Bibliapica Taita Diosca jipa punllacunapi tranquilo “ali causaiguta” o shuj esperanzatami carasha nin a (Jeremías 29:11). Bibliataca Taita Diosca “japigrinata yariajlla shuyanajunchumi” cushca (Romanos 15:4). Caipica Bibliapa consejocuna ama yapata llaquilla cachun imashina ayudajta shinallata Bibliapa promesacuna shamuj punllacunapi ali causai tianata crijchun imashina ayudajtapashmi ricupashun.

Caipica caitami yachajupashun:

•  Bibliaca ¿imashinata llaquicunata charijpipash aguantashpa catichun ayudan?

•  Bibliapica ¿ima esperanzatata tucuicunaman cun?

•  Bibliapa huaquin textocunami shamuj punllapi ali causai tianataca yachachin

 Bibliapa consejocunami llaquicunapi cajpipash chai llaquicunata aguantachun ñucanchi causaipi imata rurana cashcata yachachin. Biblia imashina ayudajta ricupashun.

•   Bibliapa consejocunata mascapai. Salmo 119:105​pica cashnami nin: “Cambaj Shimica, ñuca chaqui sarunata punchayachijuj lamparagushnami, ñuca ñanda punchayachijuj michagushnami”. Shuj funchayachigun michaguca ñucanchi ñaupapi cashca cosascunata aliguta ricuchunmi funchayachispa ayudan. Shinallata carupi tiashca cosascunata aliguta ricuchunbashmi funchayachin. Shinallatami Bibliapi tarishca consejocunaca cunanbi charishca problemacunata imashina alichina cashcata yachachun ayudan. Bibliapa consejocunami llaquicunata aguantachunga ayudan. Bibliapa yachachishcacunami “shungutaca cushichin shinallata shinlli tucunchubash” ayudan (Salmo 19:7, 8). Shinallata Bibliapica Taita Dios shamuj punllapi ali causaiguta carana cashcatapashmi yachachin. Shamuj punllapi ali causaigu tianata yachanami cushilla causachun ayudan.

•   Shujcuna ayudachun saquipai. Llaquicunata charishpaca huaquinbica ñucanchi familiamanda, ñucanchi amigocunamandami caruyanchi. Shinapash Biblia nishcashnaca shujcunamanda caruyashpaca nali decisiongunata japishpami llaquipi urmaita ushanchi. Ñucanchi amigocunami problemacunata charijpica consejocunata cushpa ayudaita ushan (Proverbios 18:1). Shinallata problemacunata charijpi ama yapata llaquirichunbash ayudan (Proverbios 11:14). Na cashpaca cusilla shimicunata nishpami animaita ushan, shinami llaquicunata charishpapash chai llaquicunata aguantashpa ñaupaman catichun ayudaita ushan (Proverbios 12:25).

•   Taita Diosta mañapai. Bibliapica cashnami nin: “Llasha quipishna cambaj llaquitaca, Jehová Diosman saquilla. Paica ayudangallami. Imatapash cashcatapacha rurajtaca, na tucui causaipi llaquita apajuchun saquingachu” b (Salmo 55:22 TNM). Jehovataca ‘japigrinata yariajlla shuyachun caraj Taita Dios’ nishpapashmi rijsi (Romanos 15:13). Taita Diosta mañajushpaca ima llaquicunata charishpapash paimanmi mingashpa saquita ushapangui. Taita Diosca quiquinmandaca preocuparinmi (1 Pedro 5:7, nota). Bibliapica ninmi: Taita Diosta mañajpica Taita Diosca “shinlliyachishpa, ninan ushaitapash carashpa, pipash na anchuchinallapi churanga” ninmi (1 Pedro 5:10).

•   LLaquicunata charishpapash shamuj punllapi ali causai tianata shuyashpa catipai. Taita Diosca Bibliapica cashnami nin: “Ashtahuangarin ñucata uyashpaca, imatallapash na manllashpami causanga. Ima llaqui japinatapash na manllashpa, aligutami causanga” (Proverbios 1:33). Australia llactamanda Margaret huarmigupa huasitaca ninanda huairahuan tamiashpami aparca. Shinapash chingashca cosascunapi yapata preocuparingapa randica cosascunaca imaurapash tucurinlla cashcatami chai huarmiguca yachajurca. Chai huarmiguca llaqui apashca jipaca amigocunahuan, familiahuan, Taita Dioshuan ali cana cashcatami yachajurca shinallata Bibliapi jipapunllacunapi ali causaigu tianatapashmi yachajurca (Salmo 37:34; Santiago 4:8).

 Bibliapica shamuj punllacunapi ali causaigu tianatami yachachin. Cunan punllacunapi achica llaquicunata ricushpami ña tucurimui punllacunapi causajushcata cuenta japinchi. Ñallami Taita Diosca cunanbi tiashca llaquicunataca tucuchinga (2 Timoteo 3:1-5). Cai llaquicunataca Taita Diosca paipa gobiernohuanmi tucuchinga (Daniel 2:44; Apocalipsis 11:15). Jesusca Taita Diosta mañanata yachachijushpaca paipa taitapa gobiernopimi pensarirca. Chaimi cashna nirca: “Quiquinba gobiernoca mandai callaripachun. Quiquinba munaica cai alpapipash pajtaripachun” (Mateo 6:9, 10).

 Taita Dios gentecuna imashna causachun munashcataca Bibliapimi yachachin. Taita Diospa gobierno ima llaquicunatalla tucuchirinata ricupashun:

•   Ashtahuan yarjaipash na tiangachu. “Alpapica, granoca fucungami” (Salmo 67:6).

•   Unguicunapash na tiangachu. “Chaipi causajcunaca, pipash na: “Ñucaca huañujunimi” ninajungachu” (Isaías 33:24).

•   Huañupash na ashtahuan tiangachu. Taita Diosca gentecunamanga ninmi: “cangunapa ñavimandaca, tucuilla viquita fichasha. Huañuipash, huacaipash, llaquipash, nanaipash, na ashtahuan tiangachu. Punda ima tiashcapash illangami” (Apocalipsis 21:3, 4).