Apocalipsis capítulo 17pi parlashca puca puca manllanai sacha animalca ¿imatata ricuchin?

Cai idiomapi uyangapaj o ricungapaj

Bibliapica caitami yachachin

Apocalipsis capítulo 17pi parlashca puca puca manllanai sacha animalca cai alpapi tiashca tucuilla llactacunata liderangapaj y representangapaj munaj shuj organizaciondami ricuchin. Pundapica Sociedad o Liga de Naciones nishca organizacionmi carca. Pero cunanbica Naciones Unidas nishca organizacionmi can (ONU).

Cai puca puca manllanai sacha animal ima cajtaca ¿imashinata yachai ushapanchi?

Shuj organizaciondami ricuchin. Bibliapica chai puca puca manllanai sacha animalpa “7 umacunaca 7 urcucunatami” ricuchin. Shinallata ‘7 reycunata’ o 7 jatun llactacunatami ricuchin (Revelación [Apocalipsis] 17:9, 10). Bibliapica urcucunata y sacha animalcunataca huaquinbica gobiernocunahuanmi comparan (Jeremías 51:24, 25; Daniel 2:44, 45; 7:17, 23).
Cai mundopi tiashca gobiernocunatami ricuchin. Puca puca manllanai sacha animalca, Apocalipsis 13pi parlashca siete umacunata charij manllanai sacha animalhuanga parecidomi can. Chaica cai mundopi tiashca gobiernocunatami ricuchin. Chai ishcandi manllanai sacha animalcunaca, ishcandillatami 7 umacunata, 10 cachocunata charin. Shinallata Taita Diosta nalicachishpa rimaj shuticunatami escribishca charirca (Apocalipsis 13:1; 17:3). Chai ishcandi manllanai sacha animalcunaca tucuipimi parecido can. Puca puca manllanai sacha animalca cai mundopi tiashca gobiernocunatami ricuchin (Apocalipsis 13:15).
Shuj gobiernocunapa apoyotami chasquin. Shuj shuj llactamanda gobiernocuna apoyajpimi chai puca puca manllanai sacha animalca tiai callarirca (Apocalipsis 17:11, 17).
Panda religiongunahuan chapurishcami can. Importante Babilonia Llactaca, mundo enteropi tiashca panda religiongunatami ricuchin. Chaica chai puca puca manllanai sacha animal jahuapi tiarishcami can. Chaimandami panda religionguna chai puca puca manllanai sacha animalhuan chapurishca cashcata yachapanchi (Apocalipsis 17:3-5).
Taita Diosta nalicachishpa rimashcacuna. ‘Chai animalca Taita Diosta nalicachishpa o nalicunata rimashcacunapa shuticunatami paipa cuerpo enteropi escribishca’ can (Apocalipsis 17:3).
Shuj tiempoca chingarircami. Bibliapica chai puca puca manllanai sacha animalca shuj tiempota shuj ‘ucu ucu utujupi’ a vichashca cashcatami ricuchin. Shinapash cutin ricurimushcatami villan (Apocalipsis 17:8).

Bibliapi nishcacunami pactarin

Bibliapica puca puca manllanai sacha animalmanda profeciacunami tian. Chai profeciacuna Sociedad de Naciones y Naciones Unidas nishca organizaciongunapi imashina pactarishcata ricupashunchi:

Shuj organizaciondami ricuchin. Naciones Unidas nishca organizacionga cai organizacionman pertinicij tucuilla gobiernocunatami apoyan. b
Cai mundopi tiashca gobiernocunatami ricuchin. 2011 huatapimi 193 llactacuna cai Naciones Unidas nishca organizacionman unirirca. Chaimandami cai organizacionga mundo enteropi casi tucuilla llactacunata representanchi nin.
Shuj gobiernocunapa apoyotami chasquin. Naciones Unidas organizacionga shuj llactacunapa apoyota chasquimandami autoridadtaca charin.
Panda religiongunahuan chapurishcami can. Sociedad de Naciones y Naciones Unidas nishca organizaciongunami panda religiongunapa apoyotaca siempre chasquishca. c
Taita Diosta nalicachishpa rimashcacuna. Naciones Unidas organizacionga mundo enteropi ‘tranquilo ali, seguro causaita’ gentecunaman carangapami tiai callarirca. d Gentecunata ayudangapaj chai organización tiai callarishca cashpapash Taita Diostami nalicachinajun. Porque paicunaca ñucanchimi ali causaitaca apamuita ushanchi nin. Pero chaitaca solo Taita Diospa Gobiernollami apamuita ushan (Salmo 46:9; Daniel 2:44).
Shuj tiempoca chingarircami. Sociedad de Naciones organizacionga Primera Guerra Mundial tucurishca huaquin tiempo jipallami tiai callarirca. Chai organizacionga mundo enteropi tranquilo ali, seguro causaiguta apamuna yuyaihuanmi tiai callarirca. Shinapash llactacunapura macanajuchunga na jarcaita usharcachu. Sociedad de Naciones organizacionga 1939 huatapi, Segunda Guerra Mundial callarijpimi tucurirca. Shinapash chai guerra tucurijpimi huata 1945pi Naciones Unidas organizacionga tiai callarirca. Y cai organizacionba tucui ruraicunaca Sociedad de Naciones nishca organizacionba yuyaicunahuan y ruraicunahuanga tucuipimi igual can.

a Diccionario expositivo de palabras del Antiguo y del Nuevo Testamento exhaustivo, de W. E. Vine, nishca diccionariopica cashnami nin: Griego shimipi “ucu ucu utuju” nishcaca maimanbash na chayai ushaj ucu ucu utuju cashcatami ricuchingapaj munan. Escrituras de Restauración Bibliapica chai palabrataca “maimanbash na chayai ushaj ucu ucu utuju” nishpami churashca. Bibliapica cai “ucu ucu utujumanda” parlashpaca imatapash na ruraita ushaj shuj pushtumanda o fuerza illaj quidanamandami parlan.

b Carta de las Naciones Unidas Artículo 2ta ricupangui.

c 1918pica Estados Unidos llactamanda ashtaca religiongunata representajcunaca Liga de Naciones nishca organizacionga “Taita Diospa Gobiernotami cai alpapi ricuchijun” ninajurcami. Cutin 1965pica budistas, católicos, hindúes, judíos, musulmanes, ortodoxos y protestantes nishca religiongunamanda representantecunaca Estados Unidos llactapi San Francisco llactapimi tandanajurca. Paicunaca ONU organizacionda apoyashpami paicunamanda oraciongunata rurangapaj tandanajurca. Shinallata 1979pica papa Juan Pablo segundoca ONU organizacionga “siempremi tiashpa catina can. Paicunami cai mundopi tranquilo ali y seguro causaiguta caramun” nirca.

d Carta de las Naciones Unidas nishcapa Artículo 1ta ricupangui.