Mateo 1:1-25
1 Cai libropica Jesucristopa causaimandami parlajun. Paica Davidpa familiamandami carca. Davidca Abrahanba familiamandami carca.
2 Abrahanga Isaacpa taitami carca.Isaacca Jacobpa taitami carca.Jacobca Judapa y chaishuj churicunapapash taitami carca.
3 Judá shuti runaguca Pérez shuti runagupa y Zérah shuti runagupa taitami carca. (Tamar shuti huarmiguca Pérez runagupa, Zérah runagupa mamami carca).Pérez runaguca Hezrón shuti runagupa taitami carca.Hezrón runaguca Ram shuti runagupa taitami carca.
4 Ram shuti runaguca Aminadab shuti runagupa taitami carca.Aminadab runaguca Nahsón shuti runagupa taitami carca.Nahsón runaguca Salmón shuti runagupa taitami carca.
5 Salmón runaguca Boaz shuti runagupa taitami carca. (Boaz runagupa mamaca Rahab shuti huarmigumi carca).Boaz runaguca Obed shuti runagupa taitami carca. (Obed runagupa mamaca Rutmi carca).Obed runaguca Jesé shuti runagupa taitami carca.
6 Jesé runaguca rey Davidpa taitami carca.Rey Davidca Salomón shuti runagupa taitami carca. (Salomón runagupa mamaca Urías shuti runagupa huarmimi carca).
7 Salomón runaguca Rehoboam shuti runagupa taitami carca.Rehoboam runaguca Abías shuti runagupa taitami carca.Abías runaguca Asá shuti runagupa taitami carca.
8 Asá runaguca Jehosafat shuti runagupa taitami carca.Jehosafat runaguca Jehoram shuti runagupa taitami carca.Jehoram shuti runaguca Uzías shuti runagupa taitami* carca.
9 Uzías runaguca Jotán shuti runagupa taitami carca.Jotán runaguca Acaz shuti runagupa taitami carca.Acaz runaguca Ezequías shuti runagupa taitami carca.
10 Ezequías runaguca Manasés shuti runagupa taitami carca.Manasés runaguca Amón shuti runagupa taitami carca.Amón runaguca Josías shuti runagupa taitami carca.
11 Judiocunata Babilonia llactaman apashca punllacunapica Josiasca Jeconías shuti runagupapash y Jeconiaspa huauquicunapapash taitami carca.
12 Babilonia llactapi cashpami Jeconías runaguca Sealtiel shuti churiguta charirca.Sealtiel runaguca Zorobabel shuti runagupa taitami carca.
13 Zorobabel runaguca Abiud shuti runagupa taitami carca.Abiud runaguca Eliaquim shuti runagupa taitami carca.Eliaquim runaguca Azor shuti runagupa taitami carca.
14 Azor shuti runaguca Sadoc shuti runagupa taitami carca.Sadoc runaguca Aquim shuti runagupa taitami carca.Aquim runaguca Eliud shuti runagupa taitami carca.
15 Eliud runaguca Eleazar shuti runagupa taitami carca.Eleazar runaguca Mattán shuti runagupa taitami carca.Mattán runaguca Jacob shuti runagupa taitami carca.
16 Jacob runaguca José shuti runagupa taitami carca. José runaguca Mariapa cusami carca. Mariaca Jesuspa mamami carca. Jesustami gentecunaca Cristo* nishpa rijsin carca.
17 Shinaca, chai tucuilla familiacunata Abrahanba tiempomanda Davidpa tiempocaman cuentajpica, 14 familiacunami tiashca. Cutin Davidpa tiempomanda callarishpa judiocunata Babilonia llactaman apashca tiempocamanga, 14 familiacunami tiashca. Shinallata judiocunata Babilonia llactaman apashca tiempomanda Cristopa tiempocamanga, 14 familiacunami tiashca.
18 Jesucristo nacirichunga cashnami pasarca. Jesucristopa mamaca Mariami carca. Paica Josehuan cazarangapaj ari nishcami carca. Shinapash, Taita Diospa espíritu santopa* poderhuanmi, María shuti joven huarmiguca nara cazarashpallata vijsayu* quidarca.*
19 Mariapa cusa tucuna* José runaguca ali alimi* carca. Paica tucui gentecunapa ñaupapi Mariata pingaichingapaca na munarcachu. Chaimi Joseca, Mariata pacalla saquisha* yajurca.
20 Shina rurasha yajujpimi Jehová* Diospa angelca shuj muscuipi ricurishpa Josetaca nirca: “Davidpa churi* José, Mariata canba huasiman apanataca, ama manllaichu. Mariaca Taita Diospa espíritu santopa poderhuanmi vijsayu tucushca.
21 Paica shuj jari huahuagutami charinga. Chai huahuagutaca Jesús* shutitami shutichina cangui. Gentecunata paicunapa pecadocunamanda salvana cajpimi Jesús shutita shutichina cangui” nirca.
22 Jehová* Dios paipa profetaman* villashca shimicuna pactarichunmi shina pasarca. Profetaca cashnami villashcarca:
23 “Jarihuan nara cashca soltera huarmigumi vijsayu tucushpa shuj jari huahuaguta charinga. Chai huahuagutami gentecunaca Emmanuel nishpa rijsinga” nirca. Emmanuel shutica “Taita Diosca ñucanchihuanmi can” nijunmi.
24 José rijcharishpaca, Jehová* Diospa ángel mandashcata cazushpami, paipa huarmigutaca huasiman aparca.
25 Shinapash, huahuaguta ungungacamanmi Mariataca na tacarirca. Chai huahuagutaca Jesús nishpami Joseca shutichirca.
Notacuna
^ Caipica “taitapa punda familiacunatapashmi” shina nijun.
^ O “Mesías”, “Taita Diospa agllashca”.
^ Glosariopi “espíritu santo” shimita ricupangui.
^ O “vijsandi”.
^ O “saquirirca”.
^ Griego shimipica “cusa” nijunmi.
^ Griego shimipica “divorciarisha” nijunmi. Judiocunapa costumbrepica, cazarangapaj ari nishca cashpaca, divorciarinami minishtirin carca.
^ Escrituras Griegas Cristianas nishcapica 241 viajemi Taita Diospa shutica tiajun. Caipimi primera vez ricurin. Glosariopi “Jehová” shutita ricupangui.
^ Hebreo shimipica “Jesúa o Josué” nijunmi. Jesúa o Josué nishpaca “Jehová Diosca salvanmi” nijunmi.
