¿IMAMANDATA MINISHTIRISHCA CAN? Jehová Dios alicachishpa chasquichunmi Bibliamanda yachajujcunaca Jehovaman mingarishpa bautizarina can (1 Ped. 3:21). Jehovaman mingarishcata pactachishpa causajcunataca espiritualmente ali causachunmi Jehová Diosca cuidajun (Sal. 91:1, 2). Jesusta catijcunaca maijanbash genteta, maijanbash trabajota o maijanbash organizacionda catijcunaca na canchichu. Ñucanchica Jehovamanmi mingarircanchi. Chaimandami Bibliamanda yachajujcunaca Jehovata juyanata respetanata yachajuna can (Rom. 14:7, 8).

¿IMASHINATA AYUDASHUN?

• Yachachijushpaca intindichipangui yachajujushca informacionga Jehová Diosmanda imata yachachijta. Ashtahuanbachaca Bibliata cada punlla liina, ‘Diosta na cungashpa mañajuna’ minishtirishca cashcata yachachipangui (Rom. 12:12; Sant. 4:8).

• Yachajujcunataca animapangui Jehovaman mingarishpa bautizarina munaita charichun. Shinallata tandanajuicunapi comentachun, vecinocunaman, trabajo cumbacunaman villachina munaitapash charichun animapangui. Shinapash siempremi yarina capanchi, Jehová Diosca obligacionmandalla paita sirvichunga na munanllu. Paica ñucanchipa munai tucui shunguhuan paiman mingarichunmi munan (Deut. 30:19, 20).

• Yachajujtaca Jehovata cushichingapaca imapi cambiana cashcata ricushpa cambiachun, bautizaringapaj requisitocunata pactachichun animapangui (Prov. 27:11). Huaquin yuyaicuna, costumbrecunaca gentecunapica sapiyashcami can. Chaimandami chaicunataca mauca ropata ladoman saquinshna ‘mushuj causaita mushujta churajunshna causachun’ ayudashpa catina canchi (Efes. 4:22-24). Chaipaca, La Atalaya revistapi “La Biblia les cambió la vida” nishca temacunata ricuchipangui.

• Jehovata sirvijuimanda quiquin ima cushijuicunata charishcatapash parlapangui (Is. 48:17, 18).