Vengaringapaj razongunata charishpapash vengarina nali cashcatami Bibliapica yachachin. Bibliapica: “Ama paitapash shinallatami rurasha, pai imashna llaquichishcashnallatami paimambash tigrachishachu ninguichu” ninmi (Proverbios 24:29). Bibliapa consejocunaca vengarina munaita charij gentecuna ama vengarichunmi ayudashca.

Cai temapica cai yuyaicunatami ricupashun:

•  Vengarinaca ¿imamandata nali can?

•  Jehová Diosca ñucanchita llaquichishca gentecunahuanga ¿imatata ruranga?

•  Vengarina munaita mishangapaca ¿imatata ruraita ushapangui?

•  Vengarinamanda huaquin panda yuyaicuna

 Pipash imatapash nishpa o rurashpa llaquichijpica culiranaca normalmi can. Shinallata llaquichijpi, paicunata llaquichina munaita charinapash normalmi can. Shinapash Bibliapica shujcunamanda vengarina nali cashcatami yachachin.

 Jehová a Diosca gentecuna vengarichunga na munanllu. Bibliapica Jehová Diosca: “Ñucami vengarisha. Ñucami paicunamanga paicuna imata miricishcata cusha” ninmi (Romanos 12:19). Bibliapica llaquichi tucushca gentecunataca vengarinapa randica tranquilo aliguta causangapaca tucui rurai ushashcaguta rurachunmi mandan (Romanos 12:18). Problemata arreglangapaj tucuita rurashca cashpapash chai problemata na arreglai ushashpaca ¿imatata ruraita ushapanchi? Bibliapica llaquichishca personacunata Jehová Dios juzganatami yachachin (Salmo 42:10, 11).

 Cunanbica Jehová Diosca nalita rurajcunata autoridadcuna castigachunmi saquishca (Romanos 13:1-4). Jipa punllacunapica Jehová Diosca nalita rurashcacunatami juzganga. Shinallata pipash shujcunata llaquichichunga nimamanda na saquingachu (Isaías 11:4).

•   Culirashca cashcamandallaca ama imatapash rurapaichu (Proverbios 17:27). Gentecunaca culirashca caimanda imatapash rurashca jipami chai ruraicunata rurashcamanda arripintirin. Ashtahuangarin imatapash nara rurashpallata aliguta pensarijcunaca shuj ali decisiondami japin (Proverbios 29:11).

•   Imamanda llaquichishcatami ali yachana capangui (Proverbios 18:13). Quiquinda pipash llaquichishca cajpica caipimi pensarina capangui: ¿Imamanda chai persona cashna llaquichishcataca alichu yachani? ¿Yapa estresado caimandachu shina tratahuashca? ¿Na cuenta japishcamandachu shina tratahuashca? Huaquinbica llaquichingapaj munaihuanmi llaquichihuashca nishpami pensarita ushapanchi. Shinapash pandarimandami llaquichita ushan.

 Panda yuyaicuna: Bibliapica shujcunamanda vengarina nali cashcatami yachachin. Chaimandami huaquingunaca shujcuna llaquichijpipash imatapash na ruraita ushanchi nishpa yuyan.

 Bibliapica ninmi: Pipash llaquichijpi shuj personaca difindirita o autoridadcunapa ayudata mascaita ushan. Pero Bibliapica pliturinamanda jarcarichunmi yachachin (Proverbios 17:14).