Ari cambianmi. Por ejemplo, gentecuna alita rurajushpata nalita rurai callarijpi o nalita rurajushpata alita rurai callarijpica, Taita Diosca ñana paicunamandaca lo mismotallata pensanllu. Bibliapica taucalla textocunapimi, Taita Dios paipa decisiongunata cambiashcata nijun. Por ejemplo, shuj punllaca Taita Diosca profeta Jeremiastaca, na cazuj israelitacunataca Taita Diosca tucuchigrinmi nishpa villapangui nirca. Shina nishpapash Taita Diosca nircami: “Can villashcata cazushpaca, tucuicuna paicunapaj nali causaita saquingapashchari. Paicuna uyajpica, paicuna nalita rurashcamanda imashna llaquichingapaj munajushcamandaca, ñucapash llaquirishpami jarcarisha” nirca (Jeremías 26:3).

 Tauca Bibliacunaca, israelitacunata castiganataca Taita Diosca “arripintirircami” nishpami cai textotaca traducinata yachan. Pero shina traducishpaca, Taita Diosca paipa decisiongunapi pandarijlla cashcatami intindichinajun. Hebreo idiomapi “llaquirina” palabraca “yuyaita cambiana o propositota cambiana” significadotami charin. Bibliapi palabracunata estudiashca shuj profesorca ninmi: “Gentecunapa comportamiento cambiajpica, Taita Diospashmi cambiashpa juzgan” ninmi.

 Shinapash huaquin casocunapica, Taita Diosca na paipa yuyaitaca cambianllu. Shinaca Bibliapi huaquin ejemplocunata ricupashun:

•   Taita Diosca paipa llacta Israeltaca bendiciasha nishpami decidirca. Chaimi Balac imata rurajujpipash, Taita Diosca pai imata decidishcataca na cambiarca, paipa llactataca bendiciarcami (Números 23:18-​20).

•   Taita Diosca rey Saúl na cazungapaj munajpimi pai rey cashpa catichunga na saquishachu yarca. Como rey Saulca na cambiangapaj munarca, chaimi Taita Diospash paipa decisiondaca na cambiarca (1 Samuel 15:28, 29).

•   Taita Diosca, ñuca churimi para siempre sacerdote canga nishpami prometirca. Chai promesataca cumplingami. Pai imata prometishcata nunca na Taita Diosca ladoman saquishpa cambiangachu (Salmo 110:4).

 Ari shinami nijun. Bibliapica Taita Diosca ‘napacha shuj tucunllu’ o nunca na cambianllu nijunmi (Malaquías 3:6). Shinallata, aunque según horascunapi “sombra cambiajpipash, paica nunca na cambianllu” nijunmi (Santiago 1:​17). Shinaca, Taita Diosca nunca na cambianllu nijuj textocunata, Taita Diosca paipa yuyaicunata cambianmi nijun textocunahuan comparajpica, ni maijan texto na pandarijunllu. Porque Taita Diosca nunca na cambianllu nishpaca, Taita Diosca siempre juyashcata, siempre alita ruraj cashcatami nijun. Taita Diosca chai sentidopimi nunca na cambian (Deuteronomio 32:4; 1 Juan 4:8). Shinallata, Taita Diosca paita sirvij gentecuna según ima casocunapi cajta ricushpami instrucciongunataca cun. Por ejemplo, rey Davidca ishcai macanajuimanmi rigrijurca. Pero shuj macanajuiman rigrijujpica shuj instrucciondami curca. Cutin chaishuj macanajuiman rigrijujpica shuj instrucciondami curca. Diferente instrucciongunata cujpipash, rey Davidca ishcandi macanajuicunapimi ganarca (2 Samuel 5:​18-​25).

 Na arripintirishcachu. Pero gentecuna paita na uyashpa na cazungapaj munajpica ninandami Taita Diosca llaquirin. Chaimi Noepa punllacunapi nara Ninan Manllanai Tamiata cachamushpaca Jehová Diosca nirca: ‘Cai alpapi gentecunata rurashcamandaca ninandami nali sintirini, shungu faquirinshnami sintirini’ nishpa (Génesis 6:6). Imashinami ña niparcanchi, hebreo idiomapi “llaquirina” palabraca “yuyaita cambiana o propositota cambiana” significadotami charin. Noepa tiempopi gentecunaca cambiashpami nalicuna tucurca. Chaimi Taita Diosca ñana paicunamandaca lo mismotallata pensarca paipash cambiarcami (Génesis 6:​5, 11). Chai gentecuna paita llaquilla sintichishca cajpipash, Taita Diosca tucuilla gentecunahuan imata rurashca yashcataca na cambiarcachu. Chaimi tucuilla gentecunapi pensarishpa Noeta y paipa familiataca Ninan Manllanai Tamiamanda salvarca (Génesis 8:​21; 2 Pedro 2:​5, 9).