•  Bibliapica caitami yachachin

•  ¿Imashinata virgen solteragu cashpata shuj huahuaguta ungurca?

•  ¿Imamandata Taita Diosca shuj virgen solteragu Jesusta nacichun munarca?

•  ¿Paipa tucui causaipichu Mariaca virgen carca?

•  ¿Mariaca paipa mamapa vijsa ucupi chaira formari callarijushpaca sin pecadochu formarirca?

•  ¿Imatata Mariamandaca yachajuita ushapanchi?

 Bibliapica, María jovengu shuj jatun bendicionda charishcatami parlajun. Bibliapi nishcashnaca, Mariaca virgen solteragu cashpallatami Jesustaca ungurca. Chai milagro pasanataca, pundamandallatami Bibliapica Isaías libropi villajurca. Cutin Isaías libropi shimicuna pactarishcataca, Bibliapa Evangelio de Mateo y Evangelio de Lucaspimi villajun.

 Mesías nacirishcamanda parlashpaca, shuj profeciapimi profeta Isaiasca nirca: “Ricuichi, jarihuan nara tacarishca cuitsagumi, vijsayu tucushpa shuj jari huahuaguta ungunga” nishpa (Isaías 7:​14). Evangelio de Mateota escribishpaca, Taita Dios pensachijpimi Mateoca, profeta Isaiaspa profeciaca Jesús nacirijpimi cumplirirca nishpa escribirca. Mateoca Taita Dios shuj milagrota rurajpi, María vijsayu quidashcata parlashca jipami nirca: “Jehová Dios paipa profetaman villashca shimicuna pactarichunmi shina pasarca. Profetaca cashnami villashcarca: ‘Jarihuan nara cashca soltera huarmigumi vijsayu tucushpa shuj jari huahuaguta charinga. a Chai huahuagutami gentecunaca Emmanuel nishpa rijsinga’ nirca. Emmanuel shutica “Taita Diosca ñucanchihuanmi can” nijunmi” nirca (Mateo 1:​22, 23).

 Evangelio de Lucaspipashmi, Taita Diospa milagrohuan María vijsayu quidashcataca parlajun. Lucasca nircami: ‘Jarihuan nara cashca María shuti huarmigupamanmi ángel Gabrielca shamurca. Mariaca José runaguhuan cazarangapaj ña ari nishcallami carca. Joseca Davidpa familiamandami carca’ ninmi (Lucas 1:​26, 27). Mariapash paipa shimihuanbachami pai virgen cashcataca clarito nirca. Por ejemplo, Mesiaspa mamami cagringui nijpica Mariaca nircami: “¿Imashinata shuj huahuagutaca charishayari? Ñucaca ni maijan jarihuanbash nara pacta cashcanichu” nircami (Lucas 1 :​34).

 Mariaca Taita Diospa espíritu santopa podermandami vijsayu quidarca (Mateo 1:​18). Ángel Gabrielca Mariataca nircami: “Jahua cielopi Taita Diosca paipa espíritu santotami cachamunga. Paica paipa poderhuanmi candaca imahuanbash quilpanshna cuidanga. Chaimi chai huahuaguca pecado illa naciringa. Paitaca Taita Diospa Churi nishpami rijsinga” nircami (Lucas 1:35). b Taita Diosca shuj milagrota rurashpami, paipa Churipa causaitaca Mariapa vijsa ucugupi churarca. Taita Dios chai milagrota rurajpimi Mariaca vijsayu quidarca.

 Taita Diosca Jesús shuj perfecto cuerpohuan nacirishpa gentecunata pecadomanda y huañuimanda salvachunmi shuj virgen solteraguta agllarca (Juan 3:​16; Hebreos 10:5). Taita Diosmi Jesuspa causaitaca Mariapa vijsa ucugupi churarca. Chai jipami Taita Diosca, chai huahuagu ama imapash imperfeccionhuan formarichunga, paipa espíritu santohuan cuidariajurca (Lucas 1:​35).

 Shinami Jesusca perfecto nacirirca. Imashinami Adán nara pecadota rurashpaca perfecto carca, shinallatami Jesusca perfecto carca. Bibliapica Jesusca “ima pecadotapash na rurarcachu” ninmi (1 Pedro 2:​22). Perfecto caimandami Jesusca, imatapash randishpa paganshna gentecunataca pecadomanda y huañuimanda salvai usharca (1 Corintios 15:21, 22; 1 Timoteo 2:​5, 6).

 Bibliapica María paipa tucui causaipi virgen cashcataca na nijunllu. Ashtahuangarin, Mariaca shuj huahuacunatapash charishcatami Bibliapica nijun (Mateo 12:46; Marcos 6:3; Lucas 2:7; Juan 7:5).

 Huaquin religiongunapica shina nishpami yachachin. Pero chaica mana ciertochu can. Por ejemplo, Enciclopedia de la Religión Catolicapica ninmi, Inmaculada Concepcionbi crijcunaca ninmi, “Santísima Virgen Mariaca, paipa mamapa vijsa ucugupi chaira formari callarijushpallatami, Taita Diospa Tucui Podermandaca ima pecadota, ima manchata, ima culpatapash na charirca” nishpa.

 Shinapash Bibliapica María sin pecado nacirishcataca na nijunllu (Salmo 51:5; Romanos 5:​12). Ashtahuangarin Mariaca, pecadopi nacirishcata reconocishpami, Moisesman Cushca Leypi nishcashnaca, huahuaguta ungushca jipaca pecadocunamanda perdonai tucungapaj shuj ofrendaguta Taita Diosman aparca (Levítico 12:​2-8; Lucas 2:​21-​24). Inmaculada Concepcionmanda parlashpaca Enciclopedia Catolicaca Onlinepica ninmi: “Mamapa vijsa ucupi chaira formari callarijuimandapacha María sin pecado cashcataca, Bibliapica ni maipi na directamente nijunllu” nishpa. Shinaca, María sin pecado nacirishca yuyaicunaca catolicocunapa yachachishcami can.

 Mariaca shuj alipacha ejemplotami saquirca. Paica shinlli fetami charirca, humildemi carca, Taita Diostaca tucui shunguhuanmi juyarca. Siempremi Taita Diostaca ali sirvirca. Paipa ejemplotaca catinami capanchi (Hebreos 6:​12).

 Jesuspa mama canaca importantemi carca. Pero Bibliapica, Mariatami adorana canguichi, Mariamanmi oraciongunata rurana canguichi nishpaca na yachachijunllu. Jesusca nunca na paipa mamataca imapash ashtahuan importante cajpishnaca tratarcachu. Paipa discipulocunatapash, ñuca mamataca de forma especialmi tratana canguichi nishpaca na mandarcachu. Bibliapa Nuevo Testamentopica, solo Evangelio librocunapilla y Hechos libropillami Mariamandaca parlajun. Nuevo Testamentopa chaishuj 22 librocunapica Mariamandaca na parlanllu (Hechos 1:​14).

 Bibliapica primer cristianocuna Mariata de forma especial tratashcata o paita adoranajushcataca ni maipi na imatapash nijunllu. Bibliapica, cristianocunaca solo Taita Diostallami adorana can nishpami yachachijun (Mateo 4:​10).