Josué 15:1-63
15 Judá jatun familiaman y paicunapa familiacunamanga Edom llacta fronteracaman o Zin shuti desiertocamanmi por sorteo alpacunataca curca. Y Négueb pushtupa sur ladocamanmi carca.
2 Shinallata sur ladomanga, Mar Salado manñamandami paicunapa alpa fronteraca callarijurca. Mar Salado* ura filo ladomandapachami callarijurca.
3 Paicunapa alpacunaca Acrabim subidapa sur ladocamanmi carca. Shinallata Zin shuti pushtucamanmi carca. Y Cadés-Barnea shuti llacta sur ladomanda callarishpa Hezrón pushtucamanmi carca. Shinallata Addar pushtucaman vichai rishpami Carcá shuti pushtucaman muyujurca.
4 Azmón pushtucaman y Egipto llactapa huaicucamanmi* carca. Chai alpacunapa fronteraca Marpimi* tucurijurca. Chashnami Judá jatun familiapa sur ladopi frontera alpacunaca carca.
5 Indi llujshimuj lado fronteraca Mar Saladomanda* Río Jordán yacu tucuri ladocamanmi carca. Shinallata norte lado esquinapi fronteraca mar filopi, Río Jordán yacu tucuri ladopimi carca.
6 Chai fronteraca Bet-Hoglá pushtucamanmi carca. Y Bet-Arabá pushtu norte ladotami yalijurca. Shinallata chai fronteraca Rubenba churi Bohán shuti runapa rumicamanmi carca.
7 Shinallata chai fronteraca Debir pushtucamanmi vichai rijurca. Debir pushtuca Acor pambacunapimi* carca. Norte ladomanga Guilgal pushtucamanmi muyujurca. Chaica Adumim subidapa ñaupapimi carca. Adumim subidaca huaicu sur ladomanmi carca. Chai fronteraca En-Semes shuti pugyucaman y En-Roguel shuti pugyucamanmi carca.
8 Chai fronteraca Hinón pambacunacaman* vichai rishpami, sur ladopi jebuseo gentecunapa laderacaman carca. Chai laderaca Jerusalenmi carca. Shinallata chai fronteraca vichai rishpa urcu pundacamanmi carca. Chai urcuca Hinón pambacunapa indi huashajuj ladopi, Refaím pambacunapa* norte ladopimi carca.
9 Chai fronteraca urcu pundamandapacha Neftóah pugyucamanmi carca. Shinallata Efrón lomapi llactacunacamanmi carca. Chai fronteraca Baalá pushtucamanmi carca. Baalá pushtu nishpaca Quiryat-Jearim nijunmi.
10 Shinallata chai fronteraca Baalá pushtumanda callarishpa, indi huashajuj ladoman Seír lomacamanmi muyujurca. Chaimanda catishpami Jearim lomapa norte laderacaman carca. Chai pushtuca Kesalón shutimi carca. Shinallata Bet-Semes llactacaman urai rishpami, Timná pushtucaman carca.
11 Chai fronteraca Ecrón laderapa norte ladocamanmi carca. Y Sikerón pushtucamanmi catijurca. Chaimandaca Baalá lomamanda, Jabneel pushtucaman rishpami marpi tucurijurca.
12 Indi huashajuj ladomanga Mar Grande* manñacamanmi carca. Chai fronteracunami Judapa huahuacunaman* según familia cushca alpacuna carca.
13 Jehová Dios mandashcashnami Josueca Jefuné runapa churi Calebmanga Judapa huahuacunapurapi* Quiryat-Arbá llactata curca. Quiryat-Arbá llactaca Hebrón llactallatami can. (Arbá shuti runaca Anac shuti runapa taitami carca).
14 Chaimi Calebca, Anac shuti runapa quimsa churicunapa huahuacunata* chai llactamanda llujchishpa cacharca. Anacpa quimsa churicunaca Sesái, Ahimán y Talmái shuti runacunami carca.
15 Chai jipami Calebca Debir llactamanda gentecunahuan macanajungapaj vichai rirca. (Pundaca Debir llactataca, Quiryat-Séfer nishpami rijsin carca).
16 Calebca cashnami nirca: “Quiryat-Séfer llactata atacashpa mishaj runamanmi, Acsá shuti ñuca ushitaca paipa huarmi tucuchun cusha” nircami.
17 Quenaz runapa churi Otniel shuti runami llactataca misharca. Quenaz runaca Calebpa huauquimi carca. Calebca, Otniel runamanmi paipa ushi Acsataca paipa huarmi tucuchun curca.
18 Acsá shuti huarmica ña huasiman rinajushpami Otnieltaca, ñuca taitataca alpata mañapai nishpa rogarca. Chai huarmigu burromanda uriajujpimi* Calebca “¿imatata munangui?” nishpa tapurca.
19 Shina nijpimi paica cashna nirca: “Por favor, can ñucata bendiciajushcata ricuchingapaj ñucaman shuj regalota carahuai. Ñami sur ladopica* shuj alpaguta carahuarcangui. Pero Gulot-Maim* llactatapash carahuai” nishpami mañarca. Chaimi Calebca Gulot Alto y Gulot Bajo pushtucunatapash cararca.
20 Chai pushtucunami Judá jatun familiapa según cada familiapa urmashca herencia carca.
21 Judá jatun familiapa Edom llacta fronterapi sur ura ladopi llactacunaca caicunami carca: Cabzeel, Éder, Jagur,
22 Quiná, Dimoná, Adadá,
23 Quedes, Hazor, Itnán,
24 Zif, Télem, Bealot,
25 Hazor-Hadatá y Queriyot-Hezrón o Hazor,
26 Amam, Sema, Moladá,
27 Hazar-Gadá, Hesmón, Bet-Pélet,
28 Hazar-Sual, Beer-Seba, Biziotías,
29 Baalá, Iyim, Ézem,
30 Eltolad, Kesil, Hormá,
31 Ziclag, Madmaná, Sansaná,
32 Lebaot, Silhim, Ain y Rimón. Totalca 29 llactacunami carca. Y comunidadcunapashmi carca.
33 Sefelá pushtupi llactacunaca caicunami carca: Estaol, Zorá, Asná
34 Zanóah, En-Ganim, Tapúah, Enam,
35 Jarmut, Adulam, Socó, Azecá,
36 Saaraim, Aditaim y Guederá y Guederotaim.* 14 llactacunami carca. Y comunidadcunapashmi carca.
37 Zenán, Hadasá, Migdal-Gad,
38 Dileán, Mizpé, Jocteel,
39 Lakís, Bozcat, Eglón,
40 Cabón, Lahmam, Kitlís,
41 Guederot, Bet-Dagón, Naamá y Maquedá. 16 llactacunami carca. Y comunidadcunapashmi carca.
42 Libná, Éter, Asán,
43 Iftá, Asná, Nezib,
44 Queilá, Aczib y Maresá. 9 llactacunami carca. Y comunidadcunapashmi carca.
45 Ecrón llacta, Ecrón llactapa ladolla pueblocunapash y comunidadcunapashmi carca.
46 Ecrón llactamanda callarishpa, indi huashajuj ladoman Asdod llactapi gulpi llactacuna y chai llactapa comunidadcunacamanmi carca.
47 Asdod llacta, Asdod llactapa ladolla pueblocunapash y comunidadcunapash, shinallata Gaza llacta, Gaza llactapa ladolla pueblocuna y comunidadcunapashmi carca. Shinallata Egipto huaicucaman, Mar Grandecaman* y mar manña pushtucunacamanmi carca.
48 Shinallata urcucunapica cai llactacunapashmi carca: Samir, Jatir, Socó,
49 Daná, Quiryat-Saná o Debir,
50 Anab, Estemó, Anim,
51 Gosén, Holón y Guiló. 11 llactacunami carca. Y comunidadcunapashmi carca.
52 Arab, Dumá, Esán,
53 Janim, Bet-Tapúah, Afecá,
54 Humtá, Quiryat-Arbá o Hebrón y Zior. 9 llactacunami carca. Y comunidadcunapashmi carca.
55 Maón, Carmelo, Zif, Jutá,
56 Jezreel, Jocdeam, Zanóah,
57 Cayín, Guibeá y Timná. 10 llactacunami carca. Y comunidadcunapashmi carca.
58 Halhul, Bet-Zur, Guedor,
59 Maarat, Bet-Anot y Eltecón. 6 llactacunami carca. Y comunidadcunapashmi carca.
60 Quiryat-Baal o Quiryat-Jearim y Rabá. Ishcai llactacunami carca. Y comunidadcunapashmi carca.
61 Desiertopi llactacunaca caicunami carca: Bet-Arabá, Midín, Secacá,
62 Nibsán, Cachi Llacta y En-Guedí llactacunapashmi carca. 6 llactacunami carca. Y comunidadcunapashmi carca.
63 Jerusalenbi causanajuj jebuseo gentecunataca Judá jatun familiamanda jaricunaca na llujchishpa cachaita usharcachu. Chaimandami jebuseo gentecunaca cunangaman Jerusalenbi Judá jatun familiahuan causashpa catinajun.
Notacuna
^ Caipica Mar Muertomandami parlajun.
^ Caipica Mar Grande o Mar Mediterraneomandami parlajun.
^ Caipica Mar Muertomandami parlajun.
^ O “Valle de Acor”.
^ O “Valle de Hinón”. Hebreo shimipica “Hinonba huahuacunapa pambacuna” nijunmi.
^ O “Valle de Refaím”.
^ Caipica Mar Mediterraneomandami parlajun.
^ O “descendencia”.
^ O “descendencia”.
^ O “descendencia”.
^ O talvez “burro jahuapi maquita huactajpimi”.
^ O “Négueb pushtupica”.
^ Cai shutica “yacu pujyucuna” nijunmi.
^ O talvez “Guederá y paipa llama corralcunandi”.
^ Caipica Mar Mediterraneomandami parlajun.
