Jueces 17:1-13
-
Miqueas runapa sacerdote y santocuna (1-13)
17 Efraín urcucunapica Miqueas shuti runami causajurca.
2 Paica cashnami paipa mamataca nirca: “¿Mil 100 piezas de platata* shuhuashcamanda ñuca uyajta chai shuhuata maldicishcataca yaringuichu? Ñucami japircani, ñucami chai platataca charijuni” nircami. Chaita uyashpami paipa mamaca “ñuca huahualla Jehová Dios candaca bendiciachun” nirca.
3 Chaimi Miqueasca chai mil 100 piezas de platataca paipa mamaman tigrachirca. Shinapash paipa mamaca cashnami nirca: “Cai platataca, maimandami Jehová Diosmanga cugrini.* Chai platataca maquihuan rurashca diosta y shuj fierro estatuata rurachunmi munani. Chai plataca canbami can” nircami.
4 Miqueas paipa mamaman platata tigrachijpimi, paipa mamaca 200 piezas de platata aparte separarca. Chai platataca maquihuan rurashca diosta y shuj fierro estatuata rurachunmi plata nishca materialhuan trabajaj runamanga curca. Chaicunataca Miqueas runapa huasipimi churarca.
5 Miqueas runaca dioscunata adorangapaj huasitami charirca. Shinallata shuj efod* ropata y huaquin terafim* santocunatami rurarca. Shinallata paipa churicunamanda shuj churitaca sacerdote cachunmi nombrarca.*
6 Chai punllacunapica Israel llactapica shuj reyca na tiarcachu. Cada unomi paicunapa ricuipi ima ali cajta ruranajurca.
7 Judapi tiaj Belén llactapica shuj jovenmi tiarca.* Paica Judapa familiamandami carca. Paica levitami* carca. Shinallata unaitami chai llactapica causajurca.
8 Chai jovenga Judapi tiaj Belén llactapi causanata saquishpami maipi causanata mascangapaj llujshirca. Shina rijushpami paica Efraín urcucunapi, Miqueas runapa huasiman chayarca.
9 Miqueas runaca paitaca “¿maimandata shamujungui?” nishpami tapurca. Chaimi paica cashna nishpa tigrachirca: “Ñucaca levitami capani. Judapi tiaj Belén llactamandami shamujuni. Ñucaca maipi causanatami mascajuni” nircami.
10 Miqueasca cashnami chai jovendaca nirca: “Caipi causangapaj quidai. Ñucapa consejero* y sacerdote shina sirvingapaj caipi quidai. Canmanga cada huatami 10 piezas de platata pagasha. Shinallata can minishtijuj ropata y micunatapashmi carasha” nirca. Shina nijpimi chai levitaca huasiman yaicurca.
11 Shinami chai jovenga Miqueas runahuan quidanata decidirca. Shinallata paica Miqueas runapa churi cuendami tucurca.
12 Miqueasca chai levita jovendaca paipa sacerdote shina sirvichunmi nombrarca.* Chaimi chai jovenga Miqueas runapa huasipi causangapaj quidarca.
13 Chaimi Miqueas runaca cashna nirca: “Cunanga cai joven levita ñucapa sacerdote cashcamandami Jehová Diosca ñucata bendiciahuanga” nircami.
Notacuna
^ Shuj pieza de plataca shuj pedazo de plata materialmi carca y hebreocunapa pesana medidami carca y valortapash charinmi carca.
^ Hebreo shimipica “santificasha” nijunmi.
^ Chaitaca sacerdotecunami churajun carca y shuj delantal cuendami carca. Apéndice B5ta ricupangui.
^ Hebreo shimipica “maquita jundachirca” nijunmi.
^ Caipica chai joven Judapi tiaj Belén llactapi causashcatami parlajun yarin.
^ Hebreo shimipica “taita” nijunmi.
^ Hebreo shimipica “maquita jundachirca” nijunmi.
