Éxodo 27:1-21
27 ”Altartaca acacia caspihuanmi rurana cangui. Chai altarca cuadradomi cana can. 2 metros 20 centímetros de largo, 2 metros 20 centímetros de ancho y 1 metro 30 centímetros de altomi* cana can.
2 Altarpa chuscundi esquinacunapica cada esquinapimi shuj cachota churana cangui. Altarpash y cachocunapash shujlla piezami cana can. Altartaca broncehuanmi forrana cangui.
3 Uchufata* tandachingapaca baldecunatami rurana cangui. Shinallata palacunata, tazongunata, trinchecunata y rupajuj carbonda apangapaj bandejacunatapashmi rurana cangui. Chaicunataca tucuillatami broncehuan rurana cangui.
4 Altarpaca shuj rejilla de broncetami rurana cangui. Y chai rejillapa chuscundi esquinacunapica chuscu argolla de broncetami churana cangui.
5 Chai rejillataca, altarpa jahua ladomanbash y ucu ladomanbash lo mismo medida quidajta ricushpami chaupipi churana cangui.
6 Shinallata, altarpaca acacia caspihuanmi raculla vara caspicunatapash rurana cangui. Chai raculla vara caspicunataca broncehuanmi forrana cangui.
7 Chai raculla vara caspicunataca argollacunapimi yalichina cangui. Shinami altarta apanajujpica, chai raculla vara caspicunaca altarpa ishcandi ladocunaman quidana can.
8 Chai altartaca tablongunahuanmi shuj chusha cajatashna rurana cangui. Urcupi imashina ricuchishcashnallatami chai altartaca rurana cangui.
9 ”Tabernáculo huasi* muyundipica, shuj patiotami rurana cangui. Patiopa lluqui ladomanga* torcishca lino fino puchahuan rurashca cortinacunatami churana cangui. Chai ladoca 44 metros 50 centímetros de largotami* midina can.
10 Shinallata bronce materialhuan rurashca 20 columnacunata y 20 basecunatami* charina can. Columnacunapa ganchocuna y abrazaderacunaca* de platami cana can.
11 Patiopa ali ladomanbashmi* cortinacunata churana cangui. Chai cortinacunaca 44 metros 50 centímetros de largomi* cana can. Cortinacunapaca 20 columnas de bronceta y 20 bases de broncetami churana cangui. Columnacunapaca plata materialhuanmi ganchocunata y abrazaderacunata rurana cangui.
12 Patio huasha ladomanbashmi* cortinacunata churana cangui. Chai patioca 22 metros 20 centímetros de anchotami* charina can. Cortinacunapapash 10 columnacunata y 10 basecunatami rurana cangui.
13 Shinallata patio ñaupa ladoca,* 22 metros 20 centímetros de anchotami* charina can.
14 Patio entrada ali ladomanga 6 metros 70 centimetrostami* cortinacunaca charina can. Chai cortinacunapaca quimsa columnacunata y quimsa basecunatami rurana cangui.
15 Cutin patio entrada lluqui ladomanga 6 metros 70 centimetrostami* cortinacunaca charina can. Chai cortinacunapaca quimsa columnacunata y quimsa basecunatami rurana cangui.
16 ”Patio entradapash 8 metros 90 centímetros de largo* cortinatami charina can. Chai cortinaca azul puchahuan, morado* milma puchahuan, puca puca puchahuan y torcishca lino fino puchahuan rurashcami cana can. Entradaca chuscu columnata y chuscu basecunatami charina can.
17 Patio muyundipi tucuilla columnacunaca, plata materialhuan rurashca abrazaderacunata y ganchocunatami charina can. Pero columnacunapa basecunaca de broncemi cana can.
18 Patioca 44 metros 50 centímetros de largo, 22 metros 20 centímetros de anchomi* cana can. Y patio muyundita cercangapaj lino fino torcishca puchahuan rurashca cortinaca, 2 metros 20 centímetros de altotami* midina can. Shinallata bronce basecunatapashmi charina can.
19 Tabernáculo huasipi ocupangapaj tucuilla cosascunatapash, jatun toldota shinlli charichun estacacunatapash y patiopa cortinacunapa estacacunatapash de broncetami rurana cangui.
20 ”Shinallata uchilla lamparacuna siempre prindiriajuchun y punchayachijuchunmi israelitacunataca, aceite puro de olivata canbaman apamuchun mandana cangui.
21 Shinallata Aarón y paipa churicunami tabernáculo huasipi* lamparacuna, Jehová Diospa ñaupapi chishimanda, cayandi tutamandacaman prindiriajuchunga ricuriana can. Arca del Pacto* ladopi tiajuj cortina huashapimi, chai lamparacunaca cana can. Israelitacunapa cati cati viñaicunapashmi chai leytaca unai unaicaman pactachina can.
Notacuna
^ Hebreo shimipica “5 codos de largo, 5 codos de ancho y 3 codos de alto” nijunmi. Apéndice B14ta ricupangui.
^ O “viralla uchufata”. Caipica sacrificiocunata rurashca grasajunda uchufacunamandami parlajun.
^ Glosariopi “tabernáculo huasi” shimita ricupangui.
^ Hebreo shimipica “sur ladomanga” nijunmi.
^ Hebreo shimipica “100 codos de largotami” nijunmi. Apéndice B14ta ricupangui.
^ O “utujuhuan basecunatami”.
^ O “uningapaj anillocuna, arocuna, argollacunaca”.
^ Hebreo shimipica “norte ladomanbashmi” nijunmi.
^ Hebreo shimipica “100 codos de largomi” nijunmi. Apéndice B14ta ricupangui.
^ Hebreo shimipica “50 codos de anchotami” nijunmi. Apéndice B14ta ricupangui.
^ Hebreo shimipica “indi huashajuj ladomanbashmi” nijunmi.
^ Hebreo shimipica “indi llujshimujuj ladoca” nijunmi.
^ Hebreo shimipica “50 codos de anchotami” nijunmi. Apéndice B14ta ricupangui.
^ Hebreo shimipica “15 codostami” nijunmi. Apéndice B14ta ricupangui.
^ Hebreo shimipica “15 (codostami)” nijunmi. Apéndice B14ta ricupangui.
^ Hebreo shimipica “20 codos de largo” nijunmi. Apéndice B14ta ricupangui.
^ O “pucalla moradoman tinishca”.
^ Hebreo shimipica “100 codos de largo, 50 (codos) de anchomi” nijunmi. Apéndice B14ta ricupangui.
^ Hebreo shimipica “5 codos de altotami” nijunmi.
^ Hebreo shimipica “tandanajuna carpa” nijunmi.
^ Hebreo shimipica “Testimonio” nijunmi. Glosariopi “Arca del Pacto” shimita ricupangui.
