Asha tragota ufianaca na pecado canllu. Bibliapica Taita Diosllatami vinotaca cararca nijunmi. Vinotaca gentecuna cushilla causachunmi Taita Diosllata cararca (Salmo 104:14, 15; Eclesiastés 3:13; 9:7). Bibliapica vinoca saludpapash alimi can nijunmi (1 Timoteo 5:23).

 Jesusca cai alpapi cashpaca vinota ufiarcami (Mateo 26:29; Lucas 7:34). Ashtahuanbash, shuj casamiento fiestapica ashtaca yacutami vinoman tigrachirca. Chai milagroca rijsishcapachami can (Juan 2:1-10).

Yapata ufianaca peligrosomi can

 Bibliapica vinoca alimi can nishpapash, pero yapata ufiana, machanaca na alichu can ninmi. Chaimi si shuj cristiano ufiangapaj munashpaca, aliguta pensarishpa ricuna can si yapata ufiajun o na yapata ufiajun (1 Timoteo 3:8; Tito 2:2, 3).  Bibliapica imashpa na yapata ufianamandami huaquin razongunata cun:

•   Ali yuyaita, juizutapashmi chingachin (Proverbios 23:29-35). Machashcacunaca paicunapa ‘cuerpota Taita Diosman shuj sacrificiota caranshna’ cuitaca na ushanllu. ‘Chai sacrificiota Taita Dios chasquichunga, sin pecadomi cana can. Shinami Taita Diostaca aliguta pensarishpa sirvita ushanga’ (Romanos 12:1).

•   Paicunapa comportamientotapash na controlai ushanllu. Alita rurangapaj munashpapash na ushanllu (Oseas 4:11; Efesios 5:18).

•   Pobre tucun y millai unguicunatami japin (Proverbios 23:21, 31, 32).

•   Taita Diosca gentecuna machachun, yapata ufiachunga na munanllu (Proverbios 23:20; Gálatas 5:19-21).

Yapa ufiajushcataca ¿imashinata yachai ushanchi?

 Yapata ufiajcunaca paicunapashmi peligropi can y shujcunatapashmi peligropi churan. Bibliapica juizu chingangacaman ufiajcunatapash, asha juizutalla chingachijcunatapash, ufiaimanda ñana ali puri o ñana ali parlai ushajcunatapash, lidiari callarijcunatapash ñami machashcacuna can ninmi (Job 12:25; Salmo 107:27; Proverbios 23:29, 30, 33). Ashtahuangarin, na machashpapash ‘yapata ufiashpaca’ jatun llaquicunapimi urmai ushan (Lucas 21:34, 35).

¿Ima casocunapita nima nimata na ufiana can?

 Bibliapica shuj cristianoca cai casocunapimi nima nimata na ufiana can ninmi:

•   Shujcunata nitijachigrijushpa (Romanos 14:21).

•   Chai llactapi ufiana prohibido cajpi (Romanos 13:1).

•   Mashnata ufianata na controlari ushashpa. Tragota ufianata gushtajcunaca, maimandami controlarinata ricuna can (Mateo 5:29, 30).