Josué 16:1-10
16 Josepa huahuacunaman* por sorteo urmashca alpacunaca, Jericó llactapi Río Jordanmanda callarishpa indi llujshimuj Jericó llactapa pugyucamanmi carca. Chai alpacunaca Jericomanda Betel urcucunacaman vichai rishpa desiertotami yalijurca.
2 Chai alpacunaca Luz llactaman pertinicij Betel pushtumanda Atarot llactapi arkita gentecunapa fronteracamanmi carca.
3 Chaimandaca indi huashajuj ladoman urai rishpa, jafletita gentecunapa lado fronteracamanmi carca. Chaimandaca Bet-Horón Baja y Guézer pushtucunapa fronteracaman chayashpami marpi tucurijurca.
4 Shinami Manasespa y Efrainba jatun familiacunaca chai alpacunataca japirca. Paicunaca Josepa huahuacunami* carca.
5 Efrainba huahuacunapa* cada familiapa fronteraca caicunami carca: indi llujshimuj ladomanga Atarot-Addar pushtumanda callarishpa, Bet-Horón Alta shuti pushtucamanmi paicunapa alpa herenciaca carca.
6 Chai fronteraca marpimi tucurijurca. Micmetat pushtuca norte ladomanmi carca. Shinallata chai fronteraca indi llujshimuj ladopi Taanat-Siló pushtucamanmi muyujurca. Shinallata indi llujshimuj ladopi Janóah pushtutami yalijurca.
7 Chai fronteraca Janóah llactamanda Atarot y Naará llactacaman urai rishpami, Jericó llactacaman y Río Jordangaman chayajurca.
8 Shinallata chai fronteraca Tapúah llactamanda indi huashajuj Caná huaicucaman* chayashpami marpi tucurijurca. Chai alpacunatami Efraín jatun familiaca según familia japirca.
9 Efrainba huahuacunaca,* Manasespa jatun familiapa chaupipimi, huaquin llactacunata y comunidadcunatapash como herenciata japirca.
10 Shinapash paicunaca Guézer llactapi causaj cananeo gentecunataca na llujchishpa cacharcachu. Chaimandami cananeo gentecunaca cunangaman Efrainba jatun familiapurapi causashpa catinajun. Y cananeo gentecunataca shinllita trabajachishpami charin.