Bibliapica pornografiamanda, cibersexomanda o chashna ruraicunamanda directoca na parlajunllu. Shinapash ima cosascunata ricuimanda cadano jarihuan o huarmihuan relaciones sexualesman yachajta o relaciones sexualesmanda nalicunata pensai callarishcataca claritomi Bibliapica nijun. Shinaca Bibliapa cai cati textocunata ricupashun:

•   Colosenses 3:5​pica ‘quiquingunapi tiashca huainayana juchata rurana munaicunata, millanai ruraicunata jarihuan huarmihuan cana ansia munaicunataca huañuchinami capanguichi’ ninmi. Pornografiata ricushpaca chai nali munaicunataca na huañuchinajunchichu. Pornografiaca chai nali munaicunatami ashtahuan ashtahuanmi mirachin. Pornografiata ricuna munaicuna shamujpi, chai munaicunata na rechazashpaca Taita Diospa ñaupapica mapami ricurishun.

•   Mateo 5:28​pica “pipash shuj huarmita munashpa ricujushpaca, ñami paipa shungupica chai huarmihuan pecadopi urmashca” ninmi. Pornografiapi lluchulla jaricuna o huarmicuna imacunatapash ruranajujta ricushpaca, ñucanchi shungupi nali munaicuna yaicujpimi, jipamanga relaciones sexualescunaman chayaringa.

•   Efesios 5:3​pica ‘huainayana juchamanda, imapash millanai ruraicunamanda, imatapash ansia charinacunamandaca ni shuj shimitallapash na parlanajunachu capanguichi’ ninmi. Shinaca, mapa ruraicunamanda parlashpa purijuna na ali cajpica ¿nachu pornografía cosascunata ricujuna o liijunaca na ali canman?

•   Gálatas 5:19-21​pica, ‘nali munaicunaca caicunami can, huainayana jucha, millanai ruraicuna, y shuj chashna nali cosascunata ruranami nali munaicuna can. Punda advirtishcashnami cutin nijupani, caicunata rurajcunaca Taita Diospa Gobiernota herenciatashna japitaca na ushangachu’ nijunmi. Imashinami pornografiata ricujcunaca Taita Diospa ñaupapica mapa ricurin, shinallatami cibersexota, sexo telefonicota o sexteota practicajcunaca Taita Diospa ñaupapica mapa ricurin. Chai cosascunata ricuna costumbreta charishpaca, Taita Diospa aprobaciondaca na charishunllu.