Na, na adoranachu capanchi. Israelitacunaman Taita Dios cushca leycunamanda parlashpami shuj católica enciclopedia libropica cashna nin: “Taita Diosta adorangapaca imapash imagengunata, santocunataca na adorana cashcatami Bibliapica ricuchin” ninmi (New Catholic Encyclopedia). Caimanda Bibliapi imata nijta ricupashunchi.

•   Éxodo 20:4, 5​pica cashnami nin: “Imaman rijchajcunatapash ama ruranguichu. Jahua pachapi, cai pachapi, alpa ucupi, alpa ucu yacupi tiajcunaman rijchajtapash, ama ruranguichu. Chaicunataca ama cunguringuichu, alicachitallapash ama alicachinguichu. Ñucami, canda Mandaj Taita Dios cani. Ñucaca, ninan ushaita charij, ñucapajlla cachun munaj Diosmi cani” ninmi. Cai textopica Taita Diosca paitalla adorachun exigij Dios cashcatami ricuchin. Chaimandami imapash imagengunata, pinturacunata, santocunata, idolocunata adorachunga na munan.

•   Isaías 42:8​pica Taita Diosca cashnami nin: “Ñucatashna pitapash adorachunga na munanichu. Maquihuan rurashca santocunatapash ñucatashna alabachunga na saquishachu” ninmi (Traducción del Nuevo Mundo Biblia). Taita Diosca paita adorangapaca imapash santocunata utilizachunga na munanllu. Por ejemplo israelitacuna Taita Diosta adorangapaj nishpa orohuan rurashca shuj shicuta rurajpimi, Taita Diosca israelitacunataca cangunaca “jatun nali pecadotami” rurashcanguichi nircami (Éxodo 32:7-9, La Palabra de Dios para Todos).

•   Hechos 17:29​pica cashnami nin: “Taita Diosca orohuan, culquihuan, o imapash rumihuan rurashcami can nishpaca na pensana capanchi. Shinallata, Taita Diosca gentecunapa pensamientolla maquihuan rurashcami can nishpapash na pensanachu capanchi” ninmi. Cai mundopi gentecunaca paicunapa pensashcatalla catishpami “Diostaca” “gentecuna rurashca” santocunahuan, imagengunahuan adoranajushca. Pero ciertopacha cristianocunaca Bibliapi nishcashna “imata crishcata catishpami causapanchi. Y na ñucanchi ñavi imata ricushcatalla catishpaca causapanchichu” (2 Corintios 5:7).

•   1 Juan 5:21​pica “santocunataca rechazanami capanguichi” nishpami mandan. Bibliapica israelitacunaman y primer cristianocunaman Taita Dios ima leycunatalla cushcatami ricupanchi. Chaicunata liishpami Taita Diosta adorangapaj imapash santocunata o shuj cosascunata utilizanaca panda yachachishcacuna cashcata cuenta japipanchi.