Punda tiempopica asha tiempotaca jaricuna tauca huarmicunata charichunmi Taita Dios saquirca (Génesis 4:19; 16:1-4; 29:18-29). Shinapash callaripica Adán runataca shuj huarmihuanllami cazarachirca. Taita Diosca jaricuna tauca huarmicunahuan cazarachunga na mandarcachu.

 Taita Diosca jaritaca shuj huarmihuanlla cazarachunmi mandarca. Tiempohuanga Jesuspashmi chaitallata nirca (Juan 8:28). Cusahuarmi causaimanda parlashpami Jesusca cashna nirca: “Callaripica jarita y huarmitami Taita Diosca rurarca” “‘¿Nachu paica nirca, jarica paipa taitata, paipa mamata saquishpami, paipa huarmihuan causanga, ishcandimi shujlla aichashna tucunga’ nishpa” nircami (Mateo 19:4, 5).

 Tiempo jipaca Taita Diospa ayudahuanmi Jesuspa shuj discipuloca cashna escribirca: “Cada jarimi paipa propio huarmita charina can y cada huarmimi paipa propio cusata charina can” nishpami escribirca (1 Corintios 7:2). Bibliapica congregacionbi responsabilidadcunata charingapaca shuj jarica “shujlla huarmihuanmi cazarashca cana can” ninmi (1 Timoteo 3:2, 12).