Josué 19:1-51
19 Segundo viajeta sorteota rurajpica Simeonba jatun familiapami alpa herenciaca urmarca. Paicunaca según cada familiami alpataca japirca. Shinallata paicunapa herenciaca Judapa jatun familiapa herencia ucupimi carca.
2 Paicunapa alpa herenciaca caicunami carca: Beer-Seba, Seba, Moladá,
3 Hazar-Sual, Balá, Ézem,
4 Eltolad, Betul, Hormá,
5 Ziclag, Bet-Marcabot, Hazar-Susá,
6 Bet-Lebaot y Saruhén. 13 llactacunami carca. Y comunidadcunapashmi carca.
7 Shinallata Ain, Rimón, Éter y Asán. 4 llactacunami carca. Y comunidadcunapashmi carca.
8 Shinallata cai llactacunapa ladolla comunidadcunapashmi paicunapa carca. Y Baalat-Beer pushtucamanmi carca. Chaitaca Ramá del sur nishpapashmi rijsin carca. Chai alpa herenciacunatami Simeonba jatun familiaca según cada familiacuna japirca.
9 Simeonba huahuacunaca* Judá jatun familiapa alpa herenciamandami huaquin alpacunata chasquirca. Porque Judá jatun familiapa alpa herenciaca paicunapaca yapa jatunmi carca. Chaimandami Simeonba huahuacunaca* Judá jatun familiapa herencia ucupillata alpacunataca japirca.
10 Tercer viajeta sorteota rurajpica Zabulonba huahuacunapami* alpa herenciaca urmarca. Paicunaca según cada familiami alpataca japirca. Y paicunapa alpa fronteraca Sarid llactacamanmi carca.
11 Paicunapa alpa fronteraca indi huashajuj ladopi Mareal pushtuman vichai rishpa Dabéset llactacamanmi carca. Chaimandaca Jocneam pushtu ñaupapi tiaj pambacunacamanmi* carca.
12 Shinallata paicunapa alpa fronteraca Sarid llactamanda indi llujshimuj ladota rishpa, Kislot-Tabor pushtupa fronteracamanmi carca. Chaimandaca Daberat llactacamanmi carca. Shinallata Jafía pushtucamanmi vichai rijurca.
13 Chaimandaca indi llujshimuj ladota rishpa Gat-Héfer llactaman y Et-Caín pushtucamanmi carca. Chaimandaca Rimón llactacaman rishpa, Neá pushtucamanmi paicunapa alpa fronteraca carca.
14 Shinallata paicunapa alpa fronteraca norte ladota muyushpami Hanatón llactacaman carca. Chaimandaca Iftá-El shuti pambacunapimi* tucurijurca.
15 Shinallata cai llactacunapashmi carca: Catat, Nahalal, Simrón, Idalá y Belén. 12 llactacunami carca. Y comunidadcunapashmi carca.
16 Chai alpacunami Zabulonba huahuacunapa* herencia carca. Paicunaca según cada familiami japirca. Chai llactacuna y comunidadcunapashmi paicunapaca carca.
17 Cuarto viajeta sorteota rurajpica Isacarpa huahuacunapami* alpa herenciaca urmarca. Paicunaca según cada familiami alpataca japirca.
18 Paicunapa alpa fronteraca caicunami carca: Jezreel, Kesulot, Sunem,
19 Hafaraim, Shion, Anaharat,
20 Rabit, Quisión, Ébez,
21 Rémet, En-Ganim, En-Hadá y Bet-Pazez.
22 Shinallata paicunapa alpa fronteraca Tabor urcucaman, Sahazuma pushtucaman y Bet-Semes shuti llactacamanmi carca. Y Río Jordanbimi tucurijurca. 16 llactacunami carca. Y comunidadcunapashmi carca.
23 Chai alpacunami Isacarpa jatun familiapa herencia carca. Paicunaca según cada familiami alpataca japirca. Chai llactacuna y comunidadcunami paicunapaca carca.
24 Quinto viajeta sorteota rurajpica Aserpa jatun familiapami alpa herenciaca urmarca. Paicunaca según cada familiami alpataca japirca.
25 Y paicunapa alpa fronteraca caicunami carca: Helcat, Halí, Beten, Acsaf,
26 Alamélec, Amad y Misal. Cutin indi huashajuj ladomanga Carmelo urcucaman y Sihor-Libnat pushtucamanmi carca.
27 Chaimandaca indi llujshimuj ladopi Bet-Dagón llactaman tigrashpa Zabulonba alpacunacamanmi carca. Shinallata norte ladomanga Iftá-El pambacunacaman,* Bet-Émec y Neiel llactacunacamanmi carca. Chaimandaca lluqui ladoman Cabul llactacamanmi carca.
28 Shinallata Ebrón, Rehob, Hamón llactacunacaman y Caná pushtucamanmi carca. Shinallata Sidón la Grande nishca llactacamanmi carca.
29 Shinallata paicunapa alpa fronteraca Ramá llactaman tigrashpami, jatun pircacunahuan muyundi pircashca Tiro llactacaman carca. Chaimandaca Hosá llactaman tigrashpami mar ladopi alpa fronteraca tucurijurca. Chai mar ladopica cai llactacunami tiarca: Aczib,
30 Umá, Afec y Rehob: 22 llactacunami carca. Y comunidadcunapashmi carca.
31 Chai alpacunami Aser jatun familiapa herencia carca. Paicunaca según cada familiami japirca. Chai llactacuna y comunidadcunami paicunapaca carca.
32 Sexto viajeta sorteota rurajpica Neftalipa huahuacunapami* alpa herenciaca urmarca. Paicunaca según cada familiami alpataca japirca.
33 Paicunapa alpa fronteraca Hélef pushtumanda y Zaananim pushtupi jatun quiru* tiashca pushtumandami callarijurca. Chai fronteraca Adamí-Néqueb pushtuta y Jabneel pushtuta yalishpa Lacum llactacamanmi carca. Y Río Jordanbimi tucurijurca.
34 Chai fronteraca indi huashajuj ladopi Aznot-Tabor llactacaman tigrashpami, Hucoc llactacaman catijurca. Chaimandaca sur ladopi Zabulón jatun familiapa alpa fronteracaman, indi huashajuj ladopi Aser jatun familiapa alpa fronteracaman y Río Jordanba indi llujshimuj ladopi Judá jatun familiapa alpa fronteracamanmi carca.
35 Shinallata jatun pircacunahuan muyundi pircashca llactacunaca caicunami carca: Zidim, Zer, Hammat, Racat, Kinéret,
36 Adamá, Ramá, Hazor,
37 Quedes, Edréi, En-Hazor,
38 Yirón, Migdal-El, Horem, Bet-Anat y Bet-Semes: 19 llactacunami carca. Y comunidadcunapashmi carca.
39 Chai alpacunami Neftalipa jatun familiapa herencia carca. Paicunaca según cada familiami japirca. Chai llactacuna y comunidadcunami paicunapaca carca.
40 Séptimo viajeta sorteota rurajpica Danba jatun familiapami alpa herenciaca urmarca. Paicunaca según cada familiacunami alpataca japirca.
41 Paicunapa alpa herencia fronteracunaca caicunami carca: Zorá, Estaol, Ir-Semes,
42 Saalabín, Ayalón, Itlá,
43 Elón, Timná, Ecrón,
44 Eltequé, Guibetón, Baalat,
45 Jehúd, Bene-Berac, Gat-Rimón,
46 Me-Jarcón y Racón. Shinallata paicunapa fronteraca Jope llacta ñaupatami yalijurca.
47 Shinapash Danba jatun familiapaca chai alpaca yapa uchillami carca. Chaimandami Lésem llactamanda gentecunahuan macanajungapaj vichai rishpa paicunata mishashpa, espadahuan tucuillata huañuchirca. Chai jipami paicunaca, chai llactata japishpa chai llactapi causangapaj quidarca. Lésem llactataca paicunapa punda taitapa shutita churashpami Dan shutiman cambiarca.
48 Chai alpacunami Danba jatun familiapa herencia carca. Paicunaca según cada familiami japirca. Chai llactacuna y comunidadcunami paicunapaca carca.
49 Shinami alpataca como herencia gulpiman repartirca. Chaimi israelitacunapash Nun shuti runapa churi Josuemanga paicunapa alpa herencia chaupipi shuj alpa herenciataca curca.
50 Jehová Dios mandajpimi Josué mañashca Timnat-Sérah shuti llactata curca. Chaica Efraín urcucunapimi carca. Chaipimi Josueca chai llactata cutin shayachishpa chaipi causangapaj quidarca.
51 Chai alpa herenciacunatami Eleazar sacerdotepash, Nun shuti runapa churi Josuepash, israelitacunapa jatun familiacunapa jefecunapash sorteota rurashpa israelitacunamanga repartirca. Chaitaca Siló llactapi cashpa Jehová Diospa ñaupapi, tabernáculo huasi* entradapimi rurarca. Shinami chai alpacunata repartinataca tucuchirca.
Notacuna
^ O “descendencia”.
^ O “descendencia”.
^ O “descendencia”.
^ O “Valle de Iftá-El”.
^ O “descendencia”.
^ O “descendencia”.
^ O “Valle de Iftá-El”.
^ O “descendencia”.
^ O “jatun yura”.
^ Hebreo shimipica “tandanajuna carpa” nijunmi.
