María Magdalenaca ¿pita carca?
Bibliapica caitami yachachin
María Magdalenaca tucui shunguhuanmi Jesusta sirvin carca. Chai punllacunapica, Magdala llactami mar de Galilea ladollapi tian carca. Chai llactamandami, Magdalena shutitaca charishca yarin y chai llactapimi María Magdalenaca causashca yarin. Magdala llactaca, Magadán llactami cashca yarin.
María Magdalenaca, Jesusta y paipa discipulocunatapash cumbashpami purin carca. Shinallata, paipa charishca cosasgucunahuanmi paicunataca ayudan carca (Lucas 8:1-3). María Magdalenaca Jesusta imashina huañuchijtapashmi ricurca. Shinallata Jesús causarishcatapashmi ricurca (Marcos 15:40; Juan 20:11-18).
María Magdalenaca ¿prostituta huarmichu carca?
Bibliapica María Magdalena prostituta cashcataca na nijunllu. Sino paimanda 7 demoniocunata Jesús llujchishcatallami Bibliapica nijun (Lucas 8:2).
Shinaca ¿imamandata huaquin gentecunaca María Magdalenaca prostitutami carca nin? María Magdalenaca ñami tauca huatacunata huañushca carca. Chai jipami, huaquin gentecunaca paimi Jesustaca paipa viquicunahuan chaquicunata maillachishpa paipa ajchahuan chaquichijushca huarmica cashcanga ni callarirca (Lucas 7:36-38). Pero Bibliapica ni shuj textopillapash na chaitaca intindichijunllu.
¿“Apostolcunapurapi huarmi apostolchu carca”?
Na. Iglesia catolicapica, Mariami shujcunahuan igual Jesús causarishcataca primerito apostolcunaman villagrirca nishpami paitaca “Santa María Magdalena” nin (Juan 20:18). Pero na shina villagrishcamandallachu María Magdalenaca apóstol cana carca. Bibliapica María Magdalena apóstol cashcataca ni maipi na nijunllu (Lucas 6:12-16).
Bibliataca año 100 tucujujtami escribishpa tucuchirca. Pero iglesiacunapi autoridadta charijcunaca, año 500cunapimi María Magdalenataca santami can ni callarirca. Año 100cunapi y año 200cunapi huaquin escritocunapica tauca apostolcunaca Mariataca envidianmi carca ninmi. Pero Bibliapica apostolcuna María Magdalenata envidiajushcataca nimata na nijunllu. Chaicunaca na ciertochu can.
¿Jesuspa huarmichu carca?
Na. Bibliapica Jesusca solterolla parashcatami nin. a
a Ashtahuan yachangapaj munashpaca, “¿Ima horapash Jesusca cazararcachu? ¿Huauquipanicunata charircachu?” tema ricupangui.
Cai temacunata ashtahuan liipai
BIBLIAPA TAPUICUNA
Bibliapi parlashca huarmicunamandaca ¿imatata yachajunchi?
Alita rurashca huarmicunahuan, nalita rurashca huarmicunahuan chimbapurashpa ricupai.
DIOSTA SIRVIJCUNAPA EJEMPLOTA CATIPASHUNCHI
María Magdalena: “Jesustami ricurcani”
Shujcunaman Jesús causarishcata villana bendiciondami María Magdalenaca chasquirca.
BIBLIAPA TAPUICUNA
Jesusca ¿ima horapash cazararcachu? ¿Huauquipanicunata charircachu?
Bibliapica Jesús soltero cashcata o cazado cashcataca na nijunllu. Shinaca ¿imashinata Jesús cazarashcata o na cazarashcataca yachai ushanchi?
BIBLIAPA YACHACHISHCACUNA
Bibliataca ¿imashinata yachajui ushapangui?
Bibliamanda gratis yachajupai.