Apocalipsis libropi parlashca importante Babilonia llactaca, mundo enteropi panda religiongunatami ricuchijun. Chai religiongunataca taita Diosca na chasquinllu (Apocalipsis 14:8; 17:5; 18:21). a Masqui diferente, diferente religionguna cashpapash tucuilla panda religiongunallatami gentecunataca causaj Taita Dios Jehovata adoranamandaca caruyachin (Deuteronomio 4:35).

Importante Babilonia llacta cajtaca ¿imashinata cuenta japishun?

1.   lmportante Babilonia llactaca shuj comparacionllami can. Bibliapica “importante Babilonia” llactaca shuj “huarmi” cashcata, chai huarmica “culquimanda huainayaj famosa huarmi” cajta, shinallata “na intindi” ushanalla shutita escribishca cajtami nin (Apocalipsis 17:1, 3, 5). Apocalipsis libropica ashtaca comparaciongunami tian. Chaimandami Apocalipsis libropi shuj huarmimanda parlashpaca na huarmimandapacha parlajushcata más bien shuj comparacionlla cashcata cuenta japipanchi (Apocalipsis 1:1). Ashtahuangarin, “ashtaca yacucuna jahuapi tiajuj” huarmi ninmi. Yacucunaca, “ashtaca gentecunata, llactacunata, shuj shuj idiomata parlaj gentecunatami ricuchin” (Apocalipsis 17:1, 15). Maijan huarmipash yacu jahuapi tiajujtaca na ushanmanllu.

2.   lmportante Babilonia llactaca mundo enteropi shuj shuj organizaciongunatami ricuchin. Cai organizaciongunataca ‘cai alpapi tucuilla reycunata reinashna mandajuj jatun llacta’ nishpami rijsin (Apocalipsis 17:18). Shinaca, cai importante Babilonia llactaca mundo enteropimi imapi cashpapash pandachijun.

3.   Importante Babilonia llactamanda parlashpaca na política partemanda o negocio partemanda parlaj organización cashcataca nijunllu. Ashtahuangarin religión parte cajtami nijun. Punda tiempopi Babilonia llactaca taita Diosman nishpa ashtaca costumbrecunatami charin carca, chai llactaca brujería cosascunata y shuj shuj nali cosascunata rurashcamandami rijsishca carca (Isaías 47:1, 12, 13; Jeremías 50:1, 2, 38). Chai Babilonia llactapica, na Jehová Diostaca adorarcachu, más bien yanga dioscunatami adorarca (Génesis 10:8, 9; 11:2-4, 8). Babilonia llactapi mandajcunaca, orgullosocunami carca. Paicunaca Jehová Diostapash yali cashcata pensashpami Jehová Diosta adoranataca nimamanda na alicachin carca (Isaías 14:4, 13, 14; Daniel 5:2-4, 23). Cunanbipash, cai importante Babilonia llactaca brujería cosascunata rurashpami panda religiongunapa parte organización cashcata ricuchin (Apocalipsis 18:23).

    Importante Babilonia llactaca na politicapa organización canllu. ¿Imamandata shina nipanchi? Porque Bibliapica chai llacta llaquichi tucushcamandami cai “alpapi reycunaca” huacan nijunmi (Apocalipsis 17:1, 2; 18:9). Shinallata cai mundopi negociocunapa organizacionbash na canllu porque Bibliapica ‘cai alpapi negociantecunapash’ aparte cashcatami nin (Apocalipsis 18:11, 15).

4.   Importante Babilonia llactapa rurashcacunaca panda religionba parte cashcatami ricuchin. Panda religiongunaca Jehová Diosman gentecuna quimirichun ayudanapa randica yanga dioscunata adoranamanmi apan. Chashna ruraitaca Bibliapica yanga Dioscunahuan ‘huainayana’ jucha ninmi (Levítico 20:6; Éxodo 34:15, 16). Chai crishcacuna y ruraicunaca caicunami Trinidadpi crina, huañushca jipa alma causashpa catijta crina. Punda tiempo Babilonia llactapica yanga dioscunata adoranaca rijsishcami carca. Chai ruraicunaca cunangamanmi panda religiongunapa parte cashpa catin. Chai religiongunaca taita Diostami juyanchi ninmi shinapash cai mundopi Satanaspa ruraicunatami juyan. Bibliapica cai ruraicunataca yanga Dioscunahuan huainayana jucha nijunmi (Santiago 4:4).

    Bibliapica importante Babilonia llactaca “morado ropatapash puca ropatapash churajushcami carca” nijunmi. Shinallata “orohuan, juyailla rumicunahuan, perlas rumicunahuan arreglarishcami carca” nijunmi. Cashna nishcacunahuanmi, Importante Babilonia llactaca panda religiongunapa parte cashcata ricuchin. Paicunami charishca cosascunahuan jariyashca cashcata ricuchin (Apocalipsis 17:4). ‘Cai alpapi millanai mapa cosascuna’. Cai mapa cosascunaca Jehová Diospa ricuipi nali ruraicuna, panda yachachishcacunami can. Chai ruraicunaca importante Babilonia llactapa ruraicunami can (Apocalipsis 17:5). Shinallata Bibliapica “ashtaca gentecunata, llactacunata, shuj shuj idiomata parlaj gentecunatami” nishpaca Importante Babilonia llactata apoyaj, panda religionba parte gentecunamandami parlajun (Apocalipsis 17:15).

 Bibliapica paicunamanda parlashpaca “cai alpapi tucuilla huañuchi tucushcacunamandaca chai llactami culpata charin” nijunmi (Apocalipsis 18:24). Ashtaca huatacunatami panda religiongunaca guerracuna tiachun, gentecuna shuj shuj nali cosascunata rurachun apoyashca. Shinallata juyaj taita Dios Jehovamanda gentecunaman yachachinapipash na pactachishcachu (1 Juan 4:8). Shinami ashtaca huañuiman apashca. Chaimandami Jehová Diospa ñaupapi ali ricuringapaj munashpaca panda religionmandaca anchurina can (Apocalipsis 18:4; 2 Corintios 6:14-17).