaman cushca cajpipash, chai leypimi Taita Diospa ricuipica yahuarca importantepacha cashcata yachajupanchi.

•   Hechos 15:20. Taita Diosca cristianocunataca “yahuarmandaca jarcaritapachami jarcarina canguichi nishpami” mandarca. Imatami Noeman mandarca, chaitallatami cristianocunamanbash mandarca. Primero cristianocunaca, yahuartaca na micunllu carca, ni jambipa nishpallapash na yahuartaca ocupanllu carca.

¿Imamandata Taita Diosca yahuarmandaca jarcaritapachami jarcarina canguichi nin?

 Medicina partepica ashtaca pruebacunata rurashpami transfusión de sangreta rurashpa yahuarta churarijpica, gentecunapa saludta afectajta ricushca. Chaimandami yahuar transfusionda na aceptanaca ali can. Pero ashtahuanbachaca, yahuarmandaca jarcarinami canguichi nishpa Taita Dios mandashcamandami yahuarmandaca jarcarinchi. Yahuarca Taita Diospaca sagradomi can (Levítico 17:11; Colosenses 1:20).