Josué 21:1-45
21 Levita familiacunapa jefecunaca sacerdote Eleazarpaman, Nun shuti runapa churi Josuepaman y israelitacunapa jatun familiacunapa jefecunapamanmi rirca.
2 Levita familiacunapa jefecunaca Canaán alpacunapi Siló llactapimi paicunataca cashna nirca: “Jehová Diosca Moisesman mandashcashnami, ñucanchi causachun llactacunata y ñucanchi animalcunata michichun chai llactacunapa michina pambacunandi ñucanchiman carachun mandarca” nircami.
3 Chaimi Jehová Dios mandashcashna israelitacunaca, paicunapa propio herenciamanda japishpa levitacunamanga chai llactacunataca michina pambacunandi curca.
4 Sorteota rurajpica primeroca cohatita gentecunapa familiacunapami urmarca. Shinami Sacerdote Aaronba levita huahuacunamanga* por sorteo Judapa, Simeonba y Benjaminba jatun familiacunapa 13 llactacunata curca.
5 Resto cohatita gentecunapaca 10 llactacunami urmarca.* Chai llactacunaca Efrainba, Danba jatun familiacunapa y Manasespa chaupi jatun familiapami carca.
6 Shinallata guersonita gentecunapaca 13 llactacunami urmarca. Chai llactacunaca Isacarpa, Aserpa, Neftalipa jatun familiacunapami carca. Y Basán llactapi Manasespa chaupi jatun familiapapashmi carca.
7 Cutin merarita gentecunaca según familiami 12 llactacunata chasquirca. Chai llactacunaca Rubenba, Gadpa y Zabulonba jatun familiacunapami carca.
8 Jehová Dios Moisesman mandashcashnami, israelitacunaca chai llactacunataca michina pambacunandi por sorteo levitacunamanga curca.
9 Judapa y Simeonba jatun familiacunamandaca cai llactacunatami curca.
10 Aaronba huahuacunamanmi primeroca chai llactacunataca por sorteo curca. Paicunaca levita familiacunamanda cohatita gentecunami carca.
11 Paicunamanga Quiryat-Arbá o Hebrón llactatapash y muyundipi michina pambacunatapashmi curca. Chai llactaca Judá urcucunapimi carca. (Arbá shuti runaca Anac shuti runapa taitami carca).
12 Chai llactapa pambacunata y comunidadcunataca Jefuné shuti runapa churi Calebmanmi curca.
13 Sacerdote Aaronba huahuacunamanga Hebrón llactatami michina pambacunandi curca. Chai llactaca huañuchidorcuna pacajugrichunmi carca. Shinallata paicunamanga Libná llactata y michina pambacunatapashmi curca.
14 Shinallata Jatir y Estemoa llactacunatapashmi michina pambacunandi curca.
15 Holón y Debir llactacunatapashmi michina pambacunandi curca.
16 Ain, Jutá y Bet-Semes llactacunatapashmi michina pambacunandi curca. Chai llactacunaca Judapa y Simeonba jatun familiapa 9 llactacunami carca.
17 Benjaminba jatun familiapa llactacunamandaca cai llactacunatami curca: Gabaón y Gueba llactacunatami paicunapa michina pambacunandi curca.
18 Anatot y Almón llactacunatapashmi paicunapa michina pambacunandi curca. Chuscu llactacunami carca.
19 Aaronba huahuacunapuramanda* sacerdotecunamanga, totalca 13 llactacunatami michina pambacunandi curca.
20 Levitacunapa resto cohatita familiacunamanga Efrainba jatun familiapa llactacunatami por sorteo curca.
21 Paicunamanga Efraín urcucunapimi, Siquem llactataca michina pambacunandi curca. Chai llactaca huañuchidorcuna pacajugrichunmi carca. Shinallata Guézer llactatapashmi michina pambacunandi curca.
22 Quibzaim y Bet-Horón llactacunatapashmi michina pambacunandi curca. Chuscu llactacunami carca.
23 Dan shuti jatun familiapa llactacunamandaca cai llactacunatami curca: Eltequé y Guibetón llactacunatami michina pambacunandi curca.
24 Shinallata Ayalón y Gat-Rimón llactacunatapashmi michina pambacunandi curca. Chuscu llactacunami carca.
25 Cutin Manasespa chaupi jatun familiapa llactacunamandaca cai llactacunatami curca: Taanac y Gat-Rimón llactacunatami michina pambacunandi curca. Ishcai llactacunami carca.
26 Resto cohatita familiacunaca totalca 10 llactacunatami michina pambacunandi chasquirca.
27 Levitacunapa familiamanda guersonita gentecunaca Manasespa chaupi jatun familiapa Golán llactatami michina pambacunandi chasquirca. Golán llactaca Basán llactapimi carca y huañuchidorcuna pacajugrichun llactami carca. Shinallata Beesterá llactatapashmi michina pambacunandi chasquirca. Ishcai llactacunami carca.
28 Isacarpa jatun familiapa llactacunamandaca cai llactacunatami curca: Quisión y Daberat llactacunatami michina pambacunandi curca.
29 Shinallata Jarmut y En-Ganim llactacunatapashmi michina pambacunandi curca. Chuscu llactacunami carca.
30 Aserpa jatun familiapa llactacunamandaca cai llactacunatami curca: Misal y Abdón llactacunatami michina pambacunandi curca.
31 Shinallata Helcat y Rehob llactacunatapashmi michina pambacunandi curca. Chuscu llactacunami carca.
32 Neftalipa jatun familiapa llactacunamandaca cai llactacunatami curca: Galileapi Quedes llactatami michina pambacunandi curca. Quedes llactaca huañuchidorcuna pacajugrichun llactami carca. Shinallata Hamot-Dor y Cartán llactacunatapashmi michina pambacunandi curca. Quimsa llactacunami carca.
33 Guersonita gentecunaca según familiami totalca 13 llactacunata michina pambacunandi japirca.
34 Resto levitacunamanda merarita familiacunaca, Zabulonba jatun familiapa llactacunamandaca cai llactacunatami chasquirca: Jocneam y Cartá llactacunatami michina pambacunandi chasquirca.
35 Shinallata Dimná y Nahalal llactacunatapashmi michina pambacunandi chasquirca. Chuscu llactacunami carca.
36 Cutin Rubenba jatun familiapa llactacunamandaca cai llactacunatapashmi chasquirca: Bézer y Jáhaz llactacunatami michina pambacunandi chasquirca.
37 Shinallata Quedemot y Mefaat llactacunatapashmi michina pambacunandi chasquirca. Chuscu llactacunami carca.
38 Gad shuti jatun familiapa llactacunamandaca cai llactacunatami curca: Gaaladpi tiaj Ramot llactatami michina pambacunandi curca. Ramot llactaca huañuchidorcuna pacajugrichun llactami carca. Shinallata Mahanaim llactatapashmi michina pambacunandi curca.
39 Hesbón y Jazer llactacunatapashmi michina pambacunandi curca. Totalca chuscu llactacunami carca.
40 Resto levita familiacunamanda merarita gentecunaca según familiami totalca 12 llactacunata japirca.
41 Levitacunaca israelitacunapa alpacunapica totalca 48 llactacunatami michina pambacunandi japirca.
42 Chai llactacunaca cada llactami muyundipi michina pambacunata charirca. Gulpi llactacunami shina carca.
43 Shinami Jehová Diosca israelitacunapa punda taitacunaman jurashcashna Israel llactamanga tucuilla alpacunata cararca. Chaimi paicunaca chai alpacunata japishpa chaipi causashpa quidarca.
44 Chai jahuapash Jehová Diosca israelitacunapa punda taitacunaman jurashcashnami tranquilo ali causaiguta* cararca. Shinallata israelitacunataca paicunapa contracunaca ni maijan na mishaita usharcachu. Porque Jehová Diosmi paicunapa gulpi contracunataca paicunapa maquipi entregarca.
45 Jehová Dios israelitacunaman ali cosascunata carasha nishpa prometishcacunapash ni shuj na sin cumplishpaca quidarcachu, tucuillami pactarirca.
Notacuna
^ O “descendencia”.
^ O “por sorteo curca”.
^ O “descendencia”.
^ Hebreo shimipica “samanata” nijunmi.
