Limpio cana nishpaca nali ruraicunamanda caruyana cashcatami ningapaj munan. Hebreo shimimanda “santo” shimita traducishpaca “caruyana cashcatami” ningapaj munan. Chaimandami santo o limpio ruraicunaca, mapa ruraicunahuanga na chapurin.

 Taita Diosllami santo can. Chaimandami Bibliapica: “Jehová Dioslla canshna jucha illa o santoca pipash na tianllu” ninmi (1 Samuel 2:2 La Biblia, Traducción del Nuevo Mundo). a Chaimandami Jehová Dioslla imacunalla limpio cashcata nina derechotaca charin.

 “Santo” shimitaca, Taita Diosta adoranahuan ricunata charij cosascunata ningapallami utilizan. Por ejemplo, Bibliapica caicunamanda parlangapami santo shimitaca utilizan:

•   Santo pushtucunamanda: Ninanda rupajuj yuraman Moisés quimirijujpica, Taita Diosca “can shayajuj alpaca, ñucapajlla shicanyachishca” o santo alpami can nircami (Éxodo 3:2-5).

•   Limpio o santo fiestacuna: Punda tiempopi israelitacunaca Jehová Diosta adorangapami huaquin fiestacunata ruran carca. Chai fiestacunataca jatun o santo fiesta punllacuna nishpami rijsin carca (Levítico 23:37).

•   Santo o limpio cosascuna: Jerusalén llactapi Taita Diospa templo huasipi paita adorangapaj utilizashca cosascunataca, Diospata rurangapaj o santo cosascuna nishpa rijsin carca (1 Reyes 8:4). Chai cosascunata cuidadohuan tratashpapash chaicunataca na adoranachu carca. b

 Taita Diosca, Jesusta caticunataca cashnami mandarca: “Ñuca limpio cani. Chaimandami cangunapash limpio cana canguichi” (1 Pedro 1:16). Gentecunaca Taita Dioshna tucuipi santo o limpio caitaca na usharingachun. Pero Taita Diospa mandashcacunata cazushpaca paipa ñaupapimi limpio o santo ricurishun (Romanos 12:1). Taita Diospa ñaupapi limpio cangapaj esforzarijcunaca paicunapa parlocunahuan, paicunapa ruraicunahuanmi ricuchin. Por ejemplo, Bibliapi limpio cana nishca consejocunata catingapaj, huainayana juchapi ama urmangapaj, shinallata tucui ruraicunapi limpio cangapami esforzarin (1 Tesalonicenses 4:3; 1 Pedro 1:15).

 Jehovapa mandashcacunata na pactachishpami paipa ñaupapi limpio ricurinataca saquita ushanchi. Por ejemplo, Hebreos libropica ‘Taita Diospa separashca huauquicunataca’, “na cuidadota charishpaca pactara causajun Taita Diosmanda caruyashpa nali y na crij shungu tucunguichiman” nishpami advirtin (Hebreos 3:1, 12).

 Huaquingunaca cashnami nin: Na cazaranami shuj personataca limpio o santo cachun ayudan nin.

 Bibliapica yachachin: Jesusta catijcunamanda maijanbash na cazaranata decidishcamandalla Taita Diospa ñaupapi limpio o santo ricurita na ushanllu. Ashtahuangarin solterocunami Taita Diostaca ashtahuan sirvita ushan (1 Corintios 7:32-34). Cazarashcacunapashmi limpio o santo caita ushan. Por ejemplo, Jesusta catij Pedropash cazarashcami carca (Mateo 8:14; 1 Corintios 9:5).