Bibliapica caitami yachachin

 Profeta Danielca judiomi carca. Paica Jesús cai alpaman shamungapaj 600 huatacuna faltajpimi causarca. Danielmanga Taita Diosca muscuicuna ima cashcata yachachunmi ali yachaita curca, shamuj punllacunapi ima pasana muscuicunatapashmi Danielmanga ricuchirca. Shinallata paipa shutita charij Bibliapa librotapash escribichunmi paipa espiritu santota cushpa Taita Diosca ayudarca (Daniel 1:17; 2:19).

Danielca ¿pita carca?

 Danielca Judá llactapimi viñarca. Judá llactaca, Jerusalén llactapi y judiocunapa tiaj templo llactapimi carca. Jesús cai alpaman shamungapaj 617 huatacuna faltajpimi Babiloniamanda Rey Nabucodonosorca Jerusalén llactata misharca. Chaimi Jerusalén llactamanda importante jaricunataca Babilonia llactaman aparca (2 Reyes 24:15; Daniel 1:1). Chai tiempopi Daniel joven cajpipashmi Jerusalén llactaman apashca.

 Danielta, Sadracta, Mesacta, Abednego shuti jovengutaca Reypa palaciomanmi alipacha yachachingapaj shinallata Reypa trabajachun aparca. Babilonia llactapi paicunata nalita rurachun atichinajujpipash Daniel y paipa quimsa amigocunapash siempremi Jehová Diosta cazushpa catirca (Daniel 1:3-8). Quimsa huatacuna yalishca jipami Rey Nabucodonosorca Danielta, Sadracta, Mesacta y Abednegotapash alipacha yachajushca cashcamanda felicitarca. Paicunataca “pai mandajuj llactapi tiaj tucui yachajcuna, luzerocunata ricujcuna tigrachishcatapash, chunga viajeta yali alipacha tigrachishcatami ricurca”. Chaimi Rey Nabucodonosorca Danielpash paipa quimsandi amigocunapash paita sirvichun decidirca (Daniel 1:18-20).

 Daniel 90 yali huatacunata charishpaca Reypa palacioman rina ordendami chashquirca. Chai tiempopica Belsasarmi Babilonia llactapa Rey carca. Pircapi escribishca letracuna ima cashcata villachunmi Danieltaca cayarca. Dios ayudajpimi Danielca Babiloniataca Medo-Persia llactami mishanga nirca. Chai shimicunaca chai tutallatami pactarirca (Daniel 5:1, 13-31).

 Medo-Persiamanda Reyca Danielmanga huaquin autoridadcunatami cungapaj munarca. Pero Darío runaca Danielmanga ashtahuan autoridadtami cungapaj munarca (Daniel 6:1-3). Chaimandami Reypa huasipi trabajaj huaquin jaricunaca ninanda envidiashpa Danieltaca leonguna tiaj utujupi shitangapaj munarca (Daniel 6:4-23). Angelcuna ishcai viajeta ricurishpami Danielmanga “canga ninanda juyai tucushca runami cangui” nirca (Daniel 10:11, 19).

 Danielpa causaimanda ashtahuan yachangapaj munashpaca “Danielca Taita Diospi tucui shunguhuanmi crirca” nishca videotami ricuita ushapangui.