JESUSPA CHAQUITA CATISHPA CAUSASHUNCHI
Yanga “dioscunataca anchuchinami canguichi”
Jacobpa tiempopica, yanga dioscunata na adoranamanda parlaj shuj leyca na tiarcachu. Shinapash Jacobca Jehová Diostalla adorana cashcataca alimi yacharca (Éx 20:3-5). Chaimi Jehová Dios Jacobta Betelman tigrachun mañajpica, Jacobca paipa familiataca yanga dioscunataca anchuchinami canguichi nirca. Shinallata Jacobca yanga dioscunata, aretescunatapashmi pambarca. Talvez chai aretescunataca amuleto cuendami utilizan cashcanga (Gé 35:1-4). Jacob imata rurashcataca Jehová Diosca ninandami alicachishcanga.
Cunanbipashmi Jehová Diostalla adorana capanchi. Chaipaca yanga dioscunata adoranamanda, ayacunapa ruraicunamandapashmi caruyana capanchi. Chaimi ayacunapa ruraicunamanda yachachij cosascunamanda, diversiongunamandapash caruyana capanchi. Tapuripashunchi: “¿Librocunapi o Internetpi ayacunapa ruraicunamandaca liijunichu? O ¿ayacunapa ruraicunamanda, vampirocunamanda, zombis nishcacunamanda ricuchij peliculacunataca ricujunichu? Magiamanda, brujeriamanda parlaj cosascunataca ¿alicachinichu?” nishpa. Jehová Dios millanayachishca ruraicunamandaca caruyanami capanchi (Sl 97:10).
“AYACUNAHUAN RICUNATA CHARIJ COSASCUNAMANDA CARUYASHUNCHI” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
-
Bibliata yachajuj Anita huarmiguhuanga ¿imata pasajurca?
-
Ayacunapa ruraicunahuan chapurishca cashpaca ¿imamandata ancianocunapa ayudata mascana capanchi?
-
“Taita Diostalla cazushpa, Diablohuanga shinllita macanajuichi” (Snt 4:7, 8).
Jehová Dios ñucanchita cuidachun munashpaca ¿imatata na charina capanchi?
-
Anita huarmiguca ¿ima ali decisionda japirca?
-
Quiquin causajuj llactapi, ayacunapa ruraicunahuan ama chapuringapaca ¿imatata rurana capangui?
