Bibliapica Taita Diosca huainayana juchapi na urmachun munashcatami yachachin (1 Tesalonicenses 4:3). Bibliapi huainayana juchataca, cazarashca jahua shujhuan canata, jaripurallata huarmipurallata pacta puñunata, shinallata shuj huarmihuan shuj jarihuan nara cazarashpallata pacta puñunatapashmi ningapaj munan.

•  Shuj pareja cazaranaca ¿imamandata Taita Diospaca importante can?

•  Nara cazarashpallata causai ushashcata o na causai ushashcata ricungapaj pacta causanaca ¿alicha canga?

•  ¿Imashinata cusahuarmicunaca ali causaita ushan?

•   Diosmi cazaranataca callarichirca. Adanda Evata cazarachishpami, cazaranataca callarichirca (Génesis 2:22-24). Taita Diosca shuj jari shuj huarmi, na cazarashpalla pacta causachunga na munarcachu.

•   Taita Diosca ñucanchipa ima ali cajtami ali yachan. Taita Diosca shuj jari, shuj huarmi cazarashpa para siempre causachunmi cazaranataca callarichirca. Taita Diosca cazarashcacuna paicunapa familiata aliguta cuidashpa causachunmi munarca. Caipi yuyapai: shuj armariota aliguta churangapaj munashpaca, instrucciongunapi ima nijtami catina capanchi. Chashnallatami familia ucupi cushilla causangapaj munashpaca, Taita Dios cushca instrucciongunata catina capanchi. Shina rurashpaca, cushillami causapashun (Isaías 48:17, 18).

•   Nara cazarashpallata pacta puñushpaca, llaquicunatami charishun. Por ejemplo, na munashpata vijsandi quedai ushashun, nanaicunapashmi japita ushan. Shinallata llaquillami sintirishun.

•   Taita Diosca pacta puñushpa huahuacunata chari ushachunmi saquirca. Pacta puñushpa huahuacunata charinaca shuj jatun bendicionmi can. Taita Diospaca causaica valishcami can. Chaimandami Taita Dios cazarashca cusahuarmicunalla pacta puñushpa huahuacunata charina bendiciondaca respetana capanchi. Chashnami cazarashca causaitaca respetashun (Hebreos 13:4).

 Cazarashpa cushilla causangapaj nishpa, nara cazarashpallata pacta causanaca na minishtirinllu, shina causashca jipami jichushpa rin. Ashtahuangarin igual causana munaita ishcandillata charishpami, problemacuna ricurijpipash ishcandimandami ayudarin. a Cazarashpami igual causana munaitaca pactachin (Mateo 19:6).

 Cazarashcacuna ali ali causaitaca na ushanllu. Shinapash, Bibliapa consejocunata pactachishpaca cusahuarmicuna cushillami causaita ushan. Bibliapa huaquin consejocunata ricupashun:

•   Quiquinba cusa o huarmi imata rurachun munashcatami rurana capanguichi (1 Corintios 7:3-5; Filipenses 2:3, 4).

•   Cada punlla ishcandimanda respetarishcata, juyarishcata ricuchingapaj esforzaripaichi (Efesios 5:25, 33).

•   Nara imatapash nishpallatami aliguta ninata yachajuna capanguichi (Proverbios 12:18).

•   Ishcandimanda pacienciata charishpa, uchalla perdonaripaichi (Colosenses 3:13, 14).